InfoHub Logo

قازاقستان رەسپۋبليكاسى تاۋەلسىزدىگىنىڭ 25 جىلدىعى مەرەكەسى قۇرمەتىنە وراي «تاۋەلسىز قازاقستان» پويىزى 2016 جىلعى 2 قاراشادا قاراعاندى قالاسىنان  جولعا شىقتى. قازاقستان حالقى اسسامبلەياسىنىڭ ۇيىمداستىرۋىمەن وتەتىن رەسپۋبليكالىق اكسيا ماقساتى - ەل تاۋەلسىزدىگى جىلدارىنداعى  رەسپۋبليكانىڭ قول جەتكىزگەن جەتىستىكتەرىن ناسيحاتتاۋ، حالىقتىڭ بىرلىگىن نىعايتۋ، جۇرتشىلىقتىڭ الەۋمەتتىك جانە قۇقىقتىق جاعدايلارىنا نازار اۋدارۋ، ەل دامۋىنىڭ بازالىق باسىمدىقتارىن كورسەتۋ بولىپ تابىلادى.

سىر ەلىندەگى ساپاردا «نۇر وتان» پارتياسىنىڭ وبلىستىق فيليالىنىڭ ءماجىلىس زالىندا قۇقىق قورعاۋ ورگاندارىنىڭ وكىلدەرىمەن  قوعامدىق قابىلداۋ ۇيىمداستىرىلدى. بۇل تۋرالى قازاقپارات ءتىلشىسى حابارلادى.

«تاۋەلسىز قازاقستان» پويىزىنىڭ شتاب  مۇشەسى، "نۇر وتان" پارتياسى قوعامدىق  قابىلداۋىنىڭ  مەڭگەرۋشىسى  جۇماجان جۇكەنوۆ  "نۇر وتان" پارتياسى قىزىلوردا  وبلىستىق فيليالىندا تۇرعىنداردى قابىلدادى.

قابىلداۋعا وبلىستىق پارتيا فيليالىنىڭ باسشىلىعى، وبلىستىق قۇقىق قورعاۋ جانە مەملەكەتتىك ورگانداردىڭ باسشىلارى، پارتيا  بەلسەندىلەرى مەن قالا تۇرعىندارى جانە ب ا ق وكىلدەرى  قاتىستى. جالپى قابىلداۋعا 30-عا جۋىق ازاماتتار كەلىپ، زاڭ اياسىندا ءتيىستى كەڭەستەر الدى.

ادىلەت مينيسترلىگىنىڭ وكىلدەرىنەن قۇرالعان ءبىر توپ قىزىلوردا وبلىسىنىڭ حالىققا قىزمەت كورسەتۋ ورتالىعىندا بولىپ، 57 ازاماتقا ءتۇرلى تاقىرىپتا زاڭ كەڭەستەرىن بەردى.

جالپى، «قىزىلوردا قالاسى» 35 ەلدى مەكەن ىشىندەگى جيىرما سەگىزىنشى بەكەت بولىپ ەسەپتەلەدى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءماجىلىس زالىندا  تۇرعىندارعا زەينەتاقى جانە الەۋمەتتىك ماسەلەلەر بويىنشا تۇرعىندارمەن كەزدەسۋ وتكىزىلدى.

كەزدەسۋدە 12 تۇرعىنعا الەۋمەتتىك ماسەلەلەر بويىنشا كەڭەستەر بەرىلدى. ونىڭ ىشىندە، 7-ەۋى - زەينەتاقى ماسەلەسى، 3-ەۋى - الەۋمەتتىك كومەك، 2-ەۋى - جۇمىسپەن قامتۋ ماسەلەلەرى بويىنشا.

