InfoHub Logo

بالقاش قالاسى،
«بالقاش قالاسىنىڭ №15 مەكتەپ - ليسەيى» كمم
باستاۋىش سىنىپ ءمۇعالىمى
سەيتكالييەۆا سۆەتلانا نەسيپبەك قىزى

ادەبيەتتىك وقۋ
ساباقتىڭ تاقىرىبى: قارلىعاشتىڭ قۇيرىعى نەگە ايىر؟
ساباقتىڭ ماقساتى:
بىلىمدىلىك: وقۋشىلارعا ەرتەگى جايلى تولىق ماعلۇمات بەرۋ، ەرتەگى تۇرلەرىنە توقتالۋ. ”قارلىعاشتىڭ قۇيرىعى نەگە ايىر؟”ەرتەگىسىنىڭ نەگىزگى يدەياسىن اشۋ؛
دامىتۋشىلىق: وقۋشىلاردىڭ ويلاۋ قابىلەتىن دامىتۋ، سوزدىك قورىن مولايتۋ؛
تاربيەلىك: وقۋشىلاردى ادامگەرشىلىككە، باۋىرمالدىققا، ەڭبەكقورلىققا تاربيەلەۋ.
ساباقتىڭ ءتيپى: ارالاس ساباق.
ساباقتىڭ ءادىسى: تاراتپارمەن جۇمىس، وزدىك جۇمىس، شىعارماشىلىق جۇمىس، توپتىق جۇمىس.
ءپانارالىق بايلانىس: دۇنيەتانۋ، سۋرەت، ءان، ەڭبەك.
ساباقتىڭ كورنەكىلىگى: تاراتپا ماتەريالدار، تسو، سىزبا كەستەلەر، سيۋجەتتى سۋرەتتەر.
ساباقتىڭ بارىسى
1. ۇيىمداستىرۋ كەزەڭى
- بالالار، ءقازىر ادەبيەتتىك وقۋ ساباعى. بۇگىنگى ساباعىمىزدى باستاماس بۇرىن توپقا ءبولىنىپ الايىق. ول ءۇشىن مىنا جەردەن وزدەرىڭە ۇناعان تۇستەردى تاڭداپ الىڭدار. توپقا ءبولىنۋدىڭ بۇگىنگى ساباقتىڭ تاقىرىبىن اشۋدا دا ماڭىزى بار.
توپقا ءبولۋ (ءتۇرلى - ءتۇستى قاعازدار ارقىلى)
ىنتىماقتاستىق اتموسفەراسىن قۇرۋ.
«سەن قايداسىڭ؟» ترەنينگ وتكىزۋ
• سالەم دوستىم (قول بەرىپ امانداسۋ)
• سەن قالايسىڭ؟ (يىقتارىن قاعادى)
• قايدا بولدىڭ؟ (قۇلاقتارىن تارتادى)
• مەن سەنى ساعىندىم (قولدارىن جۇرەككە قويادى)
• سەن كەلدىڭ (قولدارىن جايادى)
• جاقسى بولدى (قاتتى قۇشاقتايدى)
2. ءۇي تاپسىرماسىنا شولۋ.
- بالالار ۇيگە قانداي تاپسىرما بەرىلىپ ەدى؟
قۇمىرسقانىڭ قاناعاتى. (ەل اۋزىنان).
1 - توپ - ساحنالاپ كورسەتۋ.
2 - توپ - قۇمىرسقا تۋرالى بىلەتىندەرىڭدى توپتاستىرىپ جاز.
3 - توپ - سۇراق جاۋاپ(تاراتپا ماتەريالدارمەن جۇمىس):
- وقىمىستى قۇمىرسقانى نەگە، قالاي سىنادى؟
قۇمىرسقانىڭ اقىلى، قايراتى، قاناعاتى بارىن قايدان ءبىلدىڭ؟
قۇمىرسقانىڭ قاسىندا ءدان جاتقاندا اشىعۋ سەبەبى نە دەپ ويلايسىڭ؟
- بالالار، قۇمىرسقاعا بايلانىستى قانداي مىسالدار وقىدىق؟

4. جاڭا ساباق.
- ال بالالار، سونىمەن قۇمىرسقا قانداي توپقا جاتادى؟(بۋناقدەنەلىلەر) - وزدەرىڭ دۇنيەتانۋ ساباعىنان جانۋارلاردىڭ تاعى قانداي توپتارىن اتار ەدىڭدەر؟ سۇتقورەكتىلەر، باۋىرىمەن جورعالاۋشىلار، قۇستار كلاسى.
- ال ەندى باعانا توپقا بولىنگەندە العان ءتۇستى قاعازدارىڭنىڭ كەلەسى بەتىن اشساڭدار جۇمباق جازۋلى. سول