وقىماساڭ، قايدان ءبىلىپ تۇرسىڭ
بىردە قوجا ءبىر دوسىنا حات جازىپ وتىرادى. قاسىنداعى بىرەۋ قوجانىڭ جازعانىنا كوز قيىعىن سالىپ قاراي بەرسە كەرەك. الگى كىسىگە ابدەن ىزالانعان قوجا دوسىنا حاتتى بىلاي دەپ جازادى:
— «ۋا، قۇرمەتتى دوسىم، ساعان ايتار اڭگىمە، جازار ءسوز كوپ ەدى. ءبىراق ءقازىر، وسى ساتتە، مەنىڭ جەلكەمە ءتونىپ ءبىر كوك ەسەك تۇر، ول جازعانىمنىڭ ءبارىن وقىپ تا تۇر».
الگى كىسى جاتىپ اشۋلانادى:
— بۇل نەتكەن بەيباستاقتىق؟ مەنى «ەسەك» دەۋگە قاي حاقىڭ بار؟
— بىرەۋدىڭ حاتىن نەگە وقيسىڭ؟
— قاشان وقىدىم؟ سوندا قوجا:
— وقىماساڭ، مەنىڭ سەنى «ەسەك» دەگەنىمدى قايدان ءبىلىپ تۇرسىڭ؟ — دەپتى.
You Might Also Like
-
قوجا كوشەدە كەلە جاتقاندا بىرەۋ جەلكەگە پەرىپ جىبەرەدى. جالت قاراسا، سوتقار:
