InfoHub Logo

پەداگوگتارعا ارنالعان «تانىس بولايىق» پسيحولوگيالىق ترەنينگى
ماقسات:
1. قاتىسۋشىلاردىڭ ءبىر - ءبىرىن جاقسى تانىپ - ءبىلۋى.
2. قاتىسۋشىلاردىڭ شىعارماشىلىق، كاسىبي جانە جەكە تۇلعالىق جاعىنان اشىلۋى.
مىندەتتەرى:
1. قاتىسۋشىلاردىڭ ءبىر - ءبىرىن جاقىنىراق بىلۋگە كومەكتەسۋى.
2. مازاسىزدانۋدى تومەندەتۋ.
3. ءوزارا ءىس - ارەكەت ارقىلى توپتاستىققا، بىرلىككە باۋلۋ.

ساباق جوسپارى:
1. سالەمدەسۋ. «شەڭبەر بويىمەن جالعاسقان ەسىم»
2. سەرگىتۋ جاتتىعۋى «ورىن اۋىستىرايىق»
3. قابىلدانعان توپ ەرەجەسى
4. شىعارماشىلىق جۇمىس – تانىستىرۋ - بەيدجيك دايىنداۋ
5. باسىبايلىقتان بوساتۋ ويىنى - «قوزعالىستاعى ەسىم»
6. توپقا ءبولىنۋ (پازل جيناۋ ارقىلى)
7. شىعارماشىلىق جۇمىس «توپ ۇرانى»
8. دراماتيزاسيا – جاتتىعۋى «كينوفيلم»
9. باسىبايلىقتان بوساتۋ ويىنى - «حور»
10. رەلاكساسيا «الاقانداعى گۇل»
11. شىعارماشىلىق جۇمىس «عاجايىپ باقشا» (كوللاج جاساۋ)
12. باسىبايلىقتان بوساتۋ ويىنى - «قول تيگىز»
13. رەفلەكسيا «كەرى بايلانىس قالتاسى»
14. قوشتاسۋ «ءبىز دوستارعا باقىت، قۋانىش، مەيىرىم.... تىلەيمىز».

ءوتىلۋ بارىسى:
جۇرگىزۋشى:
ترەنينگ – ومىردە ءبىز كۇتپەگەن عاجايىپ جاعدايلار بولسا، ءوزىمىزدى كورسەتۋگە قورىقپاساق، ءبىر - بىرىمىزبەن ىنتىماقتاسا جۇمىس جاساۋ جولدارىن تابا بىلسەك جانە تۋىنداعان پروبلەمالاردى شەشە بىلسەك، وسىنىڭ ءبارى ءبىزدىڭ قالاۋىمىزدىڭ باستاۋى.

1. سالەمدەسۋ. «شەڭبەر بويىمەن جالعاسقان ەسىم»
قاتىسۋشىلار شەڭبەردە تۇرىپ، ءبىر - بىرلەرىنە دوپتى بەرە وتىرىپ، وزدەرىنىڭ ەسىمىن جانە وزدەرىنىڭ قىزىعۋشىلىق ءىس - ارەكەتىن ايتادى.

2. «ورىن اۋىستىرايىق» سەرگىتۋ جاتتىعۋى.
بۇل ويىن قوزعالىسقا، كوڭىل - كۇيدى كوتەرۋگە جانە دە ءبىرىن - ءبىرى تۋرالى كوبىرەك اقپارات الۋعا كومەكتەسەدى.
ورىن اۋىستىرادى::
* شالبار كيۋدى ۇناتاتىندار ورىن اۋىستىرامىز؛
* الما جاقسى كورەتىندەر ورىن اۋىستىرامىز؛
* ساعات تاعاتىندار ورىن اۋىستىرامىز؛
* گيتارادا ويناي بىلەتىندەر؛
* دومبىرادا ويناي بىلەتىندەر؛
* تۇرىك كينوسىن قارايتىندار؛
* قالجىڭدى سۇيەتىندەر.
ويىن تۇسىنىكتى بولعاننان كەيىن، ويىن شارتى كۇردەلەنەدى. ەندى قاتىسۋشىلاردىڭ كاسىبي ءىس - ارەكەتتەر ەرەكشەلىكتەرىنە قاتىستى بولادى.
مىسالى، ورىن اۋىستىرامىز:
* ءبىر مەكەمەدە 5 جىل جۇمىس جاساعاندار؛
* ءدال ءقازىر جاڭا باعدارلامامەن جۇمىس جاساپ جاتقاندار؛
* ءوزىنىڭ ءپانىن جانە جۇمىسىن جاقسى كورەتىندەر؛
* پەداگوگيكالىق وتىلىمىنە 10 جىل تولعاندار؛
* بالا كەزىنەن ءمۇعالىم بولۋدى ارمانداعاندار؛
* بايقاۋ جۇلدەگەرلەرى؛
* زەرتتەۋ جۇمىسىمەن اينالىسۋشىلار.
ويىن سوڭىندا كىم، كىمدەردى نەسىمەن ەستەرىندە ساقتاپ قالدى وي بولىسەيىك.

3. توپتىڭ ەرەجە قابىلداۋى:
جۇرگىزۋشى تانىسىپ بولعاننان كەيىن، توپتىڭ ەرەجەسىن قابىلداۋىن سۇرايدى، ەگەر قاتىسۋشىلار كەلىسكەن بولسا، الاقاندارىن سوعادى، ەگەر كەلىسپەسە – اياقتارىن توپىلداتادى.

* اشىق قاتىناستا بولۋ
* بەلسەندىلىك جانە قالجىڭ
* باعاسىز پىكىر
* ەرىكتى قاتىناسۋ
* وسى كۇنى جانە ءقازىر

4. شىعارماشىلىق جۇمىس – تانىستىرۋ - بەيدجيك دايىنداۋ
ترەنينگكە قاتىسۋشىلارعا فلوماستەر، كارانداشتاردى قولدانا وتىرىپ، وزدەرىنىڭ ترەنينگتىك ەسىمدەرىن جازىپدەرەكتەمە كارتوچكاسىن جاساۋ ۇسىنىلادى.

5. باسىبايلىقتان بوساتۋ ويىنى - «قوزعالىستاعى ەسىم»
قاتىسۋشىلار شەڭبەرگە تۇرىپ، ءارقايسىسى كەزەكپەن وزدەرىنىڭ ترەنينگتىك ەسىمدەرىن ايتادى دا، ءوزىنىڭ مىنەزىنە سايكەس كەلەتىن قاراپايىم ءبىر قيمىلدى كورسەتەدى. بارلىعى كەزەكپەن وزدەرىن تانىستىرادى.

6. توپقا ءبولىنۋ (پازل جيناۋ ارقىلى) (3 توپ)
جۇرگىزۋشى قاتىسۋشىلارعا پازلدى تاراتادى، ولار توپتاسىپ پازلدى قۇراستىرىپ، 3 كومانداعا بولىنەدى.

7. شىعارماشىلىق جۇمىس «توپ ۇرانى»
توپ مۇشەلەرى ءوز ۇراندارىن ويلاپ تابادى.

8. دراماتيزاسيا – جاتتىعۋى «كينوفيلم»
قاتىسۋشىلارعا «شالقان» ەرتەگىسىن ساحنالاۋ بەرىلەدى:
1. امەريكالىق – قالجىڭ مەن قورقىنىش ءفيلمى
2. فرانسۋزدىق – رومانتيكالىق كومەديا.
3. يتالياندىق – مافيالىق جانە شىتىرمان وقيعالى.
15 مينۋت دايىندىق جانە 5 مينۋتتىق قويىلىم.
تالداۋ: ءوزارا بىرلەسۋ تيىمدىلىگى. بارلىعى دا جۇزەگە استى ما؟
كىم ءوزىنىڭ وتە قاجەتتىلىگىن سەزىندى؟ كىم شەتتەۋ قالۋعا تىرىستى؟

9. باسىبايلىقتان بوساتۋ ويىنى - حور»
«ۆ لەسۋ روديلاس ەلوچكا» ءانىن تاپسىرما بويىنشا ورىندايدى. (توپتار ەكى تاپسىرمادان الادى)
* افريكاندىق ابوريگەندەر؛
* ينديالىق يوگالار؛
* كاۆكازدىق گورستار؛
* بۇعى ءوسىرۋشى چۋكوتتار؛
* ۇندىستەر تايپاسى؛
* اعىلشىن دجەنتەلمەندەرى
جاتتىعۋ كوڭىلدى، قىسىم بولماي، قاتىسۋشىلار باسىبايلى بوساڭسيدى.

10. رەلاكساسيا «الاقانداعى گۇل»
بارلىق قاتىسۋشىلارعا جايلانىپ، ەركىن وتىرۋلارى سۇرالادى. كوزدەرىن جۇمىپ، وزدەرىنىڭ جاسىل شالعىندا ەكەندىگىن ەلەستەتەدى. (مۋزىكا وينالادى)
جۇرگىزۋشى: «جاسىل شالعىندى، مەيىرىمدى دە جىلى كۇندى، قۇستاردىڭ ءان سالعانىن، سۋ سىلدىرىن ەلەستەتىڭىز. وسى كەزدە كىشكەنتاي، سۇيكىمدى، مومىن جانە باقىتتى بالا پايدا بولادى جانە ول ەشقانداي قايعىنىڭ، سەنىمسىزدىك، كوڭىلسىزدىكتىڭ نە ەكەنىن بىلمەيدى. بۇل ءسىزدىڭ بالا كەزىڭىز، ءوزىڭىزدى تانىدىڭىز با؟ بالا سىزگە قول سوزۋدا، ول سونداي سەنگىش جانە مەيىرىمدى، وعان سىزدە سولاي جاۋاپ بەرەسىز. قۋانعىڭىز، كۇلگىڭىز كەلەدى، ومىردەگى بارلىق قيىندىقتى ۇمىتقىڭىز كەلەدى، ءوزىڭىزدى سەنىمدى دە، باقىتتى سەزىنگىڭىز كەلەدى. ءسىز بالانى قولىڭىزعا الىپ، ول ءسىزدىڭ الاقانىڭىزدا گۇلگە اينالادى، ول بالالىق شاقتاعى ادەمى گۇل، ونى ءسىز ءومىر بويى وزىڭىزبەن بىرگە الىپ كەلەسىز. ول بىرەۋلەردىڭ وي تۇڭعيعىندا، بىرەۋلەر ونى ۇنەمى تۇسىندە كورەدى، بىرەۋلەردە ول قاراپايىم بەلگىسىز گۇل بولسا، ال ەندى بىرەۋلەردە اشىق، قارقىندى، ەستە قالارلىقتاي. ولاردىڭ ءبارى ادەمى، ول ءبىزدىڭ بالالىق شاق. ەگەر سىزگە اۋىر بولسا، قانداي دا ءبىر سۇراققا جاۋاپ تابا الماساڭىز، سابيلەردى ەسكە الىڭىز، بالالىق شاعىڭىزدا الاقانىڭىزعا گۇل سىيلاعان، ءبىزدىڭ ءوزىمىزدى كىشكەنتاي، مومىن، باقىتتى بالا رەتىندە سەزىنۋ كومەكتەسەدى دەپ سەنەمىن. كوزدەرىڭىزدى اشىڭىزدار. قايتاتىن ۋاقىت بولدى.»

11. شىعارماشىلىق جۇمىس «عاجايىپ باقشا» (كوللاج جاساۋ)
قاتىسۋشىلار شەڭبەردە وتىرادى. جۇرگىزۋشى: الداعى جاتتىعۋدا بالالىق كەزدەگى الاقانداعى گۇلدى قالاي ەلەستەتكەندەرىن ەسكە تۇسىرۋلەرىن سۇرايدى. ول قانداي، جاپىراقتارى قانداي؟ بيىك پە، الدە الاسا ما؟ اشىق پا، الدە ونشا ەمەس پە؟ ال، ءقازىر، سول ەلەستەتكەن گۇلدەرىڭىزدى سالىپ، جاپىراقتارىنا ەڭ باستى باقىتتى بولۋ جولدارىن جازىڭىز. بارلىقتارىنا فلوماستەر، قارىنداش، جەلىم تاراتىلادى.
ودان كەيىن قاتىسۋشىلار گۇلدەرىن قيىپ، شەڭبەرگە وتىرادى. جۇرگىزۋشى ورتاعا قانداي دا ءبىر اشىق ءتۇستى ماتانى (بولماسا ۆاتمان مەن جەلىم قولدانۋعا بولادى) جايادى. ءاربىر قاتىسۋشىعا تۇيرەۋىش تاراتىلادى. ماتا باقشانىڭ الاڭقايى بولادى، سوعان گۇلدەردى وتىرعىزۋ قاجەت. بارلىق قاتىسۋشىلار كەزەكپەن گۇلدەرىن ورنالىستىرادى.
تالداۋ: مىنا «عاجايىپ باقشانى» تاماشالاۋلارى سۇرالادى. وزدەرىنىڭ اسەرلەرى تۋرالى بولىسەدى.
ءارقايسىنىڭ گۇلدەرى ءار ءتۇرلى. بۇل گۇلدەردىڭ بارىنە كۇن مەن كۇتىم كەرەك. بۇل الاڭقاي پەداگوگتاردىڭ ءارقاشاندا جانى گۇلگە تولى ەكەندىگىنىڭ بەلگىسىن بىلدىرەدى.
جاتتىعۋدىڭ پسيحولوگيالىق ماعىناسى: ىشكى قوبالجۋدان ارىلۋ، سەزىنە بىلۋگە ۇيرەنۋ، وزىندىك باعالاۋدى نىعايتۋ جانە وزىنە دەگەن سەنىمدىلىك. جاتتىعۋ ءوزىن سەزىنىپ، تۇسىنۋگە وزىمەن – ءوزى بولۋعا، ءوزىنىڭ ويىن ەركىن ايتۋعا جانە ءوزىن الەمنىڭ ءبىر بولشەگى ەكەندىگىن سەزىنۋگە مۇمكىندىك بەرەدى.

12. باسىبايلىقتان بوساتۋ ويىنى - «قول تيگىز»
جۇرگىزۋشى: «سارىعا دەيىن عانا قول تيگىز!» اتتى جاتتىعۋدى باستاماس بۇرىن، شارتىن تىڭداپ الامىز.
قاتىسۋشىلارعا بولمە ىشىندەگى جانە كيىمدەگى سارى تۇسكە قول تيگىزۋى كەرەك. تاپسىرما: ول قاي جەردە ورنالاسسا دا، قانداي بولسا دا قول تيگىزۋ قاجەت. ويىن كوڭىلدى جانە شاپشاڭ ءوتۋى كەرەك.
13. رەفلەكسيا «كەرى بايلانىس قالتاسى»
پسيحولوگ بارلىقتارىنا تىلەكتەرىن، قوبالجۋىن، كوڭىلى تولعان، تولماعانىن، «پوزيتيۆ (اقيقات)»، «جاعىمسىز» قالتاسىنا جازعاندارىن سالۋلارى ۇسىنىلادى. «جاعىمسىز» قالتاسى كوپتىڭ قوشەمەتىمەن سول جەردە قۇرتىلادى، ال «پوزيتيۆ (اقيقات)» قالتاسى ەموسيونالدىق قولداۋ ارقىلى كورنەكتى جەرگە قويىلادى. سوڭىندا پەداگوگتار وزدەرىنىڭ قالاۋلارىمەن جازعاندارى بويىنشا وي بولىسەدى.

14. قوشتاسۋ «ءبىز دوستارعا باقىت، قۋانىش، مەيىرىم.... تىلەيمىز.»
پسيحولوگ ساباقتى قورىتىندىلاۋ ءۇشىن، بارلىق ترەنينگ قاتىسۋشىلاردى شەڭبەرگە تۇرعىزىپ، ءوز تىلەكتەرىن ءبىلدىرۋ ءۇشىن «قوشەمەت ءسوز» ويىنىنا شاقىرادى. قاتىسۋشىلار ءبىر - بىرىنە كەزەكپەن اق تىلەكتەرىن بىلدىرەدى. سوڭعى قاتىسۋشى ايتقاننان كەيىن بارلىعى قوسىلىپ «ءبىز دوستارعا تىلەيمىز» سوزىمەن اياقتايدى. پسيحولوگ بارلىقتارىنا ساتتىلىك پەن كوتەرىڭكى كوڭىل - كۇي تىلەيدى.