قاراعاندىدا IT-week.kz حالىقارالىق فورۋمى قورىتىندىلاندى
«IT-week.kz» فورۋمىندا قوعامدىق كولىكتە جول ءجۇرۋ اقىسىن تولەۋ ءۇشىن قۇرىلعان ءموبيلدى قوسىمشا ۇزدىك دەپ تانىلدى.
قاتىسۋشىلار ەكى كۇن ىشىندە قالا تۇرعىندارىنىڭ ءومىرى مەن مەملەكەتتىك ورگانداردىڭ جۇمىسىن جاقسارتۋعا مۇمكىندىك بەرەتىن موبيلدىك قوسىمشالار مەن باعدارلامالار ازىرلەدى. بۇگىن قازىلار القاسى جەڭىمپازداردىڭ ەسىمدەرىن اتادى.
فورۋم 24 قىركۇيەكتە باستالدى. باعدارلاماعا وتاندىق جانە شەتەلدىك IT-كومپانيالار وكىلدەرىنىڭ شەبەرلىك ساباقتارى، بوس ورىندار جارمەڭكەسى جانە ساندىق تەحنولوگيالار كورمەسى كىردى. شارانىڭ باستى وقيعاسى 48 ساعاتقا سوزىلعان حاكاتون بولدى. وعان ستۋدەنتتەر مەن جاس مامانداردان قۇرالعان 30 كوماندا قاتىستى.
«حاكاتون ءۇش كەزەڭگە ءبولىندى. ءبىرىنشىسى – ءبىلىم بەرۋ. ءبىز ونى «ستارتاپ مەكتەبى» دەپ اتادىق. مۇندا قاتىسۋشىلار ءوز يدەيالارىن ورتاعا سالىپ، ولاردى مودەلدەۋمەن اينالىستى. ەكىنشى كەزەڭ – مەنتورلىق. بىزدە بارلىعى 11 مەنتور بولدى. ولاردىڭ بارلىعى قاتىسۋشىلارعا كومەك كورسەتكەن كاسىپكەرلەر. قورىتىندى كەزەڭ – بۇل تىكەلەي دامۋ. بارلىق كەزەڭدەردىڭ قورىتىندىسى بويىنشا جارتىلاي فينالعا سەگىز كوماندا ءوتتى. ولاردىڭ ىشىنەن ءبىز ءۇش ۇزدىكتى تاڭدادىق»، - دەدى «موست» بيزنەس-ينكۋباتورىنىڭ ديرەكتورى جانە فورۋمدى ۇيىمداستىرۋشىلاردىڭ ءبىرى ءالىم حاميتوۆ.
500 مىڭ تەڭگە كولەمىندەگى باس جۇلدە RoadGuard باعدارلاماسىنىڭ ءپروتوتيپىن جاساۋشىلارعا بۇيىردى. باعدارلامالىق قامتاماسىز ەتۋ تاكسي جانە قوعامدىق كولىك قىزمەتتەرىن QR-كودتىڭ كومەگىمەن ۇيالى تەلەفون ارقىلى تولەۋگە مۇمكىندىك بەرەدى. باعدارلامادا كەرى بايلانىس بار. جاس باعدارلاماشىلار 48 ساعات ىشىندە وسى اۆتوماتتاندىرىلعان جۇيەنىڭ ءموبيلدى قوسىمشاسى مەن ۆەب-نۇسقاسىن جاساپ ۇلگەردى.
ەكىنشى ورىندا Clean City قوسىمشاسى بولدى. ول پايدالانۋشىلارعا قالانى تازالاۋعا جاۋاپ بەرەتىن ۆەدومستۆوعا رۇقسات ەتىلمەگەن قوقىس تاستايتىن جەرلەردىڭ فوتوسۋرەتتەرى مەن گەولوكاسياسىن جىبەرۋگە مۇمكىندىك بەرەدى. بۇل باعدارلاما سىناقتان ءوتىپ، جۇمىسقا تولىق دايىن. ونى جاساۋشىلار ەكىنشى ورىن الىپ، 300 مىڭ تەڭگەنىڭ جۇلدەسىن الدى.
حاكاتون بارىسىندا قاتىسۋشىلاردىڭ جۇمىستارىن ءىرى IT-كومپانيالاردىڭ وكىلدەرى باقىلادى. «ءقازىر قاراعاندىدا ۇلكەن كەڭسەسى بار امەريكالىق EPAM Systems كومپانياسى ءبىزدىڭ قاتىسۋشىلارىمىزعا قىزىعۋشىلىق تانىتتى»، - دەدى ءالىم حاميتوۆ.
فورۋمنىڭ سوڭعى كۇنى پلەنارلىق سەسسيالار ءوتتى. وندا Wooppay كومپانياسىنىڭ نەگىزىن قالاۋشى الەكساندر دوروشەنكو، كومپانيانىڭ اعا مەنەدجەرى، EPAM Systems جوبالاۋ كەڭسەسىنىڭ باسشىسى ۆياچەسلاۆ ۆاسيلەنكو، قاراعاندى وبلىسىنىڭ اقپاراتتاندىرۋ، مەملەكەتتىك قىزمەت كورسەتۋ جانە مۇراعاتتار باسقارماسىنىڭ باسشىسى رۋستام بايجانوۆ جانە باسقالار ءسوز سويلەدى.
You Might Also Like
-
پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن ەۋروپالىق يادرولىق زەرتتەۋلەر جونىندەگى ۇيىم (CERN) اراسىنداعى عىلىمي-تەحنيكالىق ىنتىماقتاستىققا قاتىستى حالىقارالىق...
-
جارما اۋدانىنىڭ تەرريتورياسىنداعى سۇر سۋىردىڭ ەكولوگيالىق جاعدايى.