قىزىلوردا وبلىسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ءماجىلىس زالىندا تۇتىنۋشىلاردىڭ قۇقىعىن قورعاۋ بويىنشا كەڭەس بەرىلدى. تۇرعىندارمەن كەزدەسۋگە ق ر ۇەم تۇتىنۋشىلاردىڭ قۇقىقتارىن قورعاۋ كوميتەتىنىڭ باس ساراپشىسى ن.م.جۇماتوۆ قاتىستى.

قابىلداۋ كەزىندە كەڭەس الۋ ءۇشىن 27-گە جۋىق ازامات ءتۇرلى ماسەلەلەر بويىنشا جۇگىندى.

 №278 ورتا مەكتەبىندە ءبىلىم سالاسى بويىنشا باعدارلامالاردى ناسيحاتتايتىن  لەكسيا ۇيىمداستىرىلدى. وعان ءبىلىم جانە عىلىم مينيسترلىگىنىڭ وكىلدەرى، وبلىستىق ءبىلىم باسقارماسى باسشىسى مەن وبلىستاعى ءبىلىم وشاقتارى باسشىلارى قاتىستى. كەزدەسۋدە مەملەكەتتىك ءبىلىم بەرۋ جيناقتاۋ جۇيەسى مەن مەملەكەتتىك كرەديتتەۋ جۇيەسى، جاڭارتىلعان ءبىلىم بەرۋ مازمۇنى بويىنشا مەكتەپكە دەيىنگى تاربيە مەن وقىتۋ تۋرالى ءسوز قوزعالادى.

كاسىپكەرلىكتى قولداۋ ورتالىعىندا  كەزدەسۋگە وڭىرلىك دامۋ دەپارتامەنتىنىڭ ەكسپەرتى دانيار سىدىقوۆ قاتىسىپ، كاسىپكەرلەر تاراپىنان 10 سۇراق قويىلىپ، بارلىق ساۋالدارعا ناقتى جاۋاپ بەرىلدى. كەزدەسۋگە بارلىعى 70 ادام قاتىسقان.

ءا.تاجىبايەۆ اتىنداعى وبلىستىق امبەباپ كىتاپحاناسىندا وبلىس اكىمىنىڭ ورىنباسارى رۋسلان رۇستەموۆ جانە پويىز مۇشەلەرىنىڭ قاتىسۋىمەن جيىن ءوتتى.

دەلەگاسيا مۇشەلەرى «تاۋەلسىزدىك سىيى» اكسياسى اياسىندا وبلىستىق كىتاپحاناعا كىتاپتار سىيلاپ، قايىرىمدىلىق شاراسىن ۇيىمداستىردى.

وبلىسقا كەلگەن «تاۋەلسىز قازاقستان» پويىزىندا استانا، الماتى قالالارىنداعى عىلىمي ورتالىقتىڭ بىلىكتى دارىگەرلەرى وبلىستىق كەڭەس بەرۋ دياگنوستيكالىق ورتالىعىندا ناۋقاستاردى قابىلداپ، پويىز قۇرامىندا كەلگەن انگيوحيرۋرگ، گاستروەنتەرولوگ، گەماتولوگ، كارديولوگ، نيەۆرولوگ، ونكولوگ، تراۆماتولوگ، وفتالمولوگ، پۋلمانولوگ، ريەۆماتولوگ، ۋرولوگ، حيرۋرگ، ەندوكرينولوگ مامان-دارىگەرلەرى وبلىستىق كەڭەس بەرۋ دياگنوستيكالىق ورتالىعىندا تۇسكە دەيىن 162 ناۋقاسقا كەڭەس بەردى. 15 ناۋقاسقا استانا، الماتى قالالارىنداعى عىلىمي ورتالىقتارعا جولداما بەرىلدى.

ا.توقماعامبەتوۆ اتىنداعى قالالىق مادەنيەت ۇيىندە ق ر تاۋەلسىزدىگىنىڭ 25 جىلدىعىنا ارنالعان «تاۋەلسىز قازاقستان» اكسياسىنىڭ گالا-كونسەرتىمەن اياقتالدى.

---