اۋىلدا وسكەن باۋىرلارىم، قايداسىڭدار سەندەر
تۋعان جەردىڭ توپىراعى، شاقىرادى بەلدەر.
سەندەردى ويلاپ كۇرسىنەدى، كۇرسىنەدى تاۋلار،
بۇيىعادى بۇلاقتار دا. شايقالادى كولدەر.
شابىندىقتا بودەنەلەر، شەگىرتكەلەر ءان caپ،
جاسىل توعاي جابىعۋدا وزدەرىڭدى اڭساپ.
ورالىندار، ورالىڭدار، ورالىڭدار ەلگە
بىزدەر ءۇشىن نەگە كەرەك اتاق، داڭق، مانساپ!
شاقىرادى شابىندىقتار، بۇيرا شاشتى تالدار،
جولدارىڭا كوز تىگۋدە كەمپىرلەر مەن شالدار!
تۋعان جەردىڭ اسپانى دا ازان سالىپ جوقتاپ،
جۇلدىزداردىڭ كوزدەرىنەن وتتى جاسى پارلار.
سەندەردى اڭساپ جاتىر، انە، جايلاۋ مەنەن قىرمان
سەندەردى اڭساپ، ءان سالادى، تاۋ سامالى قىردان.
اتا-بابا زيراتتارى ورالىڭدار دەپ تۇر،
تۋعان ولكە ءار شەتىندە قورعان بولىپ تۇرعان.
ازاماتتار، ورالىندار، ورالىڭدار ەلگە،
تۋعان جەرسىز باقىت تا جوق، بولا قالسا سەنبە!
قالاي عانا ورالماسسىڭ، بارا الماسسىڭ، سەندەر،
كىندىك قانىڭ تامىپ قالعان قاسيەتتى جەرگە!
ءجىبى تۋزۋ جان ەدىڭ قۇرمەتتەگەن،
سەن دە ىلەسىپ باراسىڭ دۇرمەكپەنەن.
ساعان دەگەن كوڭىلىمدە ادالدىق بار،
دۇرمەكپەنەن كەتسەم دە كىرلەتپەگەم.
ساعان سونى، جارقىنىم، ءبىل دەپ كەلەم،
ارى تازا دەۋشى ەدىم، جانى جاقسى،
قالعان كوڭىل، قايتەيىن، نالىماقشى،
قايدا بارىپ، جارقىنىم، جارىماقسىڭ؟!
ءسۇت ىزدەگەن تۇرتىنشەك اق لاقسىڭ،
ءسويتىپ ءجۇرىپ، كىمدەردى جانىماقسىڭ؟
تومپاڭداعان مونتانداي مومىن-اقسىڭ،
سەن دە وزىڭشە نامىستى قورىماقسىڭ.
قاسىعىڭدى قالايى قولىڭا اپسىڭ،
قايسى اۋىلدىڭ قازانىن تورىماقسڭ؟
جاڭارتا بەر، ۇشتاي ءتۇس جاعىنعاندى،
جاعىندىڭ دا، جارقىنىم، باعىڭ جاندى.
تاڭداندىرا بىلمەگەن باسقالاردى،
باسقالارعا ۇناتار تابىنعاندى.
ءجىبى ءتۇزۋ، پەندەم-اۋ، قۇرمەتتەگەن!
قايدا ىلەسىپ باراسىڭ دۇرمەكپەنەن؟
تىرشىلىگىڭ شامالى تىرنەكتەگەن،
ءجىبى ءتۇزۋ، جارقىنىم، ءبىل دەپ كەلەم!

---