InfoHub Logo

ءمۇعالىم ەرەكشە ويدىڭ ارقاسىندا ارتقى پارتاعا قاشاتىن، ناشار وقيتىن وقۋشىلارعا ءبىلىمنىڭ قانشالىقتى ماڭىزدى ەكەنىن تۇسىندىرە الدى.

مەكتەپ وقىتۋشىسى وقۋشىلارىنا ومىرلىك ماڭىزدى ساباقتى جەتكىزە الدى. ول مۇنى ءىش پىستىرارلىق لەكسيا ارقىلى ەمەس، ودان دا قىزىعىراق، ينتەراكتيۆتى جاتتىعۋلار ارقىلى ۇيرەتتى. وعان بار-جوعى مىجىلعان ءبىر پاراق قاعاز (ءار وقۋشى ءۇشىن) بەن سىنىپتىڭ الدىڭعى جاعىندا ورنالاسقان قوقىس جاشىگى كەرەك بولدى.

بۇدان كەيىن ول شارت قويدى: «وزدەرىڭدى سىنىپ ەمەس، ەلىمىزدىڭ حالقى دەپ ەلەستەتىڭدەر. اركىمنىڭ بايىپ كەتۋگە مۇمكىندىگى بار. ءبىراق جوعارعى قوعامعا ءوتۋ ءۇشىن ءوز مىجىلعان قاعازىڭدى قوقىس جاشىگىنە ورنىڭنان تۇرماي لاقتىرۋىڭ كەرەك».

ناتيجە الدىن الا بولجالعانداي بولدى. الدىڭعى قاتاردا وتىرعانداردىڭ كوبى جاشىككە ءدال ءتيدى، ال سوڭعى پارتادا وتىرعاندار تاپسىرمانى ورىنداي المادى.

وقىتۋشى مۇنى بىلاي ءتۇسىندىردى: «ماقساتىڭىزعا جاقىن بولعان سايىن، وعان جەتۋ مۇمكىندىگىڭىز دە ارتا تۇسەدى. بۇل ارتىقشىلىقتى پايدالانۋ كەرەك. قالاۋىڭىزدان الىستا بولعاندا، ءوزىڭىزدى اقتاپ الاتىن سىلتاۋ ىزدەي باستايسىز، تەڭ ەمەس جاعداي جاسادى دەپ بىرەۋلەردى كىنالايسىز، كوپتەگەن كەدەرگىلەردى كورەسىز. ال باسىنان الدا جۇرگەن ادامنىڭ كوڭىلى تاپسىرمانى ورىنداۋدا عانا بولادى، ول ءتىپتى وعان بەرىلگەن ارتىقشىلىق جايلى دا ويلامايدى.

مىنە، بۇل وسىلاي جۇمىس ىستەيدى. ارتىقشىلىق بولاشاق جايلى جانە وسى شاق جايلى ايقىن كورىنىستى بەرە الادى. ول ءدال سول ماقساتقا جەتكىسى كەلەتىن، ءبىراق ارتتا تۇرعان ادامداردى عانا مازالاپ، كوڭىلىن بولەدى. شىن مانىندە، ارتىقشىلىقتى پايدالاناتىن ادامدار، ونى ەشقاشان كورمەگەندەر ءۇشىن كەدەرگى بولادى».

ءمۇعالىم نەگىزگى قورىتىندىنى جاساعانشا بالالار ايتىلعان تەوريانى ۇعىنۋعا تىرىستى. وقىتۋشى ءسوزىن بىلاي جالعادى: «شىن مانىندە، ءدال ءقازىر، سەندەردىڭ ءارقايسىڭدا تابىستى بولۋعا جەتەلەيتىن ارتىقشىلىق بار. بۇل – ءبىلىم. بولاشاقتا ونىڭ ارتىقشىلىعىن وڭاي قولدانا الاسىڭ، ارتقى قاتارلاردى، سىلتاۋلار مەن كىنالاۋلاردى تاڭداعانداردى باسىپ وزىپ، قالاۋىڭا قول جەتكىزەسىڭ».

البەتتە، كەلەشەگى بار بالالاردى تاربيەلەۋ مۇنىمەن بىتپەيدى، ءبىراق باستى نەگىز قالانعانىنا كۇمانىڭىز بولماسىن. بالاڭىز بولاشاقتا تابىستى بولسىن دەسەڭىز وسى اقيقاتتى تۇسىنۋگە كومەكتەسىڭىز.

---