InfoHub Logo

اشىق ساباق
تاقىرىبى: وتانىمىز - قازاقستان، ەلوردامىز – استانا
ساباقتىڭ ماقساتى:
1. بىلىمدىلىك: وتان، استانا تۋرالى تۇسىنىك بەرۋ
2. دامىتۋشىلىق: مانەرلەپ وقۋىن دامىتۋ
3. تاربيەلىك: ەلىن، جەرىن سۇيۋگە تاربيەلەۋ
ساباقتىڭ ءادىسى: سۇراق - جاۋاپ، ءتۇسىندىرۋ، ىزدەنىس
ساباقتىڭ ءتۇرى: جاڭا ساباق
ساباقتىڭ كورنەكىلىگى: پلاكاتتار، سۋرەتتەر، ۆيدەو

ساباقتىڭ بارىسى:
ا) بالالار، ءبىزدىڭ وتانىمىز قالاي اتالادى؟ قانە، كىم ايتادى؟
(بالالاردىڭ جاۋابى)
كىتاپپەن جۇمىس: وقىپ بەرىپ، مازمۇنىن ءتۇسىندىرۋ.
وتان تۋرالى تۇسىنىك بەرۋ.
ءبىزدىڭ وتانىمىز - قازاقستان رەسپۋبليكاسى. ءبىزدىڭ بابالارىمىز، اكەلەرىمىز قازاقستاندا تۋىپ ءومىر ءسۇردى. سوندىقتان ول ءبىزدىڭ وتانىمىز.
ءا) قازاقستاننىڭ پرەزيدەنتى كىم؟ ن. ءا. نازاربايەۆ.
ب) قازاقستان قانداي مەملەكەت؟ تاۋەلسىز مەملەكەت.
16 - جەلتوقسان تاۋەلسىزدىك العان كۇن. ۇلكەن مەرەكە كۇنى.
ۆ) قازاقستان رەسپۋبليكاسىنىڭ باس قالاسى قاي قالا؟
گ) استانا قالاسىن ءقازىر بۇكىل الەم بىلەدى. (استانا قالاسىنىڭ اسەم، كورىكتى جەرلەرىنىڭ سۋرەتتەرى كورسەتىلىپ، اڭگىمەلەنەدى).
قازاقستاندا ۇلكەن قالالار كوپ. ولار:........ (سلايد كورسەتىلەدى)
سونداي - اق مەملەكەتىمىزدىڭ ءوز اتا زاڭى، مەملەكەتتىك رامىزدەرى بار.
1993 جىلى 28 قاڭتاردا ق ر تۇڭعىش كونستيتۋسياسى قابىلداندى. 1995جىلى 30 تامىزدا ەلىمىزدىڭ جاڭا كونستيتۋسياسى قابىلداندى.
1992 جىلى ق ر مەملەكەتتىك رامىزدەرى قابىلداندى. ولار: تۋ، ەلتاڭبا، ءانۇران.
تۋدىڭ ءتۇسى - كوك. بەيبىتشىلىكتىڭ، تىنىشتىق پەن جارقىن بولاشاقتىڭ بەلگىسى. اۆتورى - سۋرەتشى شاكەن نيازبەكوۆ. تۋدىڭ ەنى - 1مەتر، ۇزىندىعى - 2 مەتر.
ەلتاڭبانىڭ اۆتورلارى: شوتا امان ءۋاليحانوۆ جانە جانداربەك مالىبەكوۆ.
2006 جىلدىڭ 6 قاڭتارىندا جاڭا ءانۇران قابىلداندى. ءانىن جازعان ءشامشى قالداياقوۆ، ءسوزىن جازعان جۇمەكەن ناجىمەدەنوۆ جانە نۇرسۇلتان نازاربايەۆ

سەرگىتۋ ءساتى.
ورمانداعى ايۋدىڭ،
قۇلپىنايى كوپ ەكەن.
تەرىپ - تەرىپ الايىق،
قالتامىزعا سالايىق.

تاقتامەن جۇمىس، داپتەرمەن جۇمىس. وتان، استانا، اۋىل، انا.
(وقۋشىلار تاقتادا جازادى)
ءمۇعالىم: بالالار، قانە، وسى سوزدەردەن سويلەم قۇراپ ۇيرەنەيىك.

اسىق ويىنى: ماقال - ماتەلدەر، جۇمباق، تاقپاق ايتۋ.
(بالالار اسىقتىڭ استىندا جازىلعان تاپسىرمالاردى ورىندايدى)

كارتوچكالارداعى ماقال - ماتەلدەردى مانەرلەپ وقۋ، ولاردىڭ ماعىناسىن ءتۇسىندىرۋ:

وتان ەلدىڭ اناسى،
ەل ەردىڭ اناسى.

وتان قادىرىنە جەتپەگەن ءوز قادىرىنە جەتپەيدى.

وتان وت باسىنان باستالادى.

وتان وتتان دا ىستىق،
جالىنى بار شوقتان دا ىستىق.

وتانسىز ادام — ورمانسىز بۇلبۇل.

وتانسىزدىڭ وتى جانبايدى.

وتان ءۇشىن ەڭبەك ەتسەڭ
حالقىڭنىڭ سۇيگەن ۇلى بولاسىڭ.

وتان ءۇشىن كۇرەس — ەرگە تيگەن ۇلەس.

وتان ءۇشىن وتقا ءتۇس — كۇيمەيسىڭ،
ارىڭ ءۇشىن الىسساڭ — ولمەيسىڭ.

قورىتىندىلاۋ:
- التىن ساندىق اشىلدى ىشىنەن سۇراق شاشىلدى. (ساندىقتىڭ ىشىنەن سۇراقتاردى الىپ، وقىپ بەرەمىز)
- بالالار، بۇگىن ءبىز نە تۋرالى وقىپ بىلدىك؟
- وتان تۋرالى تاقپاق كىم بىلەدى؟
- ەلباسى كىم؟
- قازاقستاننىڭ ەلورداسى قاي قالا؟

جارايسىڭدار، بالالار. وتان، تۋعان جەر، اتامەكەن تۋرالى كوپتەگەن كەرەمەت ولەڭدەر، اندەر، جىرلار جازىلعان. سونداي ءبىر ءاندى ءبىز دە ورىندايىق.
ەسكەندىر حاسانعالييەۆتىڭ «اتامەكەن» ءانىن حورمەن ورىنداۋ

جاسىل جايلاۋ تۇكتى كىلەم كوك كىلەم
كوك كىلەمدە كوپ وينايمىن كوپ كۇلەم
ماڭدايىمنان سيپاپ وتكەن سامالدى
قازاعىمنىڭ الاقانى دەپ بىلەم
قايدا جۇرسەم اتامەكەن
كوكەيىڭدە جاتادى ەكەن
كۇننىڭ ءوزى ۇياسىنا
قيماي ونى باتادى ەكەن
جاسىل جايلاۋ تۇكتى كىلەم كوك كىلەم
كوك كىلەمدە كوپ وينايمىن كوپ كۇلەم
كۇننىڭ نۇرىن ايدىڭ اپپاق ساۋلەسىن
قازاعىمنىڭ ماحابباتى دەپ بىلەم
قايدا جۇرسەم اتامەكەن
كوكەيىڭدە جاتادى ەكەن
كۇننىڭ ءوزى ۇياسىنا
قيماي ونى باتادى ەكەن
جاسىل جايلاۋ تۇكتى كىلەم كوك كىلەم
كوك كىلەمدە كوپ وينايمىن كوپ كۇلەم
اسقار تاۋىن اسپانىممەن تالاسقان
قازاعىمنىڭ مارتەبەسى دەپ بىلەم
قايدا جۇرسەم اتامەكەن
كوكەيىڭدە جاتادى ەكەن
كۇننىڭ ءوزى ۇياسىنا
قيماي ونى باتادى ەكەن
قايدا جۇرسەم اتامەكەن
كوكەيىڭدە جاتادى ەكەن
كۇننىڭ ءوزى ۇياسىنا
قيماي ونى باتادى ەكەن!

- وسىمەن ساباعىمىز اياقتالادى. بالالار، وتان دەگەنىمىز - ادامنىڭ تۋىپ - وسكەن جەرى، قايدا جۇرسەك دە، جۇرەگىمىزدە وسى ءاننىڭ سوزدەرىڭ الىپ جۇرەيىك.
ساباقتارىڭدى جاقسى وقىپ، ەلىمىزدىڭ ادال، ەڭبەكقور ازاماتى بولىڭدار.

شقو، بورودۋليحا اۋدانى
«كامىشەنكا ورتا مەكتەبى» كمم
باستاۋىش سىنىپ ءمۇعالىمى
ديۋسەبايەۆا ساۋلە ايتكەشوۆنا

وتانىمىز - قازاقستان، ەلوردامىز – استانا. جۇكتەۋ