وتاندى قورعاۋ باستى مىندەت
قىزىلوردا وبلىسى، قازالى اۋدانى، قازالى اۋىلى،
№100 ورتا مەكتەبىنىڭ باستاۋىش سىنىپ ءمۇعالىمى
بەردەشيەۆا جادىرا مولىبەك قىزى
ساباقتىڭ تاقىرىبى: وتاندى قورعاۋ باستى مىندەت
ساباقتىڭ ماقساتى: وقۋشىلاردىڭ ءوز وتانىنا دەگەن سۇيىسپەنشىلىگىن ارتتىرۋ، ءوز وتانىن قورعاي ءبىلۋ كەرەك ەكەنىن ءتۇسىندىرۋ؛
جاس ۇرپاققا ءوز وتانىمىزدىڭ تۋىنىڭ ماڭگى بيىكتە جەلبىرەۋى بابالارىمىزدىڭ وسى بوستاندىق ءۇشىن جان الىپ، جان بەرىسكەنىنىڭ ارقاسىندا ەكەنىن ايتىپ ءتۇسىندىرۋ؛
كورنەكىلىگى: دانالىق سوزدەر، پلاكاتتار، كىتاپتار كورمەسى.
ساباقتىڭ بارىسى:
ءى. كىرىسپە
ءمۇعالىم:
- قۇرمەتتى ۇستازدار، وقۋشىلار، اتا - انالار! بۇگىن سىزدەر مەن بىزدەر ءۇشىن وتە ۇلكەن قۋانىشتى مەرەكە كۇن. ءبىزدىڭ وتانىمىز قازاقستان رەسپۋبليكاسىنىڭ تاۋەلسىزدىگى مەرەكەسىنە ارنالعان «وتاندى قورعاۋ – باستى مىندەت» تاقىرىبىنداعى تاربيە ساعاتىنا قوش كەلىپسىزدەر. ولاي بولسا ەڭسەسى بيىك ەلىمىزدىڭ قۇدىرەتتى دە، قاسيەتتى قازاق دەگەن حالقىنىڭ سىزدەردەي ازاماتتارى مەن ازاماتشالارىن مەرەيلى مەرەكەلەرىمەن قۇتتىقتايمىز! تاۋەلسىز ەلىمىزدىڭ دامۋىنىڭ قازىرگى كەزەڭىندە پرەزيدەنت جانە ۇكىمەت قاۋىپسىزدىك ماسەلەسىنە جەتە كوڭىل ءبولىپ وتىر.
«قازاقستان - 2030»ستراتەگياسىندا اتاپ كورسەتكەندەي، ۇلتتىق قاۋىپسىزدىك ءححى عاسىردا مەملەكەت دامۋىنىڭ نەگىزگى باسىمدىقتارىنىڭ ءبىرى رەتىندە تۇجىرىمدالعان. سوندىقتان دا شەكاراداعى قاۋىپسىزدىك قازاقستان رەسپۋبليكاسى ۇلتتىق قاۋىپسىزدىگىنىڭ اجىرامايتىن بولىگى بولىپ تابىلادى. ءار ەلدىڭ اۋماعى مەن شەكاراسىنىڭ بولۋى – سول مەملەكەتتىڭ ەلدىگىنىڭ ەڭ نەگىزگى بەلگىسى بولىپ تابىلادى. مىسالى، ءبىزدىڭ ەلىمىزدىڭ مەملەكەتتىك شەكاراسى 14 مىڭ شاقىرىمنان استام قاشىقتىقتى الىپ جاتىر. بەس مەملەكەتپەن، رەسەي فەدەراسياسىمەن، تۇركىمەنستانمەن، وزبەكستانمەن، قىرعىزستانمەن جانە قىتايمەن شەكتەسەدى. سونداي - اق، باتىستا حازار (كاسپيي) تەڭىزىمەن، وڭتۇستىگىندە ارال تەڭىزىمەن شايىلادى. سونىڭ ىشىندە جامبىل وبلىسى وڭتۇستىگىندە قىرعىز رەسپۋبليكاسىمەن 716 شارشى شاقىرىمدا شەكتەسەدى.
