وليمپيادا چەمپيوندارى «جەڭىمپازدارمەن سۇحبات» جوباسىندا بالالارمەن جۇزدەستى
الماتىداعى بالۋان شولاق اتىنداعى سپورت جانە مادەنيەت سايرايىندا 28ء-شى بۇكىلالەمدىك قىسقى ۋنيۆەرسياداعا دايىندىق اياسىندا «جەڭىمپازدارمەن سۇحبات» جوباسى ۇيىمداستىرىلدى.
يدەيانىڭ باستى ماقساتى - تانىمال قازاقستاندىق سپورتشىلاردىڭ، ءتۇرلى سپورت تۇرلەرىنەن وليمپيادا مەدالىنىڭ يەگەرلەرىنىڭ الماتىنىڭ جاسوسپىرىمدەرىمەن الاڭسىز جاعدايدا سۇحباتىن ۇيىمداستىرۋ.
وسىعان قاراي شاراعا بوكستان 2012 جىلعى وليمپيادا چەمپيونى سەرىك ساپييەۆ، 2016 جىلعى ءجۇزۋ سپورتىنان وليمپيادا چەمپيونى دميتريي بالاندين، تاەكۆوندودان 2014 جىلعى الەم چەمپيونى ءال-فارابي داۆلەچين، شاحماتتان 4 دۇركىن الەم چەمپيونى، حالىقارالىق دارەجەدەگى گروسمەيستەر جانسايا ابدىمالىك پەن 2016 جىلعى وليمپيادانىڭ قولا جۇلدەگەرى داريعا شاكىموۆا قاتىستى.
الەمدىك دودالاردىڭ جەڭىمپازدارى وزدەرىنىڭ جەتىستىككە جەتۋ جولىنداعى باستان كەشكەندەرى مەن سپورتىڭ باستى قۇندىلىعى مەن جاستاردى سپورتقا باۋلۋدىڭ ماڭىزدىلىعى تۋرالى ايتتى.
«بىزگە، سپورتشىلارعا ءوسىپ كەلە جاتقان جاستارمەن كەزدەسۋ قۋانىشتى جاعداي. ءبىز ءوز تاراپىمىزدان سىزدەردى دۇرىس جولعا باعىتتاپ، ەڭبەكقور، تەمىردەي ءتارتىپتىڭ ادامى بولىپ، ەلىمىزدىڭ يگىلىگى ءۇشىن ەڭبەك ەتۋگە باۋليمىز»،-دەدى سەرىك ساپييەۆ.
دميتريي بالاندين ءوزى ءۇشىن ەلىنىڭ اتىنان الەمدىك ارەنادا ونەر كورسەتۋ ۇلكەن مارتەبە ەكەندىگىن ايتتى. سونداي-اق جەڭىمپازدار وزدەرىنىڭ سپورتقا كەلۋ جولدارى تۋرالى دا اڭگىمەلەپ بەردى.
«مەن بولاشاقتا ەلىمىزدەن ءالى تالاي مىقتى جۇزگىشتەر شىعاتىنىنا، ۇلكەن بيىكتەردى باعىندىرار دارىندار شىعاتىنىنا جانە ولاردىڭ مەنىڭ سۇيىكتى سپورتىممەن اينالىساتىندار سانىن كەڭەيتە تۇسەتىنىنە سەنەمىن»،-دەدى دميتريي بالاندين.
كەزدەسۋگە يۋنەسكو قازاقستاننىڭ ۇلتتىق فەدەراسيالار كلۋبىنىڭ مۇشەلەرىن، الماتىداعى اۋىل جاستارىن بەيىمدەۋ ورتالىعى، ونكولوگيالىق اۋرۋلارمەن ناۋقاس بالالارعا ورتالىعى مەن №1 جانە 2 بالالار ۇيلەرىنىڭ تاربيەلەنۋشىلەرىن قوسا العاندا 100-گە جۋىق ءجاسوسپىرىم قاتىستى. شارانىڭ سوڭىندا بالالار جەڭىمپازدارمەن سۋرەتكە ءتۇستى.
You Might Also Like
-
سقو پەتروپاۆل قالاسى «№7 ورتا مەكتەپ» كمم مەكتەپالدى دايارلىق سىنىپ تاربيەشىسى كيشكەنتايەۆا ۆەنەرا ەرساينوۆنا
