InfoHub Logo

ساباقتىڭ تاقىرىبى: ناۋرىز - ۇلتتىق مەيرام. ەتىستىكتىڭ شاقتارىن قايتالاۋ
ساباقتىڭ ماقساتى:
قازاق حالقىنىڭ جاڭا جىلى، ۇلىستىڭ ۇلى كۇنى ناۋرىز مەيرامى تۋرالى كەڭىنەن ماعلۇمات بەرۋ. ەتىستىكتىڭ شاقتارىن قايتالاي وتىرىپ، پراكتيكالىق جولمەن مەڭگەرتۋ.
ساباقتىڭ مىندەتتەرى:
وقۋشىلارعا ناۋرىز مەيرامىنىڭ ەرەكشەلىگىن تۇسىندىرە وتىرىپ، ەلجاندىلىققا، حالقىمىزدىڭ سالت - ءداستۇرىن، ونەرىن، تاريحىن قاستەرلەۋگە تاربيەلەۋ؛
وقۋشىلاردىڭ ءوز بەتىنشە ءبىلىم الۋ مۇمكىندىگىنە سۇيەنە وتىرىپ، ولاردىڭ تانىمدىق قىزىعۋشىلىعىن ارتتىرۋ؛
ناۋرىز مەيرامى، ەتىستىكتىڭ شاقتارىن قايتالاي وتىرىپ، ساباقتى بۇگىنگى ومىرمەن بايلانىستىرۋ؛
ساباقتىڭ ءتۇرى: جاڭا ءبىلىمدى مەڭگەرتۋ ساباعى
ساباقتىڭ ءادىسى: قايتالاۋ، سۇراق - جاۋاپ، بايانداۋ، اڭگىمەلەۋ، توپتىق جۇمىس؛
ساباقتىڭ كورنەكىلىگى: ينتەراكتيۆتى تاقتاداعى سلايدتار، سۋرەتتەر، گرامماتيكالىق كەستە، توپشامالار
ءپانارالىق بايلانىس: قازاقستان تاريحى، قازاق ادەبيەتى

ۇيىمداستىرۋ ءبولىمى:
I سالەمدەسۋ، وقۋشىلاردى تۇگەلدەپ، ساباققا نازارلارىن اۋدارۋ.
التىن قاقپا اشىلىپ،
ناۋرىز كەلدى، جىل كەلدى!
جىلمەن بىرگە جىر كەلدى،
جەر بۋسانىپ، قۇس كەلىپ،
جەرىمە اسەم نۇر بەردى!

II ءۇي تاپسىرماسىن تەكسەرۋ: ءبىلىمىڭدى تەكسەر
1. ءبىز قانداي ءبولىمدى ءوتىپ جاتىرمىز؟
2. كوكتەمدە قازاق ەلى قانداي مەرەكەلەردى تويلايدى؟
3. مەيرامدا سەندەر نە ىستەيسىڭدەر، قالاي وتكىزەسىڭدەر؟
4. ەڭ جاقسى كورەتىن مەيرامدارىڭ تۋرالى نە ايتاسىڭدار؟
(ەتىستىكتەردى ءۇش شاقتا وسى شاق، وتكەن شاق، كەلەر شاقتا جازۋ)
سىنىپتى 3 توپقا ءبولۋ (وسى شاق، وتكەن شاق، كەلەر شاق)

III جاڭا ساباق:
ساباق تاقىرىبى حابارلانىپ، ماقساتى ايتىلادى.
ناۋرىز - ۇلتتىق مەيرام. ەتىستىكتىڭ شاقتارىن قايتالاۋ.
1. ءمۇعالىمنىڭ كىرىسپە ءسوزى. (ينتەراكتيۆتى تاقتادان سلايد ماتەريالدارىن كورسەتۋ)
2. ماتىنمەن جۇمىس

جاڭا سوزدەرمەن تانىستىرۋ:
ۇلى - ۆەليكيي
ۇلىس - نارود
تەڭەلۋ - راۆنودەنستۆيە
ءداستۇر - تراديسيا
ەرەكشە - وسوبىي
1. قازاق تىلىنە ءتان دىبىستاردى تاۋىپ، مىسال كەلتىرۋ.
2. سينونيمدەرىن تابۋ(ۇلىس - حالىق، ەل؛ ەرەكشە - ايرىقشا، ت. ب.)
3. ءسوز تىركەسى، سويلەم قۇراستىرۋ.

ماتىنمەن جۇمىس
ناۋرىز - ۇلتتىق مەيرام
ناۋرىز - ۇلىستىڭ ۇلى كۇنى، مەيرام.
ناۋرىز - جىلدىڭ باسى ءارى كوكتەمنىڭ ءبىرىنشى ايى. پارسىنىڭ «ناۋ»- جاڭا، «رۋ»- كۇن، ياعني «جاڭا كۇن» دەگەن سوزىنەن شىققان.
ناۋرىز تويىن تويلاۋدىڭ ءداستۇرى بار. بۇل كۇنى ناۋرىز كوجە پىسىرىلەدى. قازاق حالقى ناۋرىز مەيرامىندا ءان شىرقايدى، كۇي تارتادى، بالۋان كۇرەستىرەدى، ويىن - ساۋىق وتكىزەدى.
بۇل مەرەكە قازاق حالقىنىڭ ومىرىندە ەرەكشە ورىن الادى. قار ەريدى، كوك شىعادى، كۇن مەن ءتۇن تەڭەلەدى. جاڭا جىلدى ادامدار قۋانىشپەن قارسى الادى.
ادامدار «اق مول بولسىن!»، «ۇلىس وڭ بولسىن!»، «ۇلىس بەرەكە بەرسىن!»، «ۇلىس باقىتتى بولسىن!» دەپ ءبىرىن - ءبىرى قۇتتىقتايدى.
ناۋرىز - حالىقتىق مەيرام.

IV توپتىق جۇمىس
1 - توپ ماتىنگە جوسپار قۇرىپ، مازمۇنىن سول جوسپار ارقىلى ايتىپ بەرىڭدەر؛
2 - توپ ماتىننەن تىلەكتەردى تەرىپ جازىڭدار. مىنا سۇراققا جاۋاپ بەرىڭدەر.
ناۋرىز كۇنىن حالىق قالاي قارسى الادى؟
3 - توپ ەتىستىكتەردى تەرىپ جازىپ، ءۇش شاقتا ايتىڭدار.
V تاپسىرمالار
1. ماتىندە بەرىلگەن ەتىستىكتەردى بولىمسىز ەتىستىككە اينالدىر.
شىرقايدى -
شىعادى -
تارتادى -
وتكىزەدى -
الادى -
تەڭەلەدى -

2. «شاقتارىن تاپ» ويىنى
1) وتكەن شاقتا تۇرعان ەتىستىكتەردى تەرىپ جاز.
2) وسى شاقتا تۇرعان ەتىستىكتەردى تەرىپ جاز.
3) كەلەر شاقتا تۇرعان ەتىستىكتەردى تەرىپ جاز.
3. تۇيىق ەتىستىكتەردى تاۋىپ، جاسالۋ جولىن تۇسىندىرىڭدەر.
- ەكى كوزىڭ نە ءۇشىن كەرەك؟
- جاقسىلاردى كورۋ ءۇشىن.
- ەكى قولىڭ نە ءۇشىن كەرەك؟
- ەلگە كومەك بەرۋ ءۇشىن.
- قۇلاق دەگەن نە ءۇشىن كەرەك؟
- اقىل - كەڭەس تىڭداۋ ءۇشىن.
- جۇرەك دەگەن نە ءۇشىن كەرەك؟
- جاۋلاردان قورىقپاۋ ءۇشىن.
- ءتىل مەن جاعىڭ نە ءۇشىن كەرەك؟
- اقيقاتتى ايتۋ ءۇشىن.
- ال اياعىڭ؟
- شەتتە جۇرسەم تۋعان جەرگە قايتۋ ءۇشىن.

VI بەكىتۋ:
1. توپتاستىرۋ ارقىلى ( ناۋرىز مەيرامى)
2. بەس جولدىق ولەڭ ( كوكتەم، ناۋرىز، مەيرام)
1 زات ەسىم ------- ناۋرىز
2 سىن ەسىم ------ شۋاقتى، مەرەكەلى
3 ەتىستىك --------- جىلىنادى، ەريدى، كۇن مەن ءتۇن تەڭەلەدى
سويلەم --------- ناۋرىز - كوكتەمنىڭ ءبىرىنشى ايى
سينونيم ------- جاڭا كۇن
1. سۇراق - جاۋاپ ارقىلى
- سونىمەن، بالالار، بۇگىنگى ساباعىمىزدا نەنى بىلدىك، نەگە ۇيرەندىك؟
- جاڭا جىلدا قانداي تىلەكتەر ايتاسىڭدار؟ ( وقۋشىلار تىلەكتەرىن ايتادى، ناۋرىز باتاسىن بەرەدى)
VII ۇيگە تاپسىرما: ءماتىننىڭ مازمۇنىن ايتۋ؛ جاڭا سوزدەردى جاتتاۋ؛ ناۋرىز باتالارىن تابۋ.
VIII باعالاۋ.