قازاقستان وقۋشىلارى ماتەماتيكا بويىنشا الەمنىڭ ۇزدىك 10 ەلىنىڭ قاتارىنا كىردى
قازاقستان وقۋشىلارىنىڭ ماتەماتيكا-جاراتىلىستانۋ عىلىمي ساۋاتى بويىنشا الەمنىڭ ۇزدىك 10 ەلىنىڭ قاتارىنا كىردى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«پوستكەڭەستىك ەلدەردە كادر دايىنداۋ جۇيەسى ەڭبەك نارىعىنىڭ تالاپتارىنا ساي ەمەس، مەملەكەتتىك رەتتەۋ تىم ارتىق، ال وقىتۋ نەگىزىنەن اكادەميالىق سيپاتقا يە» دەگەن پىكىر بار. شىنىمەن دە، بۇل سىن ءادىل. اتالعان پروبلەمانى شەشۋ ءۇشىن قازاقستان تاۋەلسىزدىك جىلدارىندا كوپتەگەن ادىستەردى وي ەلەگىنەن وتكىزىپ شىقتى. بۇگىنگى كۇنى بىزدەگى ءبىلىم بەرۋ جۇيەسى بىلىكتىلىگى جوعارى ادامي كاپيتالدى دايىنداۋعا توعىستىرىلعان»، - دەدى مينيستر ق ر پرەزيدەنتى قاسىم-جومارت توقايەۆتىڭ توراعالىعىمەن ءوتىپ جاتقان شەتەلدىك ينۆەستورلار كەڭەسىنىڭ وتىرىسىندا.
وسى ورايدا اسحات ايماعامبەتوۆ وعان ق ر تۇڭعىش پرەزيدەنتى - نۇرسۇلتان نازاربايەۆتىڭ باستاماسىمەن قولعا الىنعان «بولاشاق» باعدارلاماسى جارقىن دالەل بولا الاتىنىن ايتتى. ول بۇگىندە شامامەن 11 مىڭ ستيپەنديات شەتەلدەگى وقۋىن ءبىتىرىپ، قازاقستان يگىلىگى ءۇشىن جۇمىس ىستەپ جاتقانىن اتاپ ءوتتى.
«10 جىلدىڭ ىشىندە قازاقستان ادامي دامۋ يندەكسى بويىنشا ءوسىم كورسەتىپ، ادامي كاپيتالى وتە جوعارى دەڭگەيدەگى ەلدەردىڭ قاتارىنا كىردى. بىزدە حالىقتىڭ 100 پايىزعا جۋىعى ساۋاتتى. بالالاردىڭ 95 پايىزى مەكتەپكە دەيىنگى تاربيەمەن جانە وقۋمەن، ال 100 پايىزى مەكتەپتە وقۋمەن قامتىلعان. وقۋشىلارىمىز دا باسەكەگە قابىلەتىن كورسەتىپ ءجۇر. ماتەماتيكا-جاراتىلىستانۋ عىلىمي ساۋاتى زەرتتەۋىندە بالالارىمىز پروگرەسس كورسەتتى. سوڭعى ولشەمگە سايكەس ەلىمىز الەمنىڭ 40 ەلىنىڭ ىشىندە ۇزدىك 10 ەلدىڭ قاتارىنا كىردى»، - دەدى ا.ايماعامبەتوۆ.
You Might Also Like
-
ءبىز قانداي دا ءبىر قىزمەتتى تولەي وتىرىپ، قيىندىق تۋعىزعان ماسەلەلەردى شەشۋگە ۇمىتتەنەمىز. مىسالى، اۋەجايدا تاسىمالداۋشىعا اقىسىن تولەي وتىرىپ، ءبىز اۋىر چەمودانداردى كوتەرۋدەن قۇتىلامىز. ءبىراق، وكىن...
-
ولاردىڭ كەيبىرى شكافتىڭ تۇكپىرىندە جاتسا، كەيبىرى كوز الدىمىزدا تۇرادى.
