ورىسشا بايانداما جاساعان شەنەۋنىك بەردىبەك ساپاربايەۆتان ءسوز ەستىدى
اقتوبە وبلىسىنىڭ اكىمى بەردىبەك ساپاربايەۆ ورىسشا بايانداما جاساعان وبلىستىق ءبىلىم باسقارماسىنىڭ باسشىسى ساۋلە ومىربەكوۆاعا ەسكەرتۋ جاسادى.
بۇل تۋرالى aktobenews.kz حابارلايدى.
ءبىلىم باسقارماسى باسشىسى ءوز بايانداماسىن قازاق تىلىندە باستاعانىمەن، ءبىراز كىبىرتىكتەدى. سوسىن رەسمي تىلگە اۋىستى.
اتالعان لاۋازىمعا تاياۋدا عانا تاعايىندالعان ساۋلە ومىربەكوۆا ۇبت سىناعىنىڭ ناتيجەلەرى مەن كوللەدجدەردە دۋالدى ءبىلىم بەرۋ جۇيەسىن ەنگىزۋ تۋرالى ماعلۇماتتارمەن ءبولىستى.
ول ءوز بايانداماسىن اياقتاعان كەزدە جيىنعا ءتوراعالىق ەتكەن ءوڭىر باسشىسى وعان ەسكەرتۋ جاسادى.
— “ءسىز ءبىر نارسەنى ۇمىتپاڭىز. ءسىز ءبىلىم باسقارماسىن باسقاراسىز. كەلەسى جولى بايانداماڭىزدى قازاقشا جاساڭىز”، — دەدى بەردىبەك ساپاربايەۆ.
— “جاقسى”، — دەدى ءوز كەمشىلىگىن مويىنداعان ءبىلىم باسقارماسى باسشىسى.
— “تۇنىمەن دايىندالىڭىز. ءسىز كەشەگى مەكتەپ ديرەكتورىسىز. ارينە، اراسىندا رەسمي ءتىلدى دە قوسۋعا بولادى ەندى. ءبىراق مەملەكەتتىك تىلدە سويلەۋ كەرەك”، — دەدى باسقالارعا دا ساباق بولسىن دەگەن پەيىلمەن ءسوزىن تۇيىندەگەن وبلىس اكىمى بەردىبەك ساپاربايەۆ.
You Might Also Like
-
قىزىلوردا وبلىسىنا ساپارى بارىسىندا قازاقستاننىڭ پرەمەر-مينيسترى كارىم ءماسىموۆ بايقوڭىر قالاسىنداعى №277 ورتا مەكتەپكە باردى، دەپ حابارلايدى pm.kz.
-
قازاقستان رەسپۋبليكاسىنىڭ ەلباسى ن. نازاربايەۆ «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى جولداۋىندا: «ورتا ءبىلىم جۇيەسىندە جالپى ءبىلىم بەرەتىن مەكتەپتەردى نازا...
