ويلاماي وتقا تۇسكەن نەتكەن جانبىز،
ءسوز ۇقپاس مىلقاۋ، مەڭىرەۋ، جۇرگەن جالعىز.
كورىنبەس كوزگە تۇرتسە قاراڭعىدا،
ياپىرم-اي، قالدىق پا ەندى ءتىپتى تاڭسىز؟!
تاقاۋلى تاماعىندا وتكىر پىشاق،
تەك جاتىر تۇياق سەرىپپەي سوندا دا اڭسىز.
تىڭداماس، سوزگە تۇسپەس، ىرىققا كونبەس،
بولدى ما قايران قازاق تاستاي جانسىز؟
جەر كەتتى، جانىڭ كەتتى، قام جەمەدىڭ،
قۇل بولدىڭ قارا تابان ەندى مالسىز.
ورتاعا قاماپ الىپ قىرىپ جاتىر
قارا جۇرەك «ناداندىق» قولمەن سانسىز.
قازاعىم، ارىستانىم، قايراتتى ەرىم،
تۇردىڭ با قارۋ قىلماي، قۇر امالسىز؟
وزىڭدەي ادامزاتتار نە عىپ جاتىر،
بوس ءجۇرسىڭ باسپاناسىز، ۇيگەن تامسىز،
ساندالدىڭ: الدىڭ - بوران، ارتىڭ - تۇمان،
تۇك كورمەي ساۋلە بەرەر شىراق-شامسىز.
ءبىلىمسىز يت ناداندىق جەڭگەنى مە؟
بۋىنىڭ قالتىرايدى بولىپ ءالسىز.

---