InfoHub Logo

تاقىرىبى: وتباسى – ادامگەرشىلىك قۇندىلىقتارىنىڭ نەگىزى
ماقساتى:
1. بالا تاربيەسىندە اتا - انالاردىڭ ءرولىن كورسەتۋ بالالارمەن ورتاق ءتىل تابىسۋعا ۇيرەتۋ
2. اتا - انالاردى بالالارعا جاۋاپكەرشىلىكپەن قاراۋعا شاقىرۋ.
3. بالانىڭ بۇگىنگى ىستەگەن قادامى ەرتەڭگى تۇلعا رەتىندە قالىپتاسۋىنا ۇلكەن اسەر ەتەتىنىن اتاپ ءوتۋ.
مىندەتى:
1. بالالاردى ادامگەرشىلىككە تاربيەلەۋدەگى اتا - انانىڭ جاۋاپكەرشىلىگى.
2. مەكتەپتە اتا - انانىڭ وقۋ - تاربيە سالاسىنداعى ءرولى.
3. الداعى ۋاقىتتا وقۋشىلاردى تاربيەلەۋدە ءمۇعالىم مەن اتا - انانىڭ بىرىگىپ جۇمىس جاساۋى.
كورنەكىلىك قۇرالدار: ينتەربەلسەندى تاقتا، ۇلەستىرمەلى قاعازدار، پلاكات، قيما قاعازدار
ءادىس - تاسىلدەر: پىكىرلەسۋ، سۇراق - جاۋاپ، «ۇلپا قار» ويىنى، وي ءبولىسۋ، پوستەر قورعاۋ

جينالىس بارىسى
1. ۇيىمداستىرۋ كەزەڭى:
اتا - انالاردى ورتاعا شىعارىپ، شەڭبەر تارىزدەس ەتىپ تۇرعىزۋ، ياعني «شاتتىق شەڭبەرىن» قۇرۋ؛
- سالەمەتسىزدەر مە، قۇرمەتتى اتا انالار، قوناقتار! بۇگىنگى جينالىستى ەرەكشە وتكىزگىم كەلىپ تۇر. مەن 6 «ا» سىنىبىنا جەتەكشىلىك جاساعانىما كوپ بولعان جوق، سىزدەرمەن ءبىرىنشى رەت كەزدەسىپ تۇرمىن. سوندىقتان الدىمەن تانىسۋ رەتىمەن باستاساق. ول ءۇشىن الدىمەن ينتەربەلسەندى تاقتاداعى «مەن كىممىن» جانە «مەن قاندايمىن» دەگەن سۇراقتارعا جاۋاپ بەرەمىز.
- مەن ماحانبەتوۆا كۇنسۇلۋ نۇرادين قىزى قازاق ءتىلى مەن ادەبيەتى ءپانىنىڭ ءمۇعالىمى.
كەزەكپەن اتا - انالار كىمنىڭ اتا – اناسى ەكەنىن جانە كىم ەكەندەرىن جانە قانداي ەكەندەرىن ايتادى.
كىرىسپە ءسوز. ءمۇعالىم: ۇلى اباي: «ءبىر عانا قۋانىشىم بار ول - مەنىڭ بالالارىم»- دەگەن ەكەن. ءاربىر اتا - انا بالاسىنىڭ دەنساۋلىعى مىقتى، ەڭ جاقسى بولۋىن، تالاپتى بولىپ ءوسۋىن ارمان ەتەدى. مەنىڭ ويىمشا، قۇرمەتتى اتا - انالار، سونىمەن قاتار ونىڭ جاقسى ادام بولىپ ءوسۋىن ارمان ەتۋ كەرەك، ول ادامدارعا جانە قوعامعا پايدا كەلتىرىپ، «ادام» دەگەن جوعارى اتاققا يە بولىپ، بارلىق ءومىر تىرشىلىگىنىڭ سىناقتارىنان سۇرىنبەي ءوتىپ، جەتىستىكتەرگە جەتەدى.
بالانىڭ بولاشاعى ارينە مەكتەپتە العان ءبىلىمى مەن تاربيەسىنە دە بايلانىستى. سوندىقتان 6 «ا» سىنىپ وقۋشىلارىنىڭ ءىىى توقسان بويىنشا ۇلگىرىم كورسەتكىشىنە نازار اۋدارايىق.
- وقۋشىلار ۇلگىرىمىنىڭ مونيتورينگىسىن ينتەربەلسەندى تاقتادا كورسەتىلەدى.
- اتا - انانىڭ وقۋشى تابەلىمەن تانىسىپ، قول قويۋ.

«ۇلپا قار» ويىنى
- ال ەندى ءقازىر سىزدەرمەن «ۇلپا قار» ويىنىن وتكىزەمىن. قولدارىنا اق قاعازدان تاراتىپ، مەنىڭ نۇسقاۋىممەن تاپسىرمالاردى ورىندايدى. اركىم ءوز تۇسىنگەنى بويىنشا سۇراق قويماۋى كەرەك.
1. وسى قاعازدى ءبىر بۇكتەڭىز
2. جوعارعى وڭ جاق بۇرىشىن قيىڭىز
3. ءبىر بۇكتەپ استىڭعى سول جاق بۇرىشىن قيىڭىز
4. ءبىر بۇكتەپ جوعارى سول جاق بۇرىشىن قيىڭىز
5. ءبىر بۇكتەپ وڭ جاق بۇرىشىن قيىڭىز
- ال ەندى قاعازدى اشىپ نە شىققانىن بايقايىق، وسى جەردە كىمنىڭ ۇلپا قارى ەكىنشى اداممەن ۇقساس شىقتى. ۇقساماعان، بۇدان نە وي تۋادى؟
«باۋىرساق» ەرتەگىسى پسيحولوگيالىق تۇرعىدا. وي ءبولىسىپ، پىكىر الماسۋ
1 - اقيقات: وتباسى مۇشەلەرىن تولىقتىرۋ ماسەلەسىنە سانالى تۇردە كوڭىل ءبولۋ
2 – اقيقات: بالاڭىزدى ەشقاشان قاراۋسىز قالدىرماڭىز.
3 – اقيقات: بالاڭىزدى قورشاعان ورتامەن قارىم - قاتىناس جاساي بىلۋگە ۇيرەتىڭىز.
4 – اقيقات: ادامداردىڭ نيەتىن، جامان مەن جاقسىنى تاني بىلۋگە ۇيرەتىڭىز.
5 – اقيقات: بالاڭىزعا وزدىگىنەن ومىردەگى ءار ءتۇرلى كەلەڭسىز جاعدايلاردان، وقىس وقيعالاردان جول تاۋىپ شىعىپ كەتۋىنە ۇيرەتىڭىز.

توپپەن جۇمىس.
اتا - انالاردى ءۇش توپقا ءبولىپ، ءۇش تاقىرىپ بويىنشا پوستەر قورعاتۋ. «ۇلگىلى اتا - انا»، «ۇلگىلى وتباسى»، «ۇلگىلى بالا». پلاكات بەرىلىپ، وسى تاقىرىپ بويىنشا سۋرەت، سىزبا، سوزدەر قولدانۋىنا بولادى.
قورىتىندى ءسوز. ءمۇعالىم: اتا انانىڭ تىرشىلىگىندەگى كورگەن قىزىعى، جاقسىلىعىنىڭ ەڭ باعالىسى پەرزەنتى. بالانىڭ بويىندا تۋعان ءۇيدىڭ جىلۋى ونىڭ كوكىرەگىندە كوپ جىلدار بويى ساقتالىپ، ماڭگى ەسىندە بولادى. وتباسى بالا تاربيەسىنىڭ ەڭ العاشقى ۇجىمى. بالانىڭ تاربيەلى بولىپ وسۋىنە بەرەكەلى وتباسىنىڭ تيگىزەتىن اسەرى مول. قاتىسىپ وي بولىسكەندەرىڭىز ءۇشىن راحمەت!