InfoHub Logo

قازاقستانداعى وتباسى كۇنىنە وراي وتكىزگەن «وتباسى – باقىت مەكەنى» اتتى رەسپۋبليكالىق اپتالىق اياسىنداعى «وتباسى قۇندىلىعى – سارقىلماس قازىنا» تاقىرىبىنداعى اشىق شارانىڭ باعدارلاماسى

ماقساتى: وتباسى مۇشەلەرىنىڭ اراسىنداعى باۋىرمالدىق، قايىرىمدىلىق قاتىناستارىن نىعايتۋ، اتا – اناسىن سىيلاي بىلەتىن ازامات تاربيەلەۋ، وتباسى قۇندىلىقتارىن ارتتىرۋ.
كورنەكىلىگى: فوتو ستەندىلەر، دانالىق سوزدەر، بەزەندىرۋلەر، سلايد، بەينەروليكتەر.
ءى جۇرگىزۋشى: وتباسى ونەگەسىن الىپ وسكەن ۇرپاق بولاشاعىنا زور سەنىممەن قارايدى.
ءىى جۇرگىزۋشى: ادام بالاسى شىر ەتىپ دۇنيە ەسىگىن اشقاننان باستاپ سول ورتاعا بەيىمدەلىپ، ىقپالىنا كونىپ ەر جەتەدى.
ءى جۇرگىزۋشى: مىنە، بۇگىنگى مەرەكەلىك شارامىزدىڭ «وتباسى قۇندىلىعى – سارقىلماس قازىنا» دەپ اتالۋى دا ۇلكەن ماقتانىش.
ءىى جۇرگىزۋشى: بالاعا ءبىلىم، تاربيە بەرۋدە باستى تۇلعا – ۇستاز بولسا، ونى جالعاستىرۋشى، دەمەۋشى اتا – انا.
ءى جۇرگىزۋشى: ارينە، انانىڭ ىستىق ايالى الاقانى، اكەنىڭ اسقار تاۋداي بيىك تۇلعاسىن، زەردەلى وي – ماقساتىن كەيىنگى ۇرپاققا جالعاستىرۋ قانداي باقىت!
ءىى جۇرگىزۋشى: وتباسى قۇندىلىعىن ارتتىرۋ، بەرگەن تاربيەسىن بويىمىزعا دارىتۋ، جاقسى قاسيەتتەرىن ۇلگى ەتۋ پەرزەنتتىك پارىزىمىز ەمەس پە؟
ءى جۇرگىزۋشى: ءقادىرلى دە قۇرمەتتى اتا – انالارىمىز تۋرالى جۇرەكتەن شىققان مارجان جىرلارىن تارتۋ ەتىپ، ۇلانعايىر سەزىم يىرىمدەرىن ارقاۋ ەتىپ، جىرلاعان اقىن جازۋشىلارىمىز از ەمەس.
بارشاڭىزدى وتباسىلار مەرەكەسىمەن قۇتتىقتاپ، ءوز جۇرەگىنەن شىققان «وتباسىم – مەنىڭ باقىتىم» اتتى جىر تۋىندىسىن الا كەلگەن 9 سىنىپ وقۋشىسى حاليلانى سىزدەردىڭ قوشەمەتتەرىڭىزبەن ورتاعا شاقىرامىز.
(ءوز ولەڭىن وقيدى)
ءىى جۇرگىزۋشى: ال ەندى وقۋشىلار! وتباسى، اتا – انا، بالا، اتا – اجە تۋرالى ماقال – ماتەلدەردى ەسكە ءتۇسىرىپ، اركەز ولاردى قاستەرلەپ ءجۇرۋ ءۇشىن ترەنينگكە كەزەك بەرەيىك. (وقۋشىلار شەڭبەر بولىپ تۇرىپ، مۋزىكا ىرعاعىمەن سيقىرلى قوراپتى ءبىر - بىرىنە ۇسىنادى. مۋزىكا توقتاعاندا قوراپشا كىمنىڭ قولىندا قالسا سول وقۋشى وتباسى تۋرالى ماقال ايتادى.)
ءى جۇرگىزۋشى: دۇنيەدە نە تەڭ كەلەر اناعا،
تۋعان ودان باتىر، عالىم، دانا دا.
بار ءومىرىن ارنايتۇعىن بالاعا،
اتا – انانى جىرلاماققا بولا ما؟ – دەي كەلە جالىندى جىر شۋماقتارىمەن كىشكەنتاي بۇلدىرشىندەرىمىزدى ورتاعا شاقىرامىز.
(بۇلدىرشىندەر اكە، انا، اتا – اجە تۋرالى ولەڭدەر وقيدى. )
ءىى جۇرگىزۋشى: و، اتا – انام،
تايانىشىم، تىرەگىم!
بار باقىتتى ءبىر باسىڭا تىلەدىم.
ءبىزدى جاقسى بولسا ەكەن دەپ قاشاندا
لۇپىلدەيدى سەنىڭ قامقور جۇرەگىڭ.
كەزەكتى وقۋشىلارعا بەرەمىز.
(وقۋشىلار ءوز وتباسى تۋرالى پرەزەنتاسيا جاسايدى)
ءى جۇرگىزۋشى: وتباسى – شاعىن مەملەكەت، قوعامنىڭ نەگىزى بولىپ تابىلادى. ويتكەنى مەملەكەتىمىزدىڭ دامۋىنا وركەندەپ ءوسىپ – ونۋىنە ۇلەس قوساتىن بولاشاق نەگىزى ءار وتباسىنىڭ جەمىسى.
ولاي بولسا، وتباسى تۋرالى ءوز قۇندىلىقتارىمىزدى، وي – پىكىرىمىزدى «شىنىن ايتسام...» اتتى ترەنينگ ارقىلى وربىتەيىك.
مەن شىنىن ايتسام... وتباسىم – ماعان وتە قىمبات، ويتكەنى ءبىز مەيىرىمدىمىز.
مەن شىنىن ايتسام... اتا – انامدى اركەز ماقتان تۇتامىن، ويتكەنى مەن ولاردىڭ بولاشاعىمىن.
مەن شىنىن ايتسام...
بارشاڭىزدى مەرەكەمەن قۇتتىقتاپ 2 سىنىپ وقۋشىلارى بي ونەرلەرىن كورسەتەدى.
ءىى جۇرگىزۋشى: - بالالار، ەندى ءار وتباسىندا كۇن ءومىر سۇرەدى دەپ كوز الدىمىزعا ەلەستەتەيىك، وسى كۇننىڭ شۋاعى سونبەس ءۇشىن وتباسىندا قانداي جاقسى قارىم – قاتىناستار بولۋى قاجەت دەپ ويلايسىزدار؟
(بالالار كۇن شۋاقتى دوستىق مەيىرىمدىلىك، سىيلاستىق، جىلىلىق، قامقورلىق ت. ب. دەپ قۇراستىرادى)
ءى جۇرگىزۋشى: قۇرمەتتى مەرەكە قوناقتارى، ۇستازدار، وقۋشىلار! وتباسى قۇندىلىقتارىن اركەز قۇرمەتتەيىك، ءار وتباسىندا سۇيىسپەنشىلىك، تاتۋلىق، بىرلىك بولسىن!