شىمكەنت تۇرعىندارى قالادا ورىس مەكتەپتەرىنىڭ ازايىپ كەتكەنىنە الاڭداپ وتىر
شىمكەنتتىكتەر ورىس ءتىلدى مەكتەپتەردىڭ تاپشىلىعىن ايتىپ، شاعىمدانۋدا دەپ حابارلايدى "وتىرار" تەلەارناسى.
جاڭا شاعىناۋدانعا قونىس اۋىستىرعان تۇرعىندار بالالارىن ورىسشا وقىتۋ ءۇشىن 5 شاقىرىم جەردەگى مەكتەپكە تاسۋعا ءماجبۇر بولىپ وتىر. بىرنەشە اۋىسىممەن وقيتىن بالالارىن ساباققا اپارىپ، الىپ كەتۋ ولار ءۇشىن بەينەتكە اينالعان.
جاقىن ماڭداعى مەكتەپتەر تەك قازاق تىلىندە بولعاندىقتان، ولاردىڭ بالالارى بىرنەشە اۆتوبۋسقا ءمىنىپ قانا مەكتەپكە بارىپ جۇرگەن كورىنەدى.
ال جوعارى سىنىپ وقۋشىلارى وزدەرى قاتىنايدى. بار قيىندىق ۇيىندە بىرنەشە باستاۋىش سىنىپ وقۋشىلارى بار اتا-انالارعا ءتۇسىپ وتىر. ماسەلەن، ولەسيانىڭ اتا-اناسى بۇل پروبلەما شەشىلمەسە، وتباسى قونىس اۋدارۋعا ءماجبۇر بولاتىنىن ايتىپ وتىر.
«مەن نۇر وتانعا شاعىمدانىپ، ەدىم كومەكتەسە المايمىز دەپ وتىر. ءبىر ەمەس، ءۇش نەمەرەم بار، ەكەۋى تۇسكە دەيىن، ءبىرى - تۇستەن كەيىن وقيدى. ولاردى مەكتەپكە تاسۋ قيىنعا سوعىپ وتىر. جاڭا شاعىناۋداندا ورىسشا وقىتاتىن مەكتەپ اشۋ مۇمكىن ەمەس دەگەنگە تاڭ قالۋدامىز»، - دەيدى ولەسيانىڭ اناسى تاتيانا وگوركينا.
قالالىق ءبىلىم ءبولىمىنىڭ باسشىلارى بۇعان قاتىستى قولدان كەلەر دارمەن جوق دەپ وتىر. «ءنۇرسات» شاعىناۋدانىندا مەكتەپتىڭ تاپشىلىعى بارى راس دەپ وتىر ولار. ولاردىڭ ايتۋىنشا، تاعى ءبىر مەكتەپتىڭ قۇرىلىسى جوسپاردا جوق، سوندىقتان بالالارعا قاتىنايتىن اۆتوبۋس بەرۋ مۇمكىندىگىن قاراستىرۋ عانا قولدان كەلەدى.
شاعىناۋدان تۇرعىندارى اۆتوبۋس بەرىلسە دە قارسى ەمەس. ولاردىڭ سۇراپ وتىرعانى - ماسەلەنى قىسقا دەيىن شەشۋ.
دەرەككوز: nur.kz
You Might Also Like
-
ۋكراينا پوشتاسى «دوستىق ماركاسى» حالىقارالىق سۋرەتتەر بايقاۋىنىڭ جەڭىمپازدارىنىڭ جۇمىستارىمەن كوركەم پوشتا ماركالارىن شىعاردى، ونىڭ ىشىندە پاۆلودارلىق جاس سۋرەتشىلەردىڭ سۋرەتتەرى دە بار...
-
وبلىستىق عىلىمي جوبا جارىسىنان جۇلدەلى ورىن العان وقۋشىنىڭ عىلىمي جوبا جۇمىسى استانا قالاسىنداعى ىرىكتەۋ كەزەڭىنە جولداناتىندىعى، سول جۇمىستىڭ كومپيۋتەردە تەرىلۋى كەرەكتىگى جايلى حابار كەلگەندە، بۇ...
