«وڭاي» كولىك كارتاسىنان اقشا جوعالۋى مۇمكىن بە؟
«الماتى قالاسىنىڭ كولىك حولدينگى» ج ش س جولاۋشىلاردىڭ «وڭاي» كولىك كارتاسىنان اقشا جوعالىپ جاتقاندىعى تۋرالى شاعىمدارىنا جاۋاپ بەردى.
«وڭاي» كارتاسىندا اقشا جوعالىپ جاتقاندىعى تۋرالى شاعىمدانعان جولاۋشىلار بويىنشا شىن مانىسىندە مىناداي جاعداي ورىن العان. ولار قوعامدىق كولىككە كىرگەندە كارتالارىندا اقشا بولماعان. ءبىراق سول كارتالارى ارقىلى جول اقىسىن نەسيەگە تولەۋگە قول جەتكىزگەن. كەلەسى جولى كارتاداعى تەڭگەرىمىن تولىقتىرعان ساتتە، وتكەن جولى پايدالانعان نەسيەسى اۆتوماتتى تۇردە وتەلگەن. ياعني، اقشا جوعالعان جوق، كەرىسىنشە نەسيەسى جابىلعان»، - دەپ حابارلايدى «الماتى قالاسىنىڭ كولىك حولدينگى» ج ش س باسپا ءسوز قىزمەتى.
بۇل جەردە «الماتى قالاسىنىڭ كولىك حولدينگى» ج ش س ءوزىنىڭ بايلانىس ورتالىعىنا مىنا تەلەفون ءنومىرى ارقىلى حابارلاسۋعا بولاتىندىعىن جەتكىزدى: 397 01 91. ءسويتىپ، جول اقىسىنىڭ تولەنگەن ۋاقىتتارىن، باعداردىڭ ءنومىرى جانە باسقا دا مالىمەتتەردى الۋعا بولادى.
«جولاۋشىعا جول اقىسىن نەسيەگە تولەۋگە بولادى. مىسالى، جولاۋشى كارتانىڭ بالانسىن 200 تەڭگەگە تولىقتىرىپ، قوعامدىق كولىكتەردە 2 رەت تولەيتىن بولسا، كارتاسىندا 40 تەڭگە قالادى. ال، جول اقىسى - 80 تەڭگە. كارتاسىنىڭ تەڭگەرىمىن تولىقتىرۋدى ۇمىتىپ كەتىپ، ءۇشىنشى رەت تولەگىسى كەلسە، ترانزاكسيا جاسالادى، ياعني 40 تەڭگە جانە اۆتوماتتى تۇردە نەسيەگە تاعى 40 تەڭگە تولەنەدى. كەلەسى جولى كارتا تەڭگەرىمى تولىقتىرىلعان كەزدە 40 تەڭگە اۆتوماتتى تۇردە وتەلەدى. ۋاقىت وتە كەلە جولاۋشىلار كارتاداعى ءوز اقشالارىن باقىلاۋدى جانە جوسپارلى تۇردە جۇمساۋدى ۇيرەنگەن سوڭ، كوپ ماسەلە شەشىلەدى»، - دەپ تۇسىندىرىلگەن «الماتى قالاسىنىڭ كولىك حولدينگى» ج ش س مالىمدەمەسىندە.
ايتا كەتەلىك، «الماتى قالاسىنىڭ كولىك حولدينگى» ج ش س تمد اۋماعىندا تۇڭعىش رەت ەلەكتروندى بيلەتتەندىرۋ جۇيەسىندە ونلاين تەحنولوگياسىن قولدانىپ وتىر. ال ونلاين رەجىمىندە جولاۋشىلار لەگى، جول اقىسىن تولەۋ، جولاۋشىلاردىڭ سانى، كارتا تەڭگەرىمىندە جاتقان اقشانىڭ كولەمى تۋرالى مالىمەتتەردى الىپ وتىرۋعا مۇمكىندىك بەرەدى.
ونلاين تەحنولوگيا ۆيرتۋالدى تۇردە اقشا ۇرلانۋدان بارىنشا قورعالعان. سوندىقتان، «وڭاي» كارتاسىنان اقشا ۇرلاۋ مۇمكىن ەمەس.
You Might Also Like
-
بيىل ناۋرىزدا امەريكالىق Apple كومپانياسى ءوز تۇتىنۋشىلارىن قۋانتىپ، سوڭعى ازىرلەمەسىن تانىستىرادى. كۇزدە اتاقتى iPhone 5s سمارتفونىنىڭ ارزان (بيۋدجەتتىك) ۇلگىسى شىعارىلىپ، وعان iPhone 5s...
