قانت الىناتىن اعاش
ءبىزدىڭ تۇسىنىگىمىزشە قانت — قانت قىزىلشاسىنان نەمەسە قانت قامىسىنان الىناتىنى بەلگىلى. ال، اعاشتان قانت جاسالاتىنى بىزگە ونشا تانىس ەمەس. ول قانداي اعاش، قايدا وسەدى، قانت قالاي الىنادى جانە ت.ب.؟ عالىمدار ۇيەڭكىنىڭ 150-دەن استام ءتۇرى بار دەپ ەسەپتەيدى. سولاردىڭ ىشىندە قانت ۇيەڭكىسى دەگەن ءتۇرى سولتۇستىك امەريكانىڭ شىعىس بولىگىندە وسەدى. ۇيەڭكىلەردىڭ ىشىندەگى ەڭ بيىگى (بيىكتىگى 40 م). بۇل ۇيەڭكىنىڭ جاپىراعى كانادالىقتاردىڭ ۇلتتىق ءرامىزى (سيمۆولى) بولىپ سانالادى. ول سول ەلدىڭ تۋىندا، سپورتشىلارىنىڭ كيىمدەرىندە بەينەلەنگەن. قانت ۇيەڭكىسى (كلەن ساحارنىي) ەڭ العاش امەريكانى مەكەندەيتىن بايىرعى تۇرعىن حالىقتار (ابوريگەندەر) مەن امەريكاعا قونىستانا باستاعان اق ناسىلدەرگە قانت كوزى بولعان. قانت ۇيەڭكىسىنەن قانت، سىرا، سيروپ (جەمىس سۋى) الۋ ءوندىرسى كانادادا XIX عاسىردا دامىدى. ۇيەڭكىنىڭ دىڭىندە شىرىن اقپان-ناۋرىز ايلارىندا وتە قارقىندى قوزعالادى. قانت ۇيەڭكىسىنىڭ ءدىڭىنىڭ جۋاندىعى 1،5 مەترگە جەتەدى. ءبىر اعاشتان اعىزىپ الىنعان شىرىننان 2-4 كگ دەيىن قانت جاسايدى. شىرىننىڭ قۇرامىندا 20%-عا دەيىن قانت بولادى. شىرىندى تەمىردەن جاسالعان شەلەككە نەمەسە كۇبىگە اعىزىپ الادى. الىنعان شىرىندى قايناتىپ قانت دايىندايدى. كانادا مەن امەريكا قۇراما شتاتىندا ۇيەڭكى شىرىنىنان جىلىنا شامامەن 4000 توننا قانت دايىندايدى.
وقۋعا كەڭەس بەرەمىز:
شەكەر تاريحى
قانت جانە ونىڭ پايداسى مەن زيانى
You Might Also Like
-
وزون قاباتى اباتى اتموسفەراداعى ەڭ جەڭىل جانە ەڭ جۇقا قابات بولىپ تابىلادى جانە وزوننىڭ سالىستىرمالى كونسەنتراسياسىن (0،001% دەيىن) قامتيدى. وزون قاباتى ءبىزدىڭ پلانەتامىزدى جەردەگى تىرشىلىككە...
-
بارلىق ادامدار مەزگىل-مەزگىل الاڭداۋشىلىق سەزىمىن سەزىنەدى. مىسالى، جاقىن ادامىڭىزبەن ۇرىسىپ قالعاندا نەمەسە ەمتيحان تاپسىرار الدىندا قوبالجۋىڭىز مۇمكىن. مازاسىزدىقتىڭ ءوزى وتە جاعىمدى ەموسيا ەمەس، ...