ەلىمىزدە تاۋەلسىزدىك تۋى جەلبىرەگەلى 20 جىل ۋاقىت بولدى. سودان بەرى حالىقتىڭ بەرەكە - بىرلىگىن ويلاستىرىپ، رۋحىن كوتەرۋ جانە ەل ەڭسەسىن الەۋمەتتىك تۇرعىدان تىكتەۋ ىسىندە قىرۋار شارۋا اتقارىلدى. مەملەكەتىمىزدىڭ تاريحىنىڭ ءتۇپسىز تەرەڭدىگىن، جەر بايلىعىنىڭ باعا جەتپەس مولدىعىن، حالىقتىڭ بەيبىتشىلىك سۇيگىشتىگى مەن ەڭبەكقورلىعىن جانە ءبىلىمىن، بىلىگىن دۇنيە ءجۇزى مويىندادى. مۇنىڭ ءبارى ەلدىگىمىزدىڭ ەڭ باستى بەلگىلەرىنىڭ ءبىرى - مەملەكەتتىك شەكارامىزدىڭ مىعىم بولۋىنا قىزمەت ەتۋدە.
- بۇگىن سىزدەردىڭ الدارىڭىزدا وسى مەكتەپتىڭ 3 - سىنىپ وقۋشىلارى، بولاشاعىنان زور ءۇمىت كۇتتىرەتىن قازاق ەلىنىڭ ۇلاندارى، مەنىڭ كىشكەنتاي جاس شاكىرتتەرىم وزدەرىنىڭ اسەم اندەرىن ايتىپ، تاماشا ولەڭدەرىن وقيدى، مىڭ بۇرالىپ بيلەيدى.
قازاقستان رەسپۋبليكاسىنىڭ مەملەكەتتىك گيمنى ورىندالادى.
1 - جۇرگىزۋشى
قۇدىرەت بار باتىرلىقتا، ەرلىكتە،
تىرشىلىك بار بۇزىلماعان ەلدىكتە.
جاۋلارمەنەن جاعالاسىپ سىنعا تۇسكەن ساتتەردە
ەلىمىزدى، جەرىمىزدى ءسىرا قولدان بەردىك پە؟
- ەندى ەلىن، جەرىن، حالقىن جاۋدان قورعاعان باتىرلار جايلى جىر جولدارىنا كەزەك بەرەمىز.
1 - وقۋشى
ابىلاي، ابىلاي دەسە ابىلاي!
تەكتى ۇلان،
القىمعا قازاقتى ويلاپ
كەك تىعىلعان!
بىرلىككە قايتسەم ەندى كەلتىرەم دەپ،
كوز سالعان كوكشەتاۋدىڭ
كوك شىڭىنان!
2 - وقۋشى:
باسقادان اسىپ تۋعان ەر بوگەنباي
ەدىگەدەي ەل قامىن جەر بوگەنباي.
قالماقتى قىسقا كۇندە قىرىق شاۋىپ،
ءۇش جۇزگە ولجا سالعان سول بوگەنباي!
3 - وقۋشى:
دارابوزىم – قابانباي،
باتىر تۋعان ەل ءۇشىن.
جايراتقان جاۋدى الىبىم،
باتىردىڭ اسقان بەلىسىڭ.
4 - وقۋشى:
كەنەسارى، ناۋرىزباي،
اتاعى شىقتى اڭقىلداپ،
جاۋدى ۇركىتىپ قاشىردى
اق الماستاي جالتىلداپ.
زارەسىن الدى دۇشپاننىڭ
نايزاعايداي جارقىلداپ.
كۇي: دينا نۇرپەيىسوۆانىڭ «تويباستار» كۇيى تىڭدالادى.
