InfoHub Logo

ءبىز قانداي دا ءبىر قىزمەتتى تولەي وتىرىپ، قيىندىق تۋعىزعان ماسەلەلەردى شەشۋگە ۇمىتتەنەمىز. مىسالى، اۋەجايدا تاسىمالداۋشىعا اقىسىن تولەي وتىرىپ، ءبىز اۋىر چەمودانداردى كوتەرۋدەن قۇتىلامىز. ءبىراق، وكىنىشكە وراي، قوعامدىق ورىنداردا قىزمەت ءارقاشان ءتيىستى دارەجەدە كورسەتىلە بەرمەيدى: اۋەجايدا قالتاڭىزدان اقى تولەپ، ۇيالى تەلەفونىڭىزدى زاريادتاي وتىرىپ باسىڭىزعا بالە تىلەپ الۋىڭىز عاجاپ ەمەس. 

قاسكۇنەمدەر قوعامدىق USB-ستانسيالاردى قورعاۋدان ىلىك تابا وتىرىپ، تەلەفونعا وپ-وڭاي قوسىلا الادى، سونىمەن قاتار وعان ءتۇرلى زياندى باعدارلامالار ورناتىپ، ءتىپتى ءسىزدىڭ جەكە مالىمەتتەرىڭىزدى جۇكتەي الادى.

IBM Security-دەگى X-Force Threat Intelligenceء-نىڭ  ۆيسە-پرەزيدەنتى كالەب بارلوۋ: «كوپشىلىككە قولجەتىمدى USB-پورتقا قوسىلۋ جولدا بىرەۋدىڭ ءتىس ششەتكاسىن تاۋىپ، ونى پايدالانعانىڭىزبەن پارا-پار. ءسىز ونىڭ بۇرىن سوڭدى كىم پايدالانىپ، قايدا جاتقانىن بىلمەيسىز عوي. قوعامدىق  پورتتار دەرەكتەردى جىبەرە الاتىنىن ەسكەرە جۇرىڭىزدەر» — دەيدى.

ايتا كەتۋ كەرەك، 2019 جىلى جاريالانعان كورسەتكىشتەرگە سايكەس، كيبەرقىلمىسكەرلەر سوڭعى بىرنەشە جىلدا قوعامدىق USB-ستانسيالاردى قورعاۋداعى كەمشىلىكتەردى بەلسەندى تۇردە پايدالانا باستادى. 2018 جىلدىڭ قاڭتارىنان باستاپ تەلەفون زاريادتاۋ ستانسيالارى ارقىلى 566 ميلليون دەرەك ۇرلانعان ەكەن.

ال بۇنداي كەلەڭسىزدىكتەن قۇتىلۋدىڭ جولى بار ما؟ ارينە بار. زاريادتاۋ شنۋرىنا دەيىن زاريادتاۋ قۇرىلعىسىنا سالىنعان ارنايى اداپتەر بار جانە ول ارقىلى دەرەكتەردى جىبەرۋ بۇعاتتالادى، ول ارقىلى تەك توك وتەدى. ءبىراق وزىڭىزبەن بىرگە ءپورتاتيۆتى زاريادتاۋ قۇرىلعىلارىن الۋ نەمەسە اۋەجايدا بوس توق كوزىن تاۋىپ، ءوزىڭىزدىڭ زاريادتاعىشىڭىزدى پايدالانعانىڭىز جاقسى. سونداي-اق كالەب بارلوۋ اۋەجايداعى  الدەبىرەۋدىڭ ۇمىت قالدىرعان زاريادتاۋ قۇرىلعىسىن قولدانباعانىڭىز ءجون ەكەنىن اتاي كەتتى. زاريادتاۋ سىمىنا ءتۇرلى زياندى باعدارلامالاردى تەلەفونعا تاراتاتىن ءچيپتى ەنگىزىپ قويۋى دا مۇمكىن. ال الاياقتار مۇنداي باعدارلامالاردان قۇتىلۋ ءۇشىن قارجى تالاپ ەتۋى عاجاپ ەمەس.

---