InfoHub Logo

قازاقستان رەسپۋبليكاسىنىڭ ەلباسى ن. نازاربايەۆ «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى جولداۋىندا: «ورتا ءبىلىم جۇيەسىندە جالپى ءبىلىم بەرەتىن مەكتەپتەردى نازاربايەۆ زياتكەرلىك مەكتەپتەرىندەگى وقىتۋ دەڭگەيىنە جەتكىزۋ كەرەك؛ مەكتەپ تۇلەكتەرى قازاق، ورىس جانە اعىلشىن تىلدەرىن بىلۋگە ءتيىس، ولاردى وقىتۋ ناتيجەسى سىندارلى ويلاۋ، وزىندىك ىزدەنىس پەن اقپاراتتى تەرەڭ تالداۋ ماشىعىن يگەرۋ بولۋعا ءتيىس»، - دەگەن بولاتىن.

وسى مىندەتتەردى ورىنداۋدا قازاقستان رەسپۋبليكاسىندا بولىپ جاتقان الەۋمەتتىك-ەكونوميكالىق جانە مادەني جاڭارتۋلار مەكتەپتىك ءپان رەتىندە اعىلشىن ءتىلىنىڭ پايدالانۋ ءورىسىن ءبىرشاما كەڭەيتۋدە. اعىلشىن ءتىلىن تەرەڭدەتىپ، جان-جاقتى وقىتۋدى قوعام، ۋاقىت قاجەت ەتىپ وتىر. قازاقستان رەسپۋبليكاسىنىڭ تاۋەلسىز ەلگە اينالىپ، الەمدىك وركەنيەتتىڭ دامۋ جولىنا ءتۇسۋى اعىلشىن ءتىلىن جەتىك مەڭگەرۋدى تالاپ ەتەدى. سوندىقتان بۇل وزگەرىستەر حالىققا ءبىلىم بەرۋ جۇيەسىنىڭ بارلىق بۋىندارىنا ءبىلىم بەرۋ ءىسىن جاڭا ساتىعا كوتەرۋدى تالاپ ەتەدى. سول ءۇشىن جاڭا كەزەڭدەگى وزىق پەداگوگيكالىق تاجىربيەلەردى زامان تالابىنا ساي قولدانۋ ەرەكشە ماڭىزعا يە.

«نازاربايەۆ زياتكەرلىك مەكتەپتەرى» دببۇ «پەداگوگيكالىق شەبەرلىك ورتالىعى» بازاسىندا «ورتا ءبىلىم مازمۇنىن جاڭارتۋ» شەڭبەرىندە اعىلشىن ءتىلى باعدارلامالارى بويىنشا بىلىكتىلىكتى ارتتىرۋ كۋرستارى وتۋدە. كۋرس بويىنشا وبلىسىمىزدىڭ ءار ايماعىنان كەلگەن 32 مەكتەپ مۇعالىمدەرى بىلىكتىلىكتەرىن ارتتىرۋدا.

كۋرستىڭ نەگىزگى ماقساتى – ءبىلىم مازمۇنىنىڭ جاڭارۋىمەن قاتار، وقىتۋدىڭ ادىس-تاسىلدەرى مەن ءارتۇرلى قۇرالدارىن قولدانۋدىڭ تيىمدىلىگىن ارتتىرۋ، باستاۋىش سىنىپتا اعىلشىن ءتىلى بويىنشا ءبىلىم بەرۋ باعدارلاماسىن جاڭارتۋ جانە كريتەريالدى باعالاۋ جۇيەسىن ەنگىزۋ تۇرعىسىنان مۇعالىمدەردىڭ پەداگوگيكالىق شەبەرلىگىن جەتىلدىرۋ.

باعدارلاما اياسىندا كۋرس تىڭداۋشىلارى اعىلشىن ءتىلى ءپانىن جاڭا مازمۇندا وقىتۋ بويىنشا دارىس-ترەنينگتەر تىڭداپ، كوپتەگەن وقۋ ستراتەگيالارىن، ءتىلدى ۇيرەتۋدىڭ ادىس-تاسىلدەرىن، وقۋشىلاردىڭ  العان بىلىمدەرىن تاجىربيەدە قولدانا ءبىلۋدىڭ قىر-سىرىن ۇيرەنۋدە. كوڭىل قويىپ، وي تۇيەتىن ماڭىزدى ساتتەر ەرەكشە: شيىرشىقتى وقىتۋدىڭ مازمۇنى، جاڭا باعدارلاما بويىنشا ءار ساباققا قىسقا مەرزىمدى جوسپار قۇراستىرۋ، اۋدارماسىز وقىتۋدىڭ تاسىلدەرى، ءتورت داعدى بويىنشا (ايتىلىم، تىڭدالىم، جازىلىم، وقىلىم) وقىپ ۇيرەنگەن ترەنينگتەر ءبىزدىڭ پەداگوگيكالىق ءبىلىمىمىزدى تەرەڭدەتە تۇسۋدە.

ۇلى اعىلشىن اعارتۋشىسى ۋيليام ۋورد: «جاي ءمۇعالىم حابارلايدى، جاقسى ءمۇعالىم تۇسىندىرەدى، كەرەمەت ءمۇعالىم كورسەتەدى، ۇلى ءمۇعالىم شابىتتاندىرادى»، - دەگەن، مىنە ءبىز دە وسى كۋرس بارىسىندا زامان تالابىنا ساي اعىلشىن ءتىلى ءپانىن وقىتۋ بويىنشا شاكىرتتەرىمىزدى شابىتتاندىراتىن ادىس-تاسىلدەرىمىزدى قولدانامىز.

كۋرس ۇستازدارعا جاڭا لەپ، تىڭ يدەيالاردى ۇسىنىپ، اعىلشىن ءتىلىن مەڭگەرۋدىڭ ءتيىمدى جولدارىن ايقىنداپ بەردى. 

قاراعاندى قالاسى، №58 جببوم، يمانگالييەۆا اسەم تالگاتوۆنا

قاراجال قالاسى، №1 جببوم، سۋلەيمەنوۆا ءمولدىر راحاتوۆنا

---