InfoHub Logo

"وتاۋ" باعدارلاماسى 2024 جىلدىڭ 1 ناۋرىزىنداىسكە قوسىلادى. سول كۇننەن باستاپ 30 ساۋىرگە دەيىن (قوسا العاندا) قازاقستاندىقتار باسپانا ماركەت (otbasybank.kz) پورتالىندا باعدارلاماعا قاتىسۋ تۋرالى ءوتىنىش جولداي الادى. ءوتىنىش بەرۋ ۋاقىتى ماڭىزدى ەمەس.

"وتاۋ" باعدارلاماسىنا كىمدەر قاتىسا الادى؟

"وتاۋ" باعدارلاماسى – تۇرعىن ءۇي قۇرىلىس جيناق جۇيەسىنە قاتىسۋشىلار ءۇشىن باسپانا ساتىپ الۋدىڭ قوسىمشا قۇرالى. ول قازاقستاندىقتار اراسىندا ۇنەمدەۋ مادەنيەتىن نىعايتۋعا ءارى ارتتىرۋعا ارنالعان. سەبەبى، ەڭ ۇنەمشىل سالىمشىلاردىڭ تومەن پايىزدىق مولشەرلەمە بويىنشا زاەم الۋ مۇمكىندىگى بار. سونداي-اق، تۇرعىن ءۇي قۇرىلىس جيناقتارى جۇيەسىندە سالىم جيناقتاۋ بىرنەشە جىلدان كەيىن زاەم بويىنشا مولشەرلەمەنى تومەندەتۋگە مۇمكىندىك بەرەدى. بۇل مۇمكىندىك وتباسى بانك كليەنتتەرىنە "نەسيەدەنشارشاۋدى" بولدىرماۋعا كومەكتەسەدى.

- "وتاۋ" باعدارلاماسى جۇمىس ىستەيتىن جاستاردى، جاس وتباسىلاردى، وتباسى بانكىنىڭ سالىمشىلارىن تۇرعىن ۇيمەن قامتاماسىز ەتۋگە باعىتتالعان. بۇل جىل سايىن زاەمداردىڭجارتىسىنان استامى 35 جاسقا دەيىنگى قازاقستاندىقتارعا كرەديت بەرۋگە بولىنەتىنىن بىلدىرەدى. جىل سايىن ءبىز قارجىلاندىرۋعا 150 ملرد تەڭگە باعىتتايتىن بولامىز. بۇل اقشا وتباسى بانكتىڭ ءوز قاراجاتى ەسەبىنەن بولىنەتىن بولادى، سونداي-اق قازاقستاندىق قارجى نارىعىنان دا قارىز الىپ، قاراجات تارتۋدى جوسپارلاپ وتىرمىز."وتاۋ" باعدارلاماسى 7 جىلعا ەسەپتەلگەن. وسى كەزەڭدە ءبىز 50 مىڭ ازاماتتىڭ تۇرعىن ءۇي ماسەلەسىن شەشۋگە كومەكتەسەمىز، - دەپ اتاپ ءوتتى "وتباسى بانك" اق باسقارما ءتوراعاسى ءلاززات يبراگيموۆا.

ءوءتىنىم بەرۋ ۋاقىتى اياقتالعاننان كەيىن،otbasybank.kz سايتىندا قاتىسۋشىلار ءتىزىمى اۆتوماتتى تۇردە جاساقتالادى. وعان ەڭ كوپ ۇپاي جيناعاندار كىرەدى.

ۇپايلار قالاي ەسەپتەلەدى؟

- سالىم بويىنشا سىياقى مولشەرى ءۇشىن - ءاربىر 1 000 تەڭگەگە 5 بالل؛

- سالىم مەرزىمى ءۇشىن - سالىمنىڭ ءاربىر جىلى ءۇشىن 5 بالل؛

- تىركەلگەن نەكە ءۇشىن - 10 بالل؛

– بالالاردىڭ بولۋى ءۇشىن - سانىنا قاراماستان 50 بالل.

ەگەر ۇمىتكەرلەردىڭ ۇپايلارىنىڭ سانى بىردەي بولىپ قالسا، وندا باسىمدىق سالىم سوماسى كوبىرەك جانە جيناقتاۋ مەرزىمى ۇزاعىراق ادامدارعا بەرىلەدى.

ىرىكتەۋدەن وتكەن قاتىسۋشىلار 40 جۇمىس كۇنى ىشىندە نەسيەلىك ءوتىنىم بەرە الادى. بانكتەن وڭ ماقۇلداۋ العان جاعدايدا نەسيەلىك ءوتىنىم 6 اي ىشىندە جارامدى بولادى. وسى ۋاقىت ارالىعىندا باعدارلاماعا قاتىسۋشى باسپانا تاۋىپ، نەسيە الىپ، ونى ساتىپ الۋى كەرەك.

زاەم كولەمى قانداي جانە قانداي تۇرعىن ءۇي ساتىپ الۋعا بولادى؟

- الماتى مەن استاناداعى زاەمنىڭ ەڭ جوعارى سوماسى - 30 ملن تەڭگەگە دەيىن؛

- قالعان وڭىرلەردە - 18 ملن تەڭگەگە دەيىن.

- تەك العاشقى نارىقتاعى تۇرعىن ءۇي - الماتى، استانا، شىمكەنت قالالارىندا جانە وبلىس ورتالىقتارىندا (ونىڭ ىشىندە قتك كەپىلدىگىمەن ۇلەستىك قاتىسۋ شارتى بويىنشا)؛

- باسقا ەلدى مەكەندەردە كەز كەلگەن تۇرعىن ءۇي.

باعدارلاماعا قاتىسۋشى جاڭا تۇرعىن ءۇيدى باسپانا ماركەت (otbasybank.kz) پورتالىنان عانا ساتىپ الا الادى. بۇل قىزمەت جاڭا تۇرعىن ءۇي باعدارلاماسىنىڭ باستالۋى اياسىندا تۇرعىن ءۇي باعاسىنىڭ جاساندى وسۋىنە جول بەرمەۋگە ارنالعان.

ءاربىر نىسان اتالمىش پلاتفورماعا ورنالاستىرىلماستان بۇرىن، تۇرعىن ءۇيدىڭ اعىمداعى نارىقتىق باعاسى نەگىزىندە قۇنىن بەكىتۋ پروسەسىنەن وتەتىن بولادى. ەگەر ول نارىققا سايكەس كەلسە، وندا قۇرىلىس سالۋشىمەن شارشى مەتر باعاسىن بەلگىلەي وتىرىپ، تۇرعىن ءۇيدى ساتۋ تۋرالى كەلىسىم جاسالادى.

"وتاۋ" باعدارلاماسىنىڭ شارتتارى:

العاشقى جارنا - 20%-دان باستاپ؛

كرەديت بويىنشا مولشەرلەمە - جىلدىق 9% (جتسم9،2% باستاپ).

نەسيە مەرزىمى - 19 جىلعا دەيىن.

"وتاۋ" باعدارلاماسىن ىسكە اسىرۋدىڭ بارىنشا اشىقتىعى ءۇشىن ونىڭ قاتىسۋشىلارىنىڭ ءتىزىمى (زاەمالۋشىلاردىڭ كەلىسىمىمەن) وتباسى بانكىنىڭ سايتىندا جاريالاناتىن بولادى. ءاربىر ادام وتىنىمدەردى ىرىكتەۋ جانە ۇپايلاردى ەسەپتەۋ ناتيجەلەرىمەن otbasybank.kzپورتالدا تانىسا الادى.