پرەزيدەنت ۇكىمەتكە ەلىمىزدىڭ مەكتەپتەرىندە ۇزدىكسىز ينتەرنەتتى قامتاماسىز ەتۋدى تاپسىردى
بۇگىن پارلامەنتتىڭ VI شاقىرىلىمىنىڭ ءبىرىنشى سەسسياسىنىڭ اشىلۋىنا ارنالعان ق ر پارلامەنتى پالاتالارىنىڭ بىرلەسكەن وتىرىسىندا ەلباسى نۇرسۇلتان نازاربايەۆ ۇكىمەتكە ەلىمىزدىڭ بارلىق مەكتەپتەرىندە ۇزدىكسىز ينتەرنەتتى قامتاماسىز ەتۋدى تاپسىردى.
عالىمداردىڭ بولجامىنا قاراعاندا، 2020 جىلعا قاراي جەر حالقىنىڭ ەلۋ پايىزىن ساندىق تەحنولوگيالاردى مەڭگەرگەن بالالار قۇرايتىنىنا توقتالعان ن. نازاربايەۆ، «مەكتەپ وقۋشىلارىنىڭ جاڭا تولقىنىنا تولىقتاي ساندىق تەحنولوگيالار الەمىندە ءومىر سۇرۋگە، ءبىلىم الۋعا، cونداي-اق جۇمىس ىستەۋگە تۋرا كەلەدى. سوندىقتان مەكتەپتەردى اقپارانتتاندىرۋدى جالعاستىرۋ قاجەت. ونسىز ءبىلىم بەرۋ سالاسىندا جاڭا ماقساتتاردى شەشۋ مۇمكىن ەمەس. ەكى جارىم مىڭ مەكتەپ ينتەرنەتكە قوسىلعان، قوسىمشا تاعى دا 1،5 مىڭ مەكتەپتى قوسۋعا قارجى ءبولىندى. ۇكىمەتكە اكىمدىكتەرمەن بىرلەسە بارلىق مەكتەپتەردە ينتەرنەتتىڭ ۇزدىكسىز جۇمىس ىستەۋىن قامتاماسىز ەتۋدى تاپسىرامىن»، - دەدى.
بۇل رەتتە پرەزيدەنت ۇلتتىق وپەراتورلار الەۋمەتتىك جاۋاپكەرشىلىك تانىتىپ، مەكتەپتەرگە ارنايى تاريفتەر ۇسىنۋى كەرەكتىگىن اتاپ ءوتتى.
You Might Also Like
-
2020 جىلعا قاراي 12 جىلدىق وقىتۋعا تولىقتاي كوشۋ قامتاماسىز ەتىلەدى. بۇگىن پارلامەنتتىڭ VI شاقىرىلىمىنىڭ ءبىرىنشى سەسسياسىنىڭ اشىلۋىنا ارنالعان ق ر پارلامەنتى پالاتالارىنىڭ بىرلەسكەن وتىرىسىندا ەلباس...
-
قازاقستان مەكتەپتەرىن 5 كۇندىك وقىتۋ جۇيەسىنە كوشىرۋگە 3-4 جىل كەتەدى. بۇل تۋرالى بۇگىن ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
