نازاربايەۆ قازاقستاندىق جاس ءىت مامانىن بيلل گەيتسكە تەڭەدى
رەسپۋبليكالىق جاستار فورۋمىندا ەلباسى نۇرسۇلتان نازاربايەۆ وتاندىق جاس يننوۆاسيا ازىرلەۋشىلەردى تانىستىردى.
ماسەلەن، سولاردىڭ ءبىرى ءسابيت ناۋكەنوۆ ەلورداداعى «Gift Sensor» كومپانياسىنىڭ نەگىزىن قالاعان. ول اعىمداعى جىلى سينگاپۋردا وتكەن ەڭ ءىرى ازيالىق ىت-كونفەرەنسياسىندا جەڭىمپاز بولعان ەدى. ال وعان دەيىن نازاربايەۆ ۋنيۆەرسيتەتىندەگى ستارتاپ بايقاۋىندا دا جۇلدەگەر اتانعان.
«ءيا، ءبىزدىڭ جوبامىز سينگاپۋردا وتكەن «Echelon Asia Summit 2016» كونفەرەنسياسىنىڭ ءىرى بايقاۋىندا ۇزدىك وندىققا ىلىنگەن ەدى. ءبىز الەۋمەتتىك جەلىدە، ينتەرنەتتە كەز كەلگەن اقپاراتتى ساراپتاۋعا قابىلەتتى جاساندى يتەللەكت ازىرلەدىك. ماسەلەن، ءبىزدىڭ الگاريتم ادامدى الەۋمەتتىك جەلىدەگى پروفايلدارى ارقىلى ونىڭ ەڭ جاقىن دوسىنان دا جاقسى تانيدى جانە وعان ناقتى ۇنايتىن سىيلىقتى ۇسىنادى. شىندىعىنا كەلگەندە بۇل «ۆاۋ»-تەحنولوگيا»، - دەدى ناۋكەنوۆ.
«كوردىڭىزدەر مە، بيلل گەيتستەن قاي جەرى كەم. ايتىڭىزدارشى. ەش قالىس قالىپ وتىرعان جوق. مىنە، بىزدە وسىندا تالانتتى جاستار، ۇمتىلىس پەن وي-پىكىر بار»، - دەپ اتاپ ءوتتى ءوز كەزەگىندە قازاقستان پرەزيدەنتى نۇرسۇلتان نازاربايەۆ.
You Might Also Like
-
ءقازىر بىلۋگە قاجەت جاڭا اقپاراتتىڭ كولەمى جىلىنا 30 پايىزعا ءوسىپ وتىرادى. بۇل تۋرالى بۇگىن رەسپۋبليكالىق جاستار فورۋمى اياسىندا جاستارمەن كەزدەسكەن ق ر پرەمەر-مينيسترىنىڭ ورىنباسارى يمانعالي تاسماعا...
-
الماتى قالاسى № 90 مامانداندىرىلعان مەكتەپ-ليسەي 6 «گ»سىنىپ وقۋشىسى كەلگەنبايەۆا اسەل
