وقۋشىلارعا ۋاقىتتى ءتيىمدى پايدالانۋ
وقۋشىلار دەنە ءبىتىمى، زەرەكتىك، سەزىمتالدىق قاسيەتتەرى مەن قابىلەتتەرى جاعىنان بىر-بىرىنەن وزگەشە بولىپ كەلەدى. ءبىر وقۋشىنىڭ ءوز ەركىمەن جانە جىلدام ۇيرەنگەن ءبىر ءدارىسى باسقا وقۋشىعا قيىنعا سوعۋى مۇمكىن. باسقا وقۋشى تەز شارشاۋى مۇمكىن نەمەسە سول مەزەتتە ساباق وقۋعا ىنتاسى بولماۋى مۇمكىن. وسى سەبەپتى دارىسكە نەمەسە ءبىر تاقىرىپقا كەتەتىن ۋاقىت وقۋشىعا قاراي وزگەرە بەرەدى. ءار وقۋشى ۋاقىتتى وزىنە ىڭعايلاپ تاعايىندايدى.
ءبىر ساعات ساباق وقىعاننان كەيىن 5-10 مينۋتتىق ءۇزىلىس جاساۋ پايدالى بولادى. وسى ارقىلى ءبىر ساعاتتىق ساباقتىڭ سوڭىنداعى تاراعان زەيىن مەن ونىمدىلىك قايتا قالپىنا كەلەدى. ساباق وقۋ ءۇشىن قاجەتتى كۇش-قۋاتتىڭ قالىپتاسۋى ءۇشىن ويىن-ساۋىق پەن سپورتقا دا ۋاقىت ءبولۋ كەرەك. الايدا بۇل ۋاقىت قاجەتتى مولشەردەن اسىپ كەتپەۋى ءتيىس.
وقۋشىلار اراسىندا جاسالعان انكەتانىڭ ناتيجەسىندە ۋاقىت جوعالتۋعا سەبەپشى بولاتىن باستى فاكتورلار رەتىندە ۇيالى تەلەفونمەن ويناۋ، سويلەسۋ، كومپيۋتەر نەمەسە پلانشەتپەن ويناۋ، دوستارمەن ويناۋ، تەلەديدار كورۋ جانە ت.ب. سەبەپتەر انىقتالعان. جوعارىدا اتاپ وتكەنىمىزدەي بۇلاردا دا شەكتەن اسپاۋعا ءمان بەرۋ كەرەك. كومپيۋتەر ويىندارىنىڭ، تەلەديداردىڭ تۇتقىنىنا اينالىپ قالماۋ كەرەك. تەلەفونمەن ۇزاق سويلەسۋلەردەن تىيىلۋ قاجەت. كۇن ىشىندە نەمەسە اپتا ىشىندە جاسايتىن ىستەرىڭىزدى، ماقساتتارىڭىزدى بەلگىلەپ، جوسپارلاپ، بۇلاردى جازىپ ءجۇرۋ وسى ماقساتتارعا جەتۋ، بۇعان ىنتالانۋ جانە اناليز جاساۋ تۇرعىسىندا پايدالى بولىپ كەلەدى. جازىلعان ىستەردى ماڭىزدىلىعىنا قاراي رەتكە كەلتىرىڭىز جانە ءسىز ءۇشىن قايسىلارىنىڭ ماڭىزدى ەكەندىگىنە سەنىمدى بولىڭىز.
ۋاقىتتى ءتيىمدى پايدالانۋدىڭ كومەكشى فاكتورلارى:
- ماقساتتارىڭىزعا دەن قويىڭىز. ەڭ ماڭىزدى امالدارىڭىز ماقساتقا جەتۋدە سىزگە ەڭ پايدالى بولاتىندارى.
- كۇندەلىكتى ماقساتتارىڭىزدى، جوسپارلارىڭىزدى بەلگىلەڭىز جانە ورىنداڭىز.
