InfoHub Logo

قوجا كوشەدە كەلە جاتقاندا بىرەۋ جەلكەگە پەرىپ جىبەرەدى. جالت قاراسا، سوتقار:

— عاپۋ ەتىڭىز، مەن ءسىزدى ءوزىمنىڭ ءبىر دوسىم دەپ قالدىم، — دەيدى. قوجا سوتقاردى تىرپ ەتكىزبەي، جەلكەلەپ قازىعا الىپ كەلەدى. بۇل كىسى قازىنىڭ جاقىن دوسى بولسا كەرەك. قازى جاۋاپكەردى قاسىنا شاقىرىپ الادى دا، قوجاعا:

— ءسىز ءبىر ۇرىڭىز، سونىمەن بىتىسىڭدەر، — دەيدى. قوجا بۇعان كونبەيدى.

— ولاي بولسا، ءبىر تەڭگە ايىپ تولەسىن، — دەپ قازى ايىپكەرگە قارايدى، — بار، تەزىرەك ءبىر تەڭگە الىپ كەل، سونىمەن قوجا ريزا بولادى.

ءسويتىپ قازى قۋلىعىن اسىرىپ، جاۋاپكەردى قۇتقارىپ جىبەرەدى.

قوجا بىرنەشە ساعات توسىپ وتىرادى، سوتقار جىگىتتى قازىنىڭ ادەيى الداپ شىعارىپ جىبەرگەنىنە كوزى ابدەن جەتكەن سوڭ، ءبىر ورايى كەلگەن كەزدە قازىنىڭ اڭقاۋلىعىن پايدالانىپ:

— وتىرىكشى، پاتشاھار، — دەپ كەلىپ، شاپالاقپەن جاقتان شارت ەتكىزىپ تارتىپ جىبەرەدى دە: — ەندى توسۋعا ۋاقىتىم جوق، ماعان كەسىپ بەرگەن ءبىر تەڭگەڭدى ءوزىڭ ال، — دەپ شىعىپ جۇرە بەرىپتى.

---