ورالدا «بولاشاق» حالىقارالىق باعدارلاماسىنا ەنگىزىلگەن وزگەرىستەر تانىستىرىلدى
وڭىرگە جۇمىس ساپارىمەن كەلگەن «حالىقارالىق باعدارلامالار ورتالىعى» اق پرەزيدەنتى عاني نىعىمەتوۆ م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىندە بولىپ، «بولاشاق» باعدارلاماسىنا ەنگىزىلگەن وزگەرىستەرمەن تانىستىردى.
جيىنعا قاتىسقان باتىس قازاقستان وبلىسىنىڭ اكىمى التاي كولگىنوۆتىڭ اتاپ وتكەنىندەي، ەلباسىمىز نۇرسۇلتان نازاربايەۆ بۇدان جيىرما ءۇش جىل بۇرىن ەل بولاشاعى - جاستاردىڭ الەمدىك دەڭگەيدە ءبىلىم الۋى ءۇشىن «بولاشاق» حالىقارالىق باعدارلاماسىن ەنگىزگەن بولاتىن. سودان بەرى 12 مىڭنان استام ادامعا ستيپەنديا بەرىلىپ، شەتەلدەردە وقىپ كەلگەن 9 مىڭعا جۋىق مامان قازىرگى كەزدە قازاقستاندا ەڭبەك ەتۋدە. سونىڭ ىشىندە 135 تۇلەك باتىس قازاقستان وبلىسىندا قىزمەت اتقارۋدا. مەملەكەت باسشىسىنىڭ «100 ناقتى قادام» ۇلت جوسپارىن جۇزەگە اسىرۋ اياسىندا قازىرگىدەي داعدارىس جاعدايىندا ەل الدىندا تۇرعان مىندەتتەردى اتقارا الاتىن، الەمدىك تالاپتارعا ساي كەلەتىن كاسىبي مامانداردى دايارلاۋ جۇيەسىن قۇرۋدى تاپسىرعانى بەلگىلى. بۇل رەتتە «بولاشاق» باعدارلاماسى جوو بىتىرگەن تۇلەكتەرگە تىڭ جول اشادى.
كەزدەسۋدە ءسوز العان عاني نىعىمەتوۆتىڭ ايتۋىنشا، «بولاشاق» ستيپەندياسىنىڭ 2016-2020 جىلدارعا ارنالعان جاڭا دامۋ جوسپارى ەلباسىنىڭ «100 ناقتى قادام» ۇلت جوسپارىنا سايكەس جاسالدى. بۇدان بىلاي «بولاشاق» ۇمىتكەرلەرىنە قويىلاتىن تالاپ قاتاڭداتىلدى. ەگەر 2014 جىلدىڭ وزىندە ۇمىتكەرلەر ءۇشىن اعىلشىن ءتىلى بويىنشا تالاپ (IELTS) 3.00-دەن 4.00 بالعا جوعارىلاعان بولسا، بيىل بارلىق كۆوتالىق ساناتتار ءۇشىن 5.00-گە دەيىن جەتكىزىلىپ وتىر. الداعى ۋاقىتتا اعىلشىن ءتىلىن مەڭگەرۋ دەڭگەيى دۇنيە جۇزىندەگى جەتەكشى جوو-لاردىڭ قابىلداۋ تالاپتارىنا دەيىن كوتەرىلمەك.
«شىعىندى وڭتايلاندىرۋ جانە تىلدىك وقىتۋ تيىمدىلىگىن ارتتىرۋ باعىتىندا 2015 جىلدان باستاپ كۆوتالىق ساناتتاعى ستيپەندياتتاردى 6 ايلىق تىلدىك دايىنداۋ نازاربايەۆ ۋنيۆەرسيتەتى مەن ءال-فارابي اتىنداعى قاز-ۇۋ-دا جۇرگىزىلەدى. سودان كەيىن اعىلشىن ءتىلىن التى اي بويى شەتەلدە وقيدى. 2016 جىلدان بارلىق ساناتتاعى «بولاشاق» ۇمىتكەرلەرى ءۇشىن جۇمىس ءوتىلى جوعارىلاتىلدى. اتاپ ايتقاندا، اكادەميالىق باعدارلامالارعا تۇسەتىندەر ءۇشىن كەمىندە ەكى جىل، ال تاعىلىمدامادان وتەتىندەر ءۇشىن 12 ايلىق ماماندانۋ كەزەڭىن قوسقاندا، ءۇش جىل جۇمىس ءوتىلى بولۋى ءتيىس. سونداي-اق تەحنيكالىق ماماندىقتار مارتەبەسىن ارتتىرۋ اياسىندا 2016 جىلدان باستاپ «ماگيستر دارەجەسىن الۋعا ينجەنەرلىك-تەحنيكالىق قىزمەتكەرلەر» جاڭا ساناتى ەنگىزىلدى، بۇل سانات بويىنشا وندىرىستىك سەكتوردا كەم دەگەندە ەكى جىلدىق قىزمەت تاجىريبەسى بار ماماندار وقىتىلادى. وسى ورايدا بۇل مۇمكىندىكتەردى باتىسقازاقستاندىقتار دا پايدالانىپ، اسىرەسە، ينجەنەرلىك-تەحنيكالىق كادرلار قاتارىن اناعۇرلىم كوبەيتە الادى»، دەدى ع.نىعىمەتوۆ.
ق ر ءبىلىم جانە عىلىم ءمينيسترىنىڭ بۇيرىعىنا سايكەس ق ر پرەزيدەنتىنىڭ «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋدىڭ ءۇشىنشى قورىتىندى كەزەڭى بيىلعى 30 قىركۇيەكتە اياقتالادى. «بولاشاق» باعدارلاماسىنىڭ رەسمي اكىمشىسى - «حالىقارالىق باعدارلامالار ورتالىعى» اق ستيپەندياعا ۇمىتكەر قازاقستان ازاماتتارىنان قۇجاتتاردى قابىلداۋدا. ۇمىتكەرلەر قۇجاتتاردى ەلەكتروندى ۇكىمەت ۆەب-پورتالى، «ازاماتتار ءۇشىن ۇكىمەت» مەملەكەتتىك كورپوراسياسى ارقىلى (بۇرىنعى حقو) نەمەسە ءوز قولىمەن «حالىقارالىق باعدارلامالار ورتالىعى» اق-قا تاپسىرۋعا بولادى. وتكەن جىلعى كونكۋرستىق ىرىكتەۋ ءتاجىريبەسى بويىنشا بيىلدان باستاپ قۇجاتتار تاپسىرۋ تالاپتارى جەڭىلدەتىلدى. باعدارلامانى دامىتۋدىڭ 2016-2020 جىلدارعا ارنالعان جوسپارىنا سايكەس ستيپەنديا «ماگيستراتۋرا»، «دوكتورانتۋرا»، «رەزيدەنتۋرا» جانە «تاعىلىمدامالار» بويىنشا تاعايىندالىپ، ولارعا ساناتىنا قاراي جەكەلەگەن تالاپتار قويىلادى.
ع.نىعىمەتوۆ وڭىرگە ساپارى بارىسىندا ورتالىق كوممۋنيكاسيالار قىزمەتىنىڭ وڭىرلىك فيليالىندا جۋرناليستەرگە سۇحبات بەرىپ، سونداي-اق نازاربايەۆ زياتكەرلىك مەكتەبىندە بولدى.
ايتا كەتەيىك، قازىرگى كەزدە بقو-دان شىققان 45 ستيپەنديات شەتەلدە ءبىلىم الۋدا.
اۆتور: ەلجان ەرالى
You Might Also Like
-
قاراعاندى وبلىسىندا ەكى ورتا مەكتەپ جاڭا وقۋ جىلىندا باسشىسىز قالدى. بۇل تۋرالى تەمىرتاۋ قالاسى ءبىلىم ءبولىمىنىڭ زاڭگەرى الەكسەي دميترييەۆ BNews.kz تىلشىسىنە حابارلادى.
-
قازاقستان رەسپۋبليكاسى بiلiم جانە عىلىم مينيسترi ە.ساعادييەۆتiڭ №523 بۇيرىعىمەن ءوڭتۇستiك قازاقستان مەملەكەتتiك پەداگوگيكالىق ينستيتۋتىندا 2016 جىلعى 1 قىركۇيەكتەن باستاپ جاڭا التى ماماندىق اشىلدى: &...