- ۋاقىتىڭىزدى قالاي قولدانىپ جاتقاندىعىڭىزدى اناليز جاساۋ ءۇشىن پەريودتىق تۇردە ۋاقىت ارالىقتارىن جازىپ وتىرىڭىز. جامان ادەتتەرىڭىز بار بولسا ولاردى تاستاڭىز.
- ماقساتتارىڭىزعا جەتۋ ءۇشىن اتقارعان ءاربىر ىسىڭىزگە اناليز جاساڭىز. نە ىستەگەنىڭىزدى، قاشان جانە نە ءۇشىن ىستەگەنىڭىزدى انىقتاڭىز. وزىڭىزدەن «مۇنى ىستەمەسەم نە بولار ەدى؟» دەپ سۇراڭىز. ەگەر جاۋابى «ەشتەڭە» بولسا، ول ءىستى توقتاتىڭىز.
- ۋاقىتىڭىزدى جوسپارلاڭىز. ءار اپتا ءۇشىن جوسپار قۇرىڭىز. وز-وزىڭىزدەن سۇراڭىز: «بۇل اپتانىڭ سوڭىنا دەيىن نە نارسەلەردى ءبىتىرۋدى كوزدەپ وتىرسىڭ جانە وسى ناتيجەگە جەتۋ ءۇشىن نە ىستەۋ قاجەت؟»
- ءار كۇنى جاسالۋى قاجەت ىستەردىڭ ءتىزىمىن جازىڭىز. بۇل تىزىمدەگى كۇن ىشىندەگى ماقساتتاردىڭ ماڭىزدىلارىن ورىنداۋ ءۇشىن شامامەن قانشا ۋاقىت كەتەتىنىن ەسەپكە الىڭىز.
- جالپىلاما كۇننىڭ العاشقى ساعاتتارى ونىمدىرەك كەلەدى.
- ورىندايتىن ءار ءبىر ءىس ءۇشىن ءۇشىن ۋاقىتىن جوسپارلاڭىز.
- كەيبىر ىستەردىڭ نەلىكتەن قاتە ناتيجە بەرگەنىن انىقتاڭىز. بۇل سۇراقتىڭ جاۋابىن تاپقانىڭىزدا ماسەلە وزدىگىنەن شەشىلەدى.
- باستاعان ءىسىڭىزدى سوڭىنا دەيىن ءبىتىرۋدى ادەتتەنىڭىز. ءبىر ىستەن باسقا ىسكە سەكىرىپ كەتپەڭىز، ارتىڭىزدا جارىم قالعان بىرنەشە ءىس قالدىرماڭىز. كەيىنگە قالدىرۋدى، كەشىكتىرۋدى توقتاتىڭىز.
- ۋاقىتتى ءتيىمدى، جوسپارلى پايدالانۋدى كۇندەلىكتى داعدىعا اينالدىرىڭىز. ماقساتتارىڭىزدى بەلگىلەڭىز، ءبىرىنشى رەتتەگى ورىندالۋى قاجەتتىلەرىن رەتتەپ ۋاقىتىڭىزدى جوسپارلاڭىز.
- جوسپار قۇرۋ، اناليز جاساۋ ءۇشىن كۇندەلىك ارناۋعا بولادى. بۇل اتالعاندار وقۋشىنىڭ عانا ەمەس، ۇلكەندەردىڭ دە كادەسىنە جارامدى قۇرالدار.
You Might Also Like
-
مەملەكەت باسشىسى نۇرسۇلتان نازاربايەۆ استاناداعى №84 مەكتەپ-ليسەيدە بولدى.
-
ءبىلىم جانە عىلىم ءمينيسترى ەرلان ساعادييەۆ قوس تىلدە ساباق بەرەتىن مۇعالىمدەردىڭ ايلىعىن كوتەرۋ جوسپاردا ەكەنىن مالىمدەدى. بۇل تۋرالى "كازاحستانسكايا پراۆدا" باسىلىمىنا سىلتەمە جاساپ Qamshy....
