InfoHub Logo

ءبىر شارۋا اعاش ۇستاسىنا ۇلكەن بورەنە الىپ كەلىپ:

— وسى بورەنەمنەن استاۋ جاساپ بەر، — دەپ وتىنەدى.

— جارايدى، — دەپ ۇستا بورەنەنى الىپ قالادى.

شارۋا كۇندەردە ءبىر كۇن استاۋىن الۋعا كەلەدى. ۇستا وعان:

— بورەنەڭىز جامان ەكەن، ونان استاۋ شىقپايدى، كەلى، كەلساپ بولماسا، — دەيدى. شارۋا:

— كەلى، كەلساپ جاساي عوي، — دەيدى. شارۋا كەلى، كەلسابىن الۋعا كەلەدى. ۇستا:

— جوق، بورەنەڭىز ءتىپتى جامان، اقاۋى كوپ ەكەن، ونان كەلى دە، كەلساپ تا شىقپايدى، ساپتىاياق بولماسا، — دەيدى. شارۋا:

— ساپتىاياق جاساپ بەرە عوي، — دەيدى. ارادا ءبىراز كۇن وتكەن سوڭ، شارۋا ساپتىاياعىن الۋعا كەلەدى. ۇستا:

— بورەنەڭىز ءتىپتى شىرىك ەكەن. ونان ساپتىاياق تا شىعاتىن ەمەس، قاسىق، ۇرشىقساپ بولماسا، — دەيدى.  شارۋا ەندىگى ەلگەنىندە وعان ۇستا ءبىر ۇرشىقساپ ۇستاتادى. ءسويتىپ، ولاق ۇستا ءبىر بورەنەدەن ءبىر-اق ۇرشىق جاساپ شىعارعان ەكەن.

---