ومبى مەكتەپتەرىندە قازاق ءتىلى ءپانى وقىلاتىن بولدى
ومبى وبلىسىنىڭ مەكتەپتەرىندە قازاق ءتىلى ءپانى ەنگىزىلدى. 1 قىركۇيەكتەن باستاپ كەز كەلگەن وقۋشى قالاۋى بويىنشا قازاقشا وقي الادى. بۇل تۋرالى 24.kz حابارلايدى.
سونىمەن قاتار بالاباقشالاردا ارنايى سىنىپتار اشىلدى. ومبى قالاسىنىڭ تۇرعىنى ءلاززات شاحۋوۆا قولى قالت ەتە قالسا، قۇراق كورپە، قالتا، جاستىق، ۇلتتىق كيىمدەر تىگەدى. ويۋ-ورنەكتەرىن دە ءوزى ويلاپ تابادى. شەبەردىڭ ۇيىندە قازاقى قۇندىلىقتاردىڭ ءيىسى اڭقىپ تۇر.
«ومبىدا توي كوپ. دوستارىم، تۋىستارىم سۇراسا، تاپسىرىستارىن تىگىپ بەرەمىن. ۋاقىتىم بولعاندا جاي ەرمەك ەتەمىن»، – دەيدى ومبى قالاسىنىڭ تۇرعىنى ءلاززات شاحۋوۆا.
رەسەيدە تۇراتىن قانداستارىمىز قۇندىلىقتارىن ەرەكشە قاستەرلەيدى. ومبىدا ءبىرىنشى ۇلتتىق كيىمدەر دۇكەنى اشىلدى. كاسىپكەر تاۋاردى قازاقستاننان تاسيدى. ەندى وسىنداي ساۋدا نۇكتەلەرىن باسقا دا قالالاردا اشۋدى جوسپارلاپ وتىر.
«وتكەندە ءبىر كەلىنشەك كەلىپ، تۇساۋكەسىر تويىنا اق جول ساتىپ الدى. سوڭعى جىلدارى قازاقتار سالت-داستۇرگە كوپ كوڭىل ءبولىپ كەلەدى. بارلىق ءىس-شارالاردى ۇلتتىق ناقىشتا وتكىزۋگە تىرىسادى»، – دەيدى ساتۋشى ديانا ىبرايىموۆا.
ومبى وبلىسىندا 100 مىڭنان استام قانداسىمىز مەكەن ەتەدى. وسىندا تۇراتىن قازاقتار تۋۋ كورسەتكىشى بويىنشا كوش باستاپ تۇر.
You Might Also Like
-
اتىراۋ قالاسى، امانگەلدى اتىنداعى ورتا مەكتەبى كمم 1"ا" سىنىپ وقۋشىسى: تەمىربەك سايات ارمانبەك ۇلى جەتەكشىسى: مەنديگالييەۆا گۋلجانات ەسكايروۆنا
-
ماقتاارال اۋدانى جەتىساي قالاسى № 119 جالپى ورتا مەكتەبىنىڭ 1 سىنىپ وقۋشىسى: رايىمبەك راۋان جەتەكشىسى: قر-نىڭ جاس اقىنى گۇلسانا تيلەۋبەكوۆا اناربەك قىزى
