InfoHub Logo

بۇنداي «كەرەڭدىككە» ءبارىمىز تاپ بولىپ تۇرامىز. مەترودا، اۆتوبۋستا قىزىق كىتاپ وقىپ وتىرىپ، كەرەكتى ايالدامامىزدان بايقاماي ءوتىپ كەتەمىز، ەسەپ شىعارىپ وتىرىپ، باسقالاردىڭ بىزدەن نە سۇراپ تۇرعانى قۇلاعىمىزعا كىرمەيدى.    

بۇل قۇبىلىسقا «زەيىنسىز كەرەڭدىك» دەگەن اتاۋ بەرىلدى. ول، ادامنىڭ ءومىرجاسىنا جانە جىنىسىنا قاراماستان، بارلىق ادامدا قانداي دا بولسىن ءبىر دارەجەدە بايقالىپ تۇرادى.

پروفەسسور نيللي لاۆي جەتەكشىلىك ەتكەن لوندون كوللەدجى ۋنيۆەرسيتەتىنىڭ قىزمەتكەرلەرى ءجۇز ادامنان قۇرالعان تەستتىك توپ جيناقتاپ، ولاردى كومپيۋتەر الدىنا وتىرعىزىپ قويدى. ولاردىڭ بارلىعى كۇردەلىلىگى ءار قالاي بولاتىن تاپسىرمالاردى ورىنداۋى ءتيىس بولدى. بۇعان قوسا ولار، ديناميكاسى ءار ءتۇرلى، كەيبىرىندە قۇلاققا تۇرپىدەي تيەتىن جانە قايتالانبايتىن بەرەتىن مۋزىكا ويناپ تۇرعان، قۇلاققاپ تاعىپ وتىردى. تاجىريبەگە ارنالعان ۋاقىت اياقتالعان كەزدە وعان قاتىسىپ وتىرعانداردىڭ بارلىعىندا مۋزىكانىڭ ءۇنى ءوشىپ، لاۆي بارلىعىنان جۇمىستى تامامداۋدى ءوتىندى. سىنالىپ وتىرعانداردىڭ كوبى بۇنى بايقاماي، تاپسىرمالارىن ورىنداپ وتىرا بەردى! بۇل رەتتە وڭاي تاپسىرما، مىسالى، نىسانداردىڭ ءتۇسىن انىقتاۋ تاپسىرماسىن ورىنداپ وتىرعان 10 ادامنىڭ 8ء-ى مۋزىكا توقتاپ قالعانىن ەستىگەن. ال كۇردەلىرەك، مىسالى، ەكى كەسىندىنىڭ ۇزىندىعىن انىقتاۋ تاپسىرماسىن، ورىنداپ وتىرعان 10 ادامنىڭ 8ء-ى وزىمەن ءوزى بولىپ، ورناعان تىنىشتىقتى بايقاماي قالعان.

بۇل قۇبىلىستىڭ نەگىزىندە ۆيزۋالدى اقپاراتتى وڭدەۋدەگى باسىمدىلىق بولسا كەرەك: ءبىز قۇلاعىمىزدان جانە باسقا سەزىم مۇشەلەرىمىزدەن گورى كوزىمىزگە كوبىرەك سەنەمىز. ءبىز سىرتقى قوزدىرعىشتارعا كوڭىل بولمەي قويامىز. ادامنىڭ وسى ەرەكشەلىگى، قانداي جاعدايدا بولماسىن، ۇرىس-كەرىس پەن وكپە-نازدىڭ سەبەبىنە اينالماۋى ءتيىس.

---