وقىتۋشىلاردىڭ باسىم بولىگى اعىلشىن تىلىندە ساباق بەرۋگە ءالى دايىن ەمەس
ق ر ءبىلىم جانە عىلىم مينيسترلىگىنىڭ قورىتىندىسىنا سايكەس، بۇگىندە ءۇشتىلدى ءبىلىم بەرۋ باعدارلاماسى اياسىندا اعىلشىن ءتىلى كۋرستارىنا قاتىسىپ جۇرگەن وقىتۋشىلاردىڭ باسىم بولىگى وزگە تىلدە ساباق بەرۋگە ءالى دە دايىن ەمەس.
«بۇگىندە ءۇش ءتىلدى وقىتۋ بويىنشا تاجىريبە جيناقتاۋدى جالعاستىرا بەرۋ كەرەك. سەبەبى وسى سالاداعى باستامالاردىڭ ءبىرى - ءتورت جوعارى وقۋ ورنىندا دايىندىقتان وتكەن 1 500 وقىتۋشىنىڭ 70 پايىزىندا اعىلشىن ءتىلىن ءبىلۋ دەڭگەيى «ەlementary» (العاشقى قادامدار) جانە «ۆeginner» (باستاپقى كەزەڭ) بولىپ شىقتى. دەمەك، بارلىعىندا بازالىق دايىندىق تومەن. اتالعان وقىتۋشىلاردىڭ تەك 30 پايىزى عانا «Intermediate» (ورتاشا دەڭگەي)، بىرەۋلەردە «Pre-Intermediate»، ەندى بىرەۋلەر اعىلشىن ءتىلىن «Advanced» (ەركىن سويلەۋ) دەڭگەيىندە بىلەدى ەكەن. ءدال وسى وقىتۋشىلار كەلەسى سەمەستردەن باستاپ ساباقتى اعىلشىن تىلىندە بەرۋگە ءازىر»، - دەدى جوعارى ءبىلىم جانە جوعارى وقۋدان كەيىنگى ءبىلىم بەرۋ دەپارتمەنتىنىڭ باسشىسى د.اxمەد-زاكي بۇگىن استانادا باستالعان كوپ ءتىلدى ءبىلىم بەرۋ ماسەلەسىنە ارنالعان xالىقارالىق سەميناردا.
ونىڭ ايتۋىنشا، الداعى ۋاقىتتا جوعارى وقۋ ورىندارى وسى باستامانى جەرگىلىكتى جەرلەردە جالعاستىرىپ، وقىتۋشىلاردى ءوز اقشالارىنا دايىنداۋى قاجەت. مەملەكەت بولسا، كەلەسى جىلى تاعى 1 500 گرانتتى ءبولىپ بەرمەكشى. وسى گرانتتاردىڭ ەسەبىنەن قازىرگى كۋرستارعا قاتىسىپ جۇرگەن وقىتۋشىلار ءوز بىلىمدەرىن شىڭدايدى. سونداي-اق دايىندىققا جاڭا وقىتۋشىلاردى تارتۋ جوسپارلانعان.
«بيىلدان باستاپ قازاقستاننىڭ بارلىق جوعارى وقۋ ورىندارىندا «اقپاراتتىق-كوممۋنيكاسيالىق تەxنولوگيالار» دەگەن ءپان اعىلشىن تىلىندە وقىتىلادى. ەندى، ءبىرقاتار ۋنيۆەرسيتەتتەر وسى باستامانى كەلەسى سەمەسترگە اۋىستىردى. ءبىز ونى جاقسى تۇسىنەمىز. سەبەبى قىركۇيەكتە ءبارى بىردەي دايىن بولعان جوق. بىزدىڭشە، ولار ەكىنشى سەمەستردە دە دايىن بولماسا دا، ءۇشىنشى سەمەستردە ءتيىستى جۇمىستى قوعا الادى. ءسويتىپ، «اقپاراتتىق-كوممۋنيكاسيالىق تەxنولوگيالار» ءپانى تازا اعىلشىن تىلىندە بەرىلەدى. بۇل - وتە ورىندى نارسە. ويتكەنى اتالعان ءپاننىڭ تەرمينولوگياسى اعىلشىن تىلىنە نەگىزدەلگەن»، - دەپ اتاپ كورسەتتى د.اxمەد-زاكي.
دەپارتامەنت باسشىسىنىڭ سوزىنە قاراعاندا، بولاشاقتا جوعارى وقۋ ورىندارىندا پاندەردىڭ 30 پايىزىن اعىلشىن تىلىندە وقىتۋ جوسپارلانىپ وتىر.
You Might Also Like
-
جاقىندا كورشى ەلدىڭ پرەزيدەنتى عىلىم اكادەمياسىنا مۇشەلىككە وتكەن، شەنەۋىنىكتىك قىزمەت پەن عالىمدىقتى قاتار الىپ جۇرگەندەردى ابدەن سوگىپ، ءتىپتى اتقارۋشى بيلىكتەگى كەيبىر جوعارى لاۋازىمدى «عال...
-
كورۋ اعزالارىنىڭ زاقىمدانۋى – سوقىرلىق پەن مۇگەدەكتىككە الىپ كەلەتىن باستى سەبەپتەردىڭ ءبىرى.
