پاۆلودارعا وزبەكستان، جۇڭگو جانە موڭعوليادان ءبىلىم الۋعا 75 تۇلەك كەلمەك
س.تورايىروۆ اتىنداعى پاۆلودار مەملەكەتتىك ۋنيۆەرسيتەتىندە بيىلعى جىلى 1 قازان كۇنى شەتەلدەن ءبىلىم الۋعا كەلگەن قازاق بالالارىنا ارنالعان دايىندىق كۋرسى باستالادى، دەپ حابارلايدى pavlodarnews.kz.
پمۋ دايىندىق فاكۋلتەتىنىڭ دەكانى ساۋلە كىسەمبايەۆانىڭ ايتۋىنشا، اتالمىش باعدارلاما ق ر ءبىلىم جانە عىلىم مينيسترلىگىنىڭ ارنايى جوسپارى بويىنشا جۇزەگە اسىرىلۋدا. بيىل مۇندا جۇڭگو، وزبەكستان جانە موڭعوليا ەلدەرىندە تۇراتىن قازاق بالالارى قابىلدانادى. دايىندىق كۋرسى 2017 جىلدىڭ شىلدە ايىنا دەيىن جالعاسادى.
«ماۋسىم ايىندا موڭعوليانىڭ بايان-ولگەي جانە قوبدا ايماقتارىندا بولىپ، سول جاقتا تۇراتىن قانداستارىمىزعا ۇگىت-ناسيحات جۇمىستارىن جۇرگىزدىك. سونىمەن قاتار، جۇڭگو جانە وزبەكستان ەلدەرىندە تۇراتىن قازاق جاستارىنا بۇرىن وسىندا وقىعان تۇلەكتەر ارقىلى شاقىرتۋ جىبەردىك. سەبەبى ول جاققا بارۋعا مۇمكىندىگىمىز بولعان جوق. ءبىر موڭعوليانىڭ وزىنەن 170-كە جۋىق بالا تىركەلگەن بولاتىن. ءبىراق بىزگە سىناقتان وتكەندەرى عانا كەلەدى. سىناقتى استاناداعى ۇلتتىق تەستىلەۋ ورتالىعىنىڭ ماماندارى الدى. وقۋ باعدارلاماسى بويىنشا ولار قازاق ءتىلى، ورىس ءتىلى، اعىلشىن ءتىلى، قازاقستان تاريحى، ماتەماتيكا پاندەرى بويىنشا دايىندالادى دا، كەلەسى جىلى كەشەندى تەستىلەۋگە قاتىسادى. ستۋدەنتتەر تەگىن جاتاقحانامەن قامتىلاتىن بولادى»، - دەيدى ساۋلە كىسەمبايەۆا.
ايتا كەتەرلىگى، بىلتىر س.تورايعىروۆ اتىنداعى پمۋ-دا دايىندىقتان وتكەن شەتەلدەن كەلگەن 25 تۇلەك ەلىمىزدىڭ جوعارى وقۋ ورىندارىنا تۇسكەن.
بيىل قازاق ەلىندە ءبىلىم العىسى كەلەتىن قازاق جاستارىنىنىڭ سانى بىلتىرعىدان ءۇش ەسەگە ارتىپ وتىر.
You Might Also Like
-
ۇلتتىق اكادەميالىق كىتاپحانا سيرەك كەزدەسەتىن كىتاپتار مەن قولجازبالاردىڭ ىشىنەن ەڭ قۇندىلارىن جۇرت نازارىنا شىعاردى. ق ر ۇلتتىق اكادەميالىق كىتاپحانا قۇندىلىقتارىمەن رەسەي، گرۋزيا، ازەربايجان...
-
وقو-داعى تولەبي اۋدانىندا ءۇش مەكتەپتى اتا-انالار ءوز قارجىلارىمەن جوندەۋدە.
