ءومىرزايا زايا كەتكەن عۇمىر
ءومىرزايا زايا كەتكەن عۇمىر ەمەس، ەل يگىلىگىنە جۇمسالعان عۇمىر...
ءومىرزايا. باققوجا مۇقايدىڭ قالامىنان تۋىپ، جالپى قازاقتى قامتىعان تۋىندىسى. ءومىرزايا زايا كەتكەن عۇمىر ەمەس، ەلدىڭ يگىلىگىنە، ادىلدىگىنە، قازاق كوگىندەگى تالاس جولىنا تۇسكەن ازاماتتاردىڭ عۇمىرى. وقيعا كەيىپكەرى اياعان، سوۆەتتىڭ ءادىل زاڭىن قۇپ كورىپ، ونى بۇرمالايتىن جاندار بەرگىدە دەپ ويلاپ، تالاپ-ارىزىن جەتەكتەپ، ادىلدىك ءۇشىن قۇربان بولادى. ارىزىن جوعارىعا جازام دەپ ءجۇرىپ، تۇرمەگە توعىتىلىپ، ودان شىققانىمەن جىندىحاناعا قامالىپ، اقىر اياعىندا اجالىن كىسى قولىنان كورەدى. ونىڭ بار جازىعى سول، الديار اتتى اقساقال ۇستازى كەنەسارى جايلى جازسا، ونىڭ جولىن قۋام دەگەن زياتكەر تاريحشى سىزدىق تورە جايىندا ەڭبەك جازباقشى بولادى.
وقيعا 1980 جىلدان جەلتوقسان وقيعاسىنا دەيىنگى كەزەڭدى بۇقپاسىز بوياماسىز جەتكىزەدى. اسىرەسە الديار اقساقالدىڭ ءوز شاكىرتتەرىنەن كورگەن ساتقىندىعى، اكەسىن ءوز قولىمەن جىندىحاناعا تىققان رەكتور ت.ب. ادام شوشىرلىقتا، قورقىپ تا، جاعا ۇستاپ ەسكە الاتىن تاريح وسى روماندا كورىنىس تابادى.وقيعا سوڭى ارينە ءولىم، اجال، ماقساتىنا جەتە الماعان كەيىپكەرلەر...
ال نەگە ءومىرزايا زايا كەتپەدى؟ قازاق ەلى - ارىستاردان ايىرىلسادا، ەشقاشان رۋحى سىنباعان حالىق. جاسىرۋنىدى جات كورەدى، سار دالانىڭ سالقام قوجاسى بۇل قازاق ەلى، قايتا تۇرىپ تاۋەلسىزدىك جولىندا قايمىقپاي كۇرەستى. ءومىرزايا ازاماتتارىن كورە وتىرىپ، قانى تاسىپ، الدىعا ءجۇرۋدى كوزدەدى. جەلتوقسان وقيعاسىندا قىرشىن كەتكەن قارلىعاشتارىمىزدى ايت، بوزداقتارىمىزدىڭ ءوزى حالىقتىڭ ەگەمەندىگىنىڭ ايناسى ەمەسپە؟ سول اق قاردى قانعا بوياپ، قوقىسقا كومىپ، ايداۋعا سالسادا، جاستار "مەنىڭ ەلىم، مەنىڭ جەرىم" دەپ ۇرانداپ وتارشىلدىڭ بەتىن قايتارعانى الەمگە ايان، جاھانعا ءمالىم. ەندەشە، ءومىرزايا - زايا كەتپەگەن، جەمىسىن كەش بولسادا جەگەن، ازاماتتاردىڭ عۇمىرى.
الاش-ومار اسقار ۇلى
You Might Also Like
-
سوڭعى ونجىلدىقتا قازاقستاندا، رەسەيدە جانە باسقا دا تمد ەلدەرىندە اقپاراتتىق قوعامداعى ساياسي كوممۋنيكاسيانى زەرتتەۋ بەلسەندى تۇردە جۇرگىزىلىپ، وسى سالاداعى عىلىمي مەكتەپتەر قالىپتاستى. ەۋرازيا ەلدە...
