InfoHub Logo

ورازاقىن اسقار 1935 جىلى 16 مامىردا شىعىس تۇركىستان ولكەسىنىڭ ىلە ايماعىنا قاراستى مۇكەي قاراتاس دەگەن جەردە دۇنيەگە كەلگەن. باستاۋىش ءبىلىمدى سارىبۇلاق مەكتەبىندە الىپ، قۇلجا قالاسىنداعى «ءبىلىم جۇرتى» دەپ اتالاتىن گيمنازيادا وقىعان. 1951 جىلى ءۇرىمشى قالاسىندا اشىلعان ۇلتتار ينستيتۋتىنىڭ ءتىل جانە ادەبيەت فاكۋلتەتىنە ءتۇسىپ، ونىڭ ەكىنشى كۋرسىن اياقتاعاننان كەيىن «شىڭجاڭ گازەتى» رەداكسياسىنا قىزمەتكە تۇردى. بۇل جىلدارى سول گازەتكە جانە «شۇعىلا» جۋرنالىنا ولەڭدەرى ءجيى جاريالانا باستايدى.

1955 جىلى اتا-مەكەنى قازاقستانعا كوشىپ كەلىپ، 1961 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن ءبىتىرىپ شىعادى. 1955 جىلى جارىق كورگەن «قوس جۇرەك» اتتى جاس اقىنداردىڭ ۇجىمدىق جيناعىنا ولەڭدەرى ەنگەن.

ءبىراز جىل قازاق كسر عىلىم اكادەمياسىنىڭ ش. ءۋاليحانوۆ اتىنداعى تاريح، ەتنوگرافيا جانە ارحەولوگيا ينستيتۋتىندا كىشى عىلىمي قىزمەتكەر، ودان كەيىن قازاقستان جازۋشىلار وداعىنىڭ كوركەم ادەبيەتتى ناسيحاتتاۋ بيۋروسىندا نۇسقاۋشى، رەسپۋبليكالىق كىتاپ پالاتاسىندا ءبولىم مەڭگەرۋشىسى، «جالىن» باسپاسىندا اعا رەداكتور بولعان. قازاقتىڭ قارا ولەڭىن جيناپ، ەكى تومىن باستىردى.

ءقازىر زەينەتكەر، سونىمەن بىرگە «بالاۋسا» باسپاسىندا «ادەبي مۇرا» باعدارلاماسىنا وراي، «الەم بالالار ادەبيەتىنىڭ» قازاق تىلىندەگى ەلۋ تومدىعىن شىعارۋ جۇمىسىنا اتسالىسۋدا.

1996 جىلدان قازاقستان جازۋشىلار وداعى باسقارماسىنىڭ مۇشەسى. حالىقارالىق «الاش» ادەبي سىيلىعىنىڭ لاۋرەاتى. «ەرەن ەڭبەگى ءۇشىن»، «تاۋەلسىزدىكتىڭ 10 جىلى» مەدالدارىنىڭ يەگەرى. مۇقاعالي اتىنداعى سىيلىقتىڭ يەگەرى. پانفيلوۆ اۋدانىنىڭ قۇرمەتتى ازاماتى.
دەرەككوزى: alashainasy. kz

ولەڭدەر

بالا بولعىم كەلەدى
ەسىمدە
ەكەۋىڭە
قوشتاسۋ جىرى
جاڭبىردان كەيىن
جول اسەرى
ەڭ جاقسى ولەڭ
رامىزدەرىم
قازاقپىن
قورعا، قازاق ءتىلىڭدى