2 - جۇرگىزۋشى:
ايتىپ كەتكەن اقىندار
ءوز وتانىن سۇيەرىن.
جازىپ كەتكەن جازۋشىلار
تىلگە ارنالعان تىلەگىن.
- ەندى وتان تۋرالى ناقىل سوزدەرىمەن ولەڭ جولدارىنا كەزەك بەرەيىك.
5 - وقۋشى: «وتان دەگەن نە؟» دەيسىڭ ۇلىم
ول سەنىڭ عۇمىرلى اناڭ،
جورگەگىڭنەن جانىڭا ءسىڭىپ قالعان
ءانىڭ مەن جىرىڭ ماعان.
6 - وقۋشى: وتانىم - التىن انام باس يەتىن،
ولشەنەر وزىڭمەنەن قاسيەتىم.
كادەگە جاتپاسا اسىپ بۇل ومىردە
بۇل جەردىڭ كەرەك دەسەڭ تاسى جەتىم.
7 - وقۋشى: وتانىم - اسقار تاۋىم، كۇنىمدەيسىڭ،
انامنىڭ ايالاعان گۇلىندەيسىڭ.
ارقامنان اكەم بولىپ قاعاسىڭ سەن،
سەن ماعان انام بولىپ كۇلىمدەيسىڭ.
8 - وقۋشى: قازاقستان دەيتىن مەنىڭ بار ەلىم،
جاتىر الىپ جارتى دۇنيە الەمىن!
بۇل دالانى العاش كورىپ قۋانعام،
بۇل دالادا وسكەن جاندا جوق ارمان.
كورىنىس: «اتا - بابام اڭساعان تاۋەلسىزدىك»
9 - وقۋشى: مەن قازاقپىن، ۇلانىمىن ەلىمنىڭ،
مەن قازاقپىن، تىرەگىمىن جەرىمنىڭ.
ۇلانىمىن تۋىن كوككە كوتەرگەن،
بولاشاققا، العا باستاپ جەتەلەر.
10 - وقۋشى كوز تويعىسىز قازاعىمنىڭ جەرى بار،
نۋ ورمانى، تاۋى، وزەنى، كولى بار.
قازاعىمنىڭ جەرىن، ەلىن قورعايتىن،
جاس جەتكىنشەك، ۇلانى بار، ەلى بار!
ءان: « سولدات بولام مەن ەرتەڭ!»
ورىندايتىندار: ارسەن، دامير، عالىم، نۇربول.
11 - وقۋشى:
ءبىز ەلىمىزدىڭ ءبىلىمىن، مادەنيەتىن كوتەرەتىن ازاماتپىز. جاڭا ءداۋىر كوشىن جالعاستىرۋعا، حالىقتىڭ ءال - اۋقاتىن ارتتىرۋعا، ەلىمىزدىڭ كوركەيىپ، نىعايۋىنا ۇلەس قوسۋدى باستى بورىشىم دەپ سانايمىن. وسى ەلىمىز بەن جەرىمىزدىڭ تىنىشتىقتا، بەيبىتشىلىكتە ءومىر ءسۇرۋى دە ءوزىمىزدىڭ قولىمىزدا.
12 - وقۋشى:
مەن قىرانداي بيىكتە قالىقتاعان ەلدىڭ ۇلانىمىن. تاۋەلسىزدىك تاڭى ءتىلىمىزدى، ءدىلىمىزدى، ءدىنىمىزدى، سالت - ءداستۇرىمىزدى جاڭعىرتتى. قاسيەتتى اتا زاڭىمىز قابىلداندى، ەگەمەندىگىمىزدىڭ ايعاعى اسپان تۇستەس ازات بايراعىمىز، گيمنىمىز، گەربىمىز دۇنيەگە كەلدى.
13 - وقۋشى:
مەن قازاقستان رەسپۋبليكاسىنىڭ ازاماتىمىن. وتانىمنىڭ دۇنيە جۇزىندە الدىڭعى قاتارلى، ادىلەتتى، وركەنيەتتى ەل بولۋى ءۇشىن ساپالى ءبىلىم الامىن. جوعارى مادەنيەتتى ازامات بولىپ، ءوز وتانىمدى ماڭگى قورعايمىن.
14 - وقۋشى:
ن. ءا. نازاربايەۆ ۇلتتىق قاۋىپسىزدىكتى قاپىسىز قامتاماسىز ەتىپ، قيىن كەزەڭدە كۇردەلى كەلىسسوزدەر جۇرگىزىپ، الەمدىك قاۋىمداستىق الدىندا قازاقستاننىڭ كوك بايراعىنىڭ بيىك جەلبىرەۋى ءۇشىن ولشەۋسىز ەڭبەك ەتكەنىن تورتكۇل دۇنيە مويىندادى.
15 - وقۋشى: اتا - بابالارىمىز تالاي عاسىرلار بويى اڭساعان تاۋەلسىزدىككە قولىمىز جەتكەنىنە بيىل جيىرما جىل بولدى. ارمانى اسقاق ەلىمىزدىڭ ۇلى كوشىن حالقىمىزدىڭ ارداقتى پەرزەنتى، الەمگە ايگىلى ساياساتكەر ن. ءا. نازاربايەۆ جارقىن بولاشاققا، كەمەل كەلەشەككە باستاپ كەلەدى.
حور: «قازاق ەلى»
1 - جۇرگىزۋشى: كوپشىلىگى كەمىمەي تولسىن دەيمىن
بارلىق ەلدىڭ باسىنا ب ا ق قونسىن دەيمىن.
كەلەشەكتە ەگەمەن ەلىمىز دە، ورتا ازيا «بارىسى»بولسىن، - دەي وتىرىپ بۇگىنگى «وتاندى قورعاۋ - باستى مىندەت» تاقىرىبىنداعى تاربيە ساعاتىمىز اياقتالدى. كورىپ تاماشالاعاندارىڭىزعا راحمەت.
ساۋ بولىڭىزدار!
№100 ورتا مەكتەبىنىڭ باستاۋىش سىنىپ ءمۇعالىمى
بەردەشيەۆا جادىرا مولىبەك قىزى
ساباقتىڭ تاقىرىبى: وتاندى قورعاۋ باستى مىندەت
ساباقتىڭ ماقساتى: وقۋشىلاردىڭ ءوز وتانىنا دەگەن سۇيىسپەنشىلىگىن ارتتىرۋ، ءوز وتانىن قورعاي ءبىلۋ كەرەك ەكەنىن ءتۇسىندىرۋ؛
جاس ۇرپاققا ءوز وتانىمىزدىڭ تۋىنىڭ ماڭگى بيىكتە جەلبىرەۋى بابالارىمىزدىڭ وسى بوستاندىق ءۇشىن جان الىپ، جان بەرىسكەنىنىڭ ارقاسىندا ەكەنىن ايتىپ ءتۇسىندىرۋ؛
كورنەكىلىگى: دانالىق سوزدەر، پلاكاتتار، كىتاپتار كورمەسى.
ساباقتىڭ بارىسى:
ءى. كىرىسپە
ءمۇعالىم:
- قۇرمەتتى ۇستازدار، وقۋشىلار، اتا - انالار! بۇگىن سىزدەر مەن بىزدەر ءۇشىن وتە ۇلكەن قۋانىشتى مەرەكە كۇن. ءبىزدىڭ وتانىمىز قازاقستان رەسپۋبليكاسىنىڭ تاۋەلسىزدىگى مەرەكەسىنە ارنالعان «وتاندى قورعاۋ – باستى مىندەت» تاقىرىبىنداعى تاربيە ساعاتىنا قوش كەلىپسىزدەر. ولاي بولسا ەڭسەسى بيىك ەلىمىزدىڭ قۇدىرەتتى دە، قاسيەتتى قازاق دەگەن حالقىنىڭ سىزدەردەي ازاماتتارى مەن ازاماتشالارىن مەرەيلى مەرەكەلەرىمەن قۇتتىقتايمىز! تاۋەلسىز ەلىمىزدىڭ دامۋىنىڭ قازىرگى كەزەڭىندە پرەزيدەنت جانە ۇكىمەت قاۋىپسىزدىك ماسەلەسىنە جەتە كوڭىل ءبولىپ وتىر.
«قازاقستان - 2030»ستراتەگياسىندا اتاپ كورسەتكەندەي، ۇلتتىق قاۋىپسىزدىك ءححى عاسىردا مەملەكەت دامۋىنىڭ نەگىزگى باسىمدىقتارىنىڭ ءبىرى رەتىندە تۇجىرىمدالعان. سوندىقتان دا شەكاراداعى قاۋىپسىزدىك قازاقستان رەسپۋبليكاسى ۇلتتىق قاۋىپسىزدىگىنىڭ اجىرامايتىن بولىگى بولىپ تابىلادى. ءار ەلدىڭ اۋماعى مەن شەكاراسىنىڭ بولۋى – سول مەملەكەتتىڭ ەلدىگىنىڭ ەڭ نەگىزگى بەلگىسى بولىپ تابىلادى. مىسالى، ءبىزدىڭ ەلىمىزدىڭ مەملەكەتتىك شەكاراسى 14 مىڭ شاقىرىمنان استام قاشىقتىقتى الىپ جاتىر. بەس مەملەكەتپەن، رەسەي فەدەراسياسىمەن، تۇركىمەنستانمەن، وزبەكستانمەن، قىرعىزستانمەن جانە قىتايمەن شەكتەسەدى. سونداي - اق، باتىستا حازار (كاسپيي) تەڭىزىمەن، وڭتۇستىگىندە ارال تەڭىزىمەن شايىلادى. سونىڭ ىشىندە جامبىل وبلىسى وڭتۇستىگىندە قىرعىز رەسپۋبليكاسىمەن 716 شارشى شاقىرىمدا شەكتەسەدى.
ەلىمىزدە تاۋەلسىزدىك تۋى جەلبىرەگەلى 20 جىل ۋاقىت بولدى. سودان بەرى حالىقتىڭ بەرەكە - بىرلىگىن ويلاستىرىپ، رۋحىن كوتەرۋ جانە ەل ەڭسەسىن الەۋمەتتىك تۇرعىدان تىكتەۋ ىسىندە قىرۋار شارۋا اتقارىلدى. مەملەكەتىمىزدىڭ تاريحىنىڭ ءتۇپسىز تەرەڭدىگىن، جەر بايلىعىنىڭ باعا جەتپەس مولدىعىن، حالىقتىڭ بەيبىتشىلىك سۇيگىشتىگى مەن ەڭبەكقورلىعىن جانە ءبىلىمىن، بىلىگىن دۇنيە ءجۇزى مويىندادى. مۇنىڭ ءبارى ەلدىگىمىزدىڭ ەڭ باستى بەلگىلەرىنىڭ ءبىرى - مەملەكەتتىك شەكارامىزدىڭ مىعىم بولۋىنا قىزمەت ەتۋدە.
- بۇگىن سىزدەردىڭ الدارىڭىزدا وسى مەكتەپتىڭ 3 - سىنىپ وقۋشىلارى، بولاشاعىنان زور ءۇمىت كۇتتىرەتىن قازاق ەلىنىڭ ۇلاندارى، مەنىڭ كىشكەنتاي جاس شاكىرتتەرىم وزدەرىنىڭ اسەم اندەرىن ايتىپ، تاماشا ولەڭدەرىن وقيدى، مىڭ بۇرالىپ بيلەيدى.
قازاقستان رەسپۋبليكاسىنىڭ مەملەكەتتىك گيمنى ورىندالادى.
1 - جۇرگىزۋشى
قۇدىرەت بار باتىرلىقتا، ەرلىكتە،
تىرشىلىك بار بۇزىلماعان ەلدىكتە.
جاۋلارمەنەن جاعالاسىپ سىنعا تۇسكەن ساتتەردە
ەلىمىزدى، جەرىمىزدى ءسىرا قولدان بەردىك پە؟
- ەندى ەلىن، جەرىن، حالقىن جاۋدان قورعاعان باتىرلار جايلى جىر جولدارىنا كەزەك بەرەمىز.
1 - وقۋشى
ابىلاي، ابىلاي دەسە ابىلاي!
تەكتى ۇلان،
القىمعا قازاقتى ويلاپ
كەك تىعىلعان!
بىرلىككە قايتسەم ەندى كەلتىرەم دەپ،
كوز سالعان كوكشەتاۋدىڭ
كوك شىڭىنان!
2 - وقۋشى:
باسقادان اسىپ تۋعان ەر بوگەنباي
ەدىگەدەي ەل قامىن جەر بوگەنباي.
قالماقتى قىسقا كۇندە قىرىق شاۋىپ،
ءۇش جۇزگە ولجا سالعان سول بوگەنباي!
3 - وقۋشى:
دارابوزىم – قابانباي،
باتىر تۋعان ەل ءۇشىن.
جايراتقان جاۋدى الىبىم،
باتىردىڭ اسقان بەلىسىڭ.
4 - وقۋشى:
كەنەسارى، ناۋرىزباي،
اتاعى شىقتى اڭقىلداپ،
جاۋدى ۇركىتىپ قاشىردى
اق الماستاي جالتىلداپ.
زارەسىن الدى دۇشپاننىڭ
نايزاعايداي جارقىلداپ.
كۇي: دينا نۇرپەيىسوۆانىڭ «تويباستار» كۇيى تىڭدالادى.
2 - جۇرگىزۋشى:
ايتىپ كەتكەن اقىندار
ءوز وتانىن سۇيەرىن.
جازىپ كەتكەن جازۋشىلار
تىلگە ارنالعان تىلەگىن.
- ەندى وتان تۋرالى ناقىل سوزدەرىمەن ولەڭ جولدارىنا كەزەك بەرەيىك.
5 - وقۋشى: «وتان دەگەن نە؟» دەيسىڭ ۇلىم
ول سەنىڭ عۇمىرلى اناڭ،
جورگەگىڭنەن جانىڭا ءسىڭىپ قالعان
ءانىڭ مەن جىرىڭ ماعان.
6 - وقۋشى: وتانىم - التىن انام باس يەتىن،
ولشەنەر وزىڭمەنەن قاسيەتىم.
كادەگە جاتپاسا اسىپ بۇل ومىردە
بۇل جەردىڭ كەرەك دەسەڭ تاسى جەتىم.
7 - وقۋشى: وتانىم - اسقار تاۋىم، كۇنىمدەيسىڭ،
انامنىڭ ايالاعان گۇلىندەيسىڭ.
ارقامنان اكەم بولىپ قاعاسىڭ سەن،
سەن ماعان انام بولىپ كۇلىمدەيسىڭ.
8 - وقۋشى: قازاقستان دەيتىن مەنىڭ بار ەلىم،
جاتىر الىپ جارتى دۇنيە الەمىن!
بۇل دالانى العاش كورىپ قۋانعام،
بۇل دالادا وسكەن جاندا جوق ارمان.
كورىنىس: «اتا - بابام اڭساعان تاۋەلسىزدىك»
9 - وقۋشى: مەن قازاقپىن، ۇلانىمىن ەلىمنىڭ،
مەن قازاقپىن، تىرەگىمىن جەرىمنىڭ.
ۇلانىمىن تۋىن كوككە كوتەرگەن،
بولاشاققا، العا باستاپ جەتەلەر.
10 - وقۋشى كوز تويعىسىز قازاعىمنىڭ جەرى بار،
نۋ ورمانى، تاۋى، وزەنى، كولى بار.
قازاعىمنىڭ جەرىن، ەلىن قورعايتىن،
جاس جەتكىنشەك، ۇلانى بار، ەلى بار!
ءان: « سولدات بولام مەن ەرتەڭ!»
ورىندايتىندار: ارسەن، دامير، عالىم، نۇربول.
11 - وقۋشى:
ءبىز ەلىمىزدىڭ ءبىلىمىن، مادەنيەتىن كوتەرەتىن ازاماتپىز. جاڭا ءداۋىر كوشىن جالعاستىرۋعا، حالىقتىڭ ءال - اۋقاتىن ارتتىرۋعا، ەلىمىزدىڭ كوركەيىپ، نىعايۋىنا ۇلەس قوسۋدى باستى بورىشىم دەپ سانايمىن. وسى ەلىمىز بەن جەرىمىزدىڭ تىنىشتىقتا، بەيبىتشىلىكتە ءومىر ءسۇرۋى دە ءوزىمىزدىڭ قولىمىزدا.
12 - وقۋشى:
مەن قىرانداي بيىكتە قالىقتاعان ەلدىڭ ۇلانىمىن. تاۋەلسىزدىك تاڭى ءتىلىمىزدى، ءدىلىمىزدى، ءدىنىمىزدى، سالت - ءداستۇرىمىزدى جاڭعىرتتى. قاسيەتتى اتا زاڭىمىز قابىلداندى، ەگەمەندىگىمىزدىڭ ايعاعى اسپان تۇستەس ازات بايراعىمىز، گيمنىمىز، گەربىمىز دۇنيەگە كەلدى.
13 - وقۋشى:
مەن قازاقستان رەسپۋبليكاسىنىڭ ازاماتىمىن. وتانىمنىڭ دۇنيە جۇزىندە الدىڭعى قاتارلى، ادىلەتتى، وركەنيەتتى ەل بولۋى ءۇشىن ساپالى ءبىلىم الامىن. جوعارى مادەنيەتتى ازامات بولىپ، ءوز وتانىمدى ماڭگى قورعايمىن.
14 - وقۋشى:
ن. ءا. نازاربايەۆ ۇلتتىق قاۋىپسىزدىكتى قاپىسىز قامتاماسىز ەتىپ، قيىن كەزەڭدە كۇردەلى كەلىسسوزدەر جۇرگىزىپ، الەمدىك قاۋىمداستىق الدىندا قازاقستاننىڭ كوك بايراعىنىڭ بيىك جەلبىرەۋى ءۇشىن ولشەۋسىز ەڭبەك ەتكەنىن تورتكۇل دۇنيە مويىندادى.
15 - وقۋشى: اتا - بابالارىمىز تالاي عاسىرلار بويى اڭساعان تاۋەلسىزدىككە قولىمىز جەتكەنىنە بيىل جيىرما جىل بولدى. ارمانى اسقاق ەلىمىزدىڭ ۇلى كوشىن حالقىمىزدىڭ ارداقتى پەرزەنتى، الەمگە ايگىلى ساياساتكەر ن. ءا. نازاربايەۆ جارقىن بولاشاققا، كەمەل كەلەشەككە باستاپ كەلەدى.
حور: «قازاق ەلى»
1 - جۇرگىزۋشى: كوپشىلىگى كەمىمەي تولسىن دەيمىن
بارلىق ەلدىڭ باسىنا ب ا ق قونسىن دەيمىن.
كەلەشەكتە ەگەمەن ەلىمىز دە، ورتا ازيا «بارىسى»بولسىن، - دەي وتىرىپ بۇگىنگى «وتاندى قورعاۋ - باستى مىندەت» تاقىرىبىنداعى تاربيە ساعاتىمىز اياقتالدى. كورىپ تاماشالاعاندارىڭىزعا راحمەت.
ساۋ بولىڭىزدار!
You Might Also Like
