اقمولا وبلىسىنىڭ بەس مەكتەبىندە اعىلشىن ءتىلىن ەرتە وقىتۋ باستالدى
«ۇلت جوسپارىنىڭ» 79-شى قادامىن ىسكە اسىرۋ اياسىندا اقمولا وبلىسىندا ايماقتىڭ ءتورت مەكتەبىندە اعىلشىن ءتىلىن ەرتە وقۋ بويىنشا ەكسپەريمەنت باستالدى. بۇل - بۋراباي اۋدانىنداعى ششۋچينسك قالاسىنىڭ №1 مەكتەپ-گيمنازياسى، اتباسار اۋدانىنىڭ اتباسار قالاسىنداعى №5 مەكتەپ، كوكشەتاۋ قالاسىنىڭ №3 ورتا مەكتەبى، ستەپنوگور قالاسىنىڭ №6 مەكتەپ-گيمنازياسى.
كوكشەتاۋ قالاسىندا م.عابدۋللين اتىنداعى №3 مەكتەپ-گيمنازياسىندا بىرنەشە تىلدە وقىتۋ ىسكە اسىرىلۋدا، مۇندا 7 سىنىپتان باستاپ الگەبرا جانە بيولوگيا پاندەرى اعىلشىن تىلىندە وقىتىلۋدا.
بىرنەشە تىلدە وقىتۋ كوكشەتاۋ قالاسىنداعى «قازاق-تۇرىك ليسەيى» دارىندى بالالارعا ارنالعان №1 مامانداندىرىلعان مەكتەپ-ينتەرناتىندا دا ىسكە اسىرىلۋدا. وقىتۋ باعدارلاماسى 7 سىنىپتان باستاپ بەس تىلدە ءبىلىم بەرۋدى قاراستىرىپ وتىر.
قازاق-تۇرىك ليسەيىندە اعىلشىن تىلىندە وقىتۋدىڭ كادرلىق ماسەلەلەرىن «KATEV» حالىقارالىق ءبىلىم بەرۋ قورى شەشىپ وتىرعانىن اتاپ وتەيىك.
You Might Also Like
-
بۇگىن پارلامەنتتىڭ VI شاقىرىلىمىنىڭ ءبىرىنشى سەسسياسىنىڭ اشىلۋىنا ارنالعان ق ر پارلامەنتى پالاتالارىنىڭ بىرلەسكەن وتىرىسىندا ەلباسى نۇرسۇلتان نازاربايەۆ ءبىلىم جانە عىلىم مينيسترلىگىنە مەكتەپتەردە بەس ...
