InfoHub Logo

تۇڭعىش پرەزيدەنت كۇنىن نەگە الىپ تاستادى؟

قازاقتا دۋالى ءسوز بار: بار بالە-جالا وسىمەن كەتسىن دەگەن. سوڭعى ۋاقىتتا وسى ءسوز تۋرا ماعىناسىندا ترەندتە. اسىرەسە بيلىك باسىنداعىلار توپ دەڭگەيدە قاتاردان وزباسا، قالعان ەمەس. نەگە وتىز جىل ۇندەمەگەن ۇكىمەت «ەلباسى» ستاتۋسى ايىرىلعان ساتتەن سايراي جونەلدى؟ الدە ەكس-پرەزيدەنت شىنىمەن قازاقستاندى قورقىنىشتا ۇستاپ كەلدىمە؟

قازاقتا قايتقان ءارۋاققا دا تىنىشتىق بەرەدى. ال قازاقستاندىقتار ورنىن بوساتقان ادامنىڭ كوزى تىرىسىندە ابىرويىن جەر قىلعانى تاعى بار. ستاتۋستان ءبىر ايىردى، باسىندا استانامىزدى دا قيىپ جىبەرگەن ەدىك، سودان كەيىن ويىمىز وزگەرىپ شىعا كەلدى. اتاۋ اۋىستىرعانعا جانى قۇمار ەلمىز. ودان باسقا ويلايتىن دىمىمىز جوق.

مىنە، جاڭا قازاقستان دەگەن سايىن قازاقستاندىقتار ءتىپتى ۇيىنە دەيىن جاڭالاپ جاتىر ەكەن. كيگەن كيىمى، ىشەرگە اسى مەن مىنەرگە كولىگىنە دەيىن اۋىستىرىپ جاتقاندار دا جەتىپ ارتىلادى. نەگە دەگەن ساۋالدى قويساڭ، جاڭا قازاقستان دەپ جاۋاپ بەرەدى. قۇددى ءبىر اقىرزامان بولىپ، جاڭا ءداۋىر ورنايتىنداي دايىندالعانى.

ءوزى قىستىڭ العاشقى كۇنى دەمالاتىن ەدىك، ول كۇنى ايتۋلى وقيعالار بولىپ تۇراتىن. ال ءقازىر جوق. سەبەبى، لايىق ەمەس. نەگە؟ لايىق ەمەس. وتىز جىل ەل باسقاردى، ەلدى تونادى. ءار قازاقستانداعى ءار تۇرعىننىڭ قالتاسىنان جەكەلەپ وتىرىپ، ساناپ تۇرىپ جەگەن ەكەن. كوز اشتىعى سونداي، بىردە بىرەۋگە جەر بەرمەي جۇڭگو مەن ورىسقا پارشالاپ بەرگەن، بارلىعىن ساتقان. جاقسى، ەندەشە ءسىز ساياساتتىڭ ادامى ەمەسسىز. ناعىز كوزى اشىلماعان جاندار قاتارىنانسىز.

مەملەكەتتىڭ ەڭ باستى بايلىعى – حالىق. ءبىلىمى، ەكونوميكاسى ءبارى ءبارى مىنا حالىققا بايلانادى. قاراپايىم وزبەكستان وسى جاقىن جىلدا ۇشاتىن كولىك جولدارىن سالاتىن بولادى. ال قازاقستاندىقتار، ءبىر كۇندىك مەرەكەگە پەتيسيا جاريالاپ، كوشەنىڭ اتىن اۋىستىرۋمەن الەك بولادى.

اڭقاۋ ەلگە – ارامزا مولدا. جۇرت ارامزا مولداعا عانا نازار اۋدارادى. ءبىراق نەگىزگى راكۋرس «اڭقاۋ ەل». ەل اڭقاۋ بولسا، كىم كورىنگەن تورىنە شىعىپ، توسەگىندە بيلەيتىنى انىق.

ەندى ناقتى سۇراقتىڭ جاۋابى: قارا حالىقتىڭ بار اقىلى تەك مەرەكە مەن كوشە، قالا اۋىستىرۋعا عانا جەتەدى. تالاپتارى جوعارى، ءبىراق بەرەر زاتتارىمەن ايىرماسى جەر مەن كوكتەي. حالىقتىڭ جارتىسىنا جەتەر جەتپەسى عانا سالىق تولەيدى. قالعانى نەگە تولەمەيدى: بىرەۋلەر جاردەماقى الادى، بىرەۋلەر جۇمىسسىز. نەگە جۇمىسسىز؟ سەبەبى كرەسلودا وتىرعىسى كەلەدى. ال وعان كادر از.

وسى وتىز جىل ىشىندە شەگارا اراسىندا بىردە ءبىر سوعىس بولعان جوق. سول نەنىڭ ارقاسى؟ وسىنى ساراپتاپ ويلانىپ كورىپ، ءتۇبىن قازىپ كورىڭىز. سوندا مەن قويعان ساۋالدىڭ جاۋابىن تابارىڭىز انىق.

---