پاۆلودارلىق جاس سۋرەتشىلەردىڭ ەڭبەكتەرى ۋكراينا ماركالارىندا شىقتى
ۋكراينا پوشتاسى «دوستىق ماركاسى» حالىقارالىق سۋرەتتەر بايقاۋىنىڭ جەڭىمپازدارىنىڭ جۇمىستارىمەن كوركەم پوشتا ماركالارىن شىعاردى، ونىڭ ىشىندە پاۆلودارلىق جاس سۋرەتشىلەردىڭ سۋرەتتەرى دە بار، دەپ حابارلادى «قازاقپارات» حاا ءتىلشىسى.
بايقاۋ ۋكرايناداعى حەرسون قالاسىندا ءوتتى. وعان الەمنىڭ 15 ەلىنەن ءۇش مىڭعا جۋىق بالا قاتىستى. ءبىلىم بەرۋ باسقارماسى ءبولىمىنىڭ باس مامانى بالجان ءادىلحانوۆانىڭ ايتۋىنشا، پاۆلودار №2 كوركەمونەر مەكتەبىنىڭ بالالارى بايقاۋعا 35 سۋرەت سالىپ جىبەرگەن. سۋرەتتەر گۋاش، اكۆارەل، فلوماستەر جانە ارالاس تەحنيكا قولدانىلىپ سالىنعان. بۇل قازاقستاننىڭ پەيزاجدارى، ناتيۋرمورتتار، مەرەكەلەر، قازاق حالقىنىڭ داستۇرلەرى، ەرتەگى سيۋجەتتەرى.
حالىقارالىق ءادىل قازىلار بايقاۋدا 156 لاۋرەاتتى ىرىكتەدى، ولاردىڭ ىشىندە پاۆلودار قالاسى №2 كوركەمونەر مەكتەبىنىڭ ءۇش وقۋشىسى بار. ولار 8 جاسار ءابىلحان ءابىلقاسىموۆ، 13 جاستاعى زارينا ءابدىراحمانوۆا، 14 جاستاعى دانييل يۋمينوۆ. ولاردىڭ سۋرەتتەرى ۋكراينانىڭ پوشتا ماركالارىنا ورنالاستىرىلدى.
دەرەككوز: inform.kz
You Might Also Like
-
ەلباسى نۇرسۇلتان نازاربايەۆ ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتى قابىلدادى.
-
شىمكەنتتىكتەر ورىس ءتىلدى مەكتەپتەردىڭ تاپشىلىعىن ايتىپ، شاعىمدانۋدا دەپ حابارلايدى "وتىرار" تەلەارناسى.
