قارا شاڭىراق - قازۇۋ
بولاشاق ءبىزدىڭ كىم جانە قالاي ءومىر سۇرەتىنىمىزدىڭ كەپىلى. الايدا، دۇرىس العا ۇمتىلۋ ءۇشىن ەڭ الدىمەن باعىت قاجەت. ءبىزدىڭ بولاشاققا قادام باسۋداعى ەڭ باستى ماقساتىمىز ءبىلىمدى، جان-جاقتى دامىعان تۇلعا بولىپ قالىپتاسۋ. ءبىلىم -وشپەيتىن شىراق. ساعات سايىن جاڭارىپ جاتقان زاماندا ءبىلىم ساپاسىنىڭ الار ورنى ەرەكشە. وسى جولدا تەك ەلىمىزدە عانا ەمەس، الەمدىك ارەنادا ءوزىن تانىتا بىلگەن ەرەكشە ءبىلىم ورداسى – ءال-فارابي اتىنداعى قازۇۋ. ءىرى تۇلعالارمەن قاتار قازىردە مانسابى ورگە دومالاعان بىلىكتى مامانداردا ءدال وسى ءال-فارابي اتىنداعى قازۇۋ تۇلەكتەرى ەكەندىگى كەز-كەلگەن جاس بۋىندى قۋانتارى ءسوزسىز. سەبەبى، ءاربىر ستۋدەنتتىڭ، ءاربىر جاس بۋىننىڭ ارمانى ءوز ەلىنىڭ دامۋىنا ۇلەس قوسا الاتىن بىلىكتى مامان، بەتكە ۇستار تۇلعا بولىپ قالىپتاسۋ.
بۇگىندە ءبىلىم ورداسىنىڭ باعىندىرعان شىڭدارى جەتەرلىك. Quacquarelli Symonds (QS) بەدەلدى حالىقارالىق رەيتينگتىك اگەنتتىگى جۇرگىزگەن تاۋەلسىز باعالاۋ قورىتىندىسى بويىنشا ءال-فارابي اتىنداعى قازاق ۇلتتىق ۋنيۆەرسيتەتى جوعارى باعا الىپ، «QS Stars Rating System» حالىقارالىق رەيتينگىسىندە «بەس جۇلدىز» جوعارى ماراپاتىنا يە بولدى. قازۇۋ – «بەس جۇلدىز» ماراپاتىنا يە بولعان ورتالىق ازيا ايماعىنداعى العاشقى جانە جالعىز جوعارى وقۋ ورنى.
شىعىس ەۋروپا جانە ورتالىق ازيا ەلدەرى بويىنشا QS World University Rankings (QS World University Rankings EECA 2020) رەيتينگىندە قازۇۋ 16-ورىندى يەلەندى. بريتاندىق "Times Higher Education" اگەنتتىگىنىڭ زەرتتەۋ ناتيجەلەرى بويىنشا قازۇۋ 1001-1200 پوزيسياسىن ساقتاپ قالدى، Asia University Rankings رەيتينگىندە 401-500 - ورىن، THE Emerging Economies rankings-351-400-ورىن، the Impact Rankings رەيتينگىندە-801-1000 ورىندى يەلەندى.
ەڭ ەكولوگيالىق ۋنيۆەرسيتەتتەردىڭ "UI Green Metric Ranking of World Universities" جاھاندىق رەيتينگىندە ۋنيۆەرسيتەت 212ء-شى ورىنعا يە بولدى.
ءال-فارابي اتىنداعى قازۇۋ قۇرامىنا 16-فاكۋلتەت، 32- زەرتتەۋ عىلىمي ينستيتۋتى كىرەتىن ءبىلىم ورداسىندا بارلىق قاجەتتىلىكتەر قامتاماسىز ەتىلگەن. قازىردە قازۇۋ اۋماعى قالا ىشىندەگى عاجايىپ قالاشىق. ستۋدەنتتىك ءومىردىڭ قىزىعىن سەزىندىرۋ ماقساتىندا ءاربىر ستۋدەنت ءوز قابىلەتىن كورسەتىپ، دامۋ ءۇشىن ءتۇرلى ۇيىمدار قۇرىلعان. ستۋدەنتتەر بىرلەسە ءارتۇرلى ءىس-شارالار ۇيىمداستىرىپ، ءتىپتى ەلىمىزگە پايداسى تيەتىن باستامالاردى دا قولعا الۋدا.
ءومىر ءسۇر، ۇيرەن، ىسكە اسىر- ءال-فارابي اتىنداعى قازۇۋ ۇرانى وسى. ءيا، وسى جولدا جاستاردىڭ ءبىلىم الۋ جولىندا كاسىبي وقىتۋشىلاردىڭ، تاجىربيەسى مول ءارى بىلىكتى پروفەسسورلاردىڭ ەڭبەگى زور. بۇل مەكەن جاستاردىڭ ارمان جۇزەگە اساتىن عاجايىپ ورتا.
ءبىلىمدىنىڭ سوزىمەن بۇزۋ وڭاي توردى دا،
اقىل ءسوزدى سىڭىرسەڭ، جوعالمايتىن سول مۇرا!، - دەپ ماحمۋد قاشقاري ءبىلىم مەن اقىلدىڭ كۇشىن ءبىر اۋىز ءسوز ارقىلى جەتكىزگەندەي. شىنىمەن، ءبىلىم الۋدان، ءبىلىمدى بولۋدان ەشقاشان باس تارتپاۋ قاجەت. سەبەبى، بۇگىنگى بىزگە بەرىلگەن ءبىلىم الۋ مۇمكىندىگى ەرتەڭىمىزدىڭ نەگىزى. قازۇۋ- ومىرلىك ساباقتار، قىزىقتى ساتتەر، ەرەكشە ەستەلىكتەر مەن ناعىز ءبىلىمنىڭ مەكەنى.
ەلگە ەڭبەگى سىڭگەن تالاي دۇلدۇلدەر، اسا كورنەكتى عىلىم مەن مادەنيەت قايراتكەرلەرى ءبىلىم العان كيەلى قارا شاڭىراق ءال-فارابي اتىنداعى قازۇۋ-دىڭ كەلەشەگى كەمەل بولارى انىق. ءوزىنىڭ ءيميدجىن قالىپتاستىرىپ قانا قويماي، الەمدىك ارەنادا ءوزىن تانىتا العان بۇل وردانىڭ ءاربىر شاكىرتىنىڭ بولاشاعى جارقىن. ەلىمىزدىڭ دامۋى مەن نىعايۋ جولىندا بەرىپ جاتقان ءاربىر رۋحاني بىلىممەن مول تاجىريبەنى جۇزەگە اسىرۋ ءاربىر ستۋدەنت پارىزى.
اسحاتوۆ اكەجان يبراگيم ۇلى
ءال-فارابي اتىنداعى قازۇۋ
ەكونوميكا جانە بيزنەس جوعارى مەكتەبى
"ەسەپ جانە اۋديت" ماماندىعىنىڭ 4-كۋرس ستۋدەنتى
جەتەكشى: اعا وقىتۋشى يسايەۆا ا.ا.
You Might Also Like
-
تازا، تۇششى سۋ — ءبىزدىڭ ەڭ قىمبات، ءبىراق شەكتەۋلى تابيعي رەسۋرستارىمىزدىڭ ءبىرى.
-
12-14 عاسىرلارداعى يتالياداعى رومان گوتيكا ارحيتەكتۋراسىنىڭ ەسكەرتكىشى. پيزا مۇناراسى پيزا قالاسىندا ورنالاسقان. مۇنارا دۇنيە جۇزىنە “قۇلاعالى تۇرعان مۇنارا” اتاعىمەن بەلگىلى. مۇنارانىڭ...
