InfoHub Logo

وتەگەننىڭ اكەسى وتەعۇل ەلۋ بەس جاسقا كەلگەندە، ازامات بولىپ، ەر جەتىپ وتىرعان ون ەكى ۇلى وبا اۋرۋىنان قايتىس بولىپتى. ون ەكى ۇلىنان بىردەي ايىرىلعان وتەعۇل كۇندىز-تۇنى جىلاۋدان كوز اشپاپتى. ءسويتىپ قان جىلاپ جۇرگەنىندە وتەعۇلدىڭ تۇسىنە ءبىر اق ساقالدى شال كىرىپ:

— ءاي، وتەعۇل، ولگەن ون ەكى ۇلىڭدى قايتا بەرەيىن بە، الدە ون ەكى ۇلعا تاتيتىن ەكى ۇل بەرەيىن بە؟ — دەيدى.

سوندا وتەعۇل:

— قويشىنىڭ ازدىعى دا، كوپتىگى دە ولىمتىك، بەرسەڭ، ون ەكى ولىكتى كويىپ، ەكى ۇلىڭدى-اق بەرشى، — دەپتى. اقساقالدى ادام:

— ەندەشە، جىلاما! ون ەكى ۇلىڭا تاتيتىن ەكى ۇل بەردىم، — دەيدى.

وتەعۇلدىڭ جاسى ەلۋ بەسكە، ايەلىنىڭ جاسى قىرىق توعىزعا كەلگەندە ايەلى جۇكتى بولىپ، ۇل تۋادى. ولگەنىمدى وتەدى دەپ، اتىن وتەگەن قويادى. وتەگەننىڭ ارتىنان تۋعان ۇلىنىڭ اتىن ولگەنىم تابىلدى دەپ، تابىلدى قويادى.

وتەگەن ەلى سۇيگەن باتىر، داڭقتى كەمەڭگەر، حالقىنىڭ قامىن ويلاعان قامقورشى بولىپتى.

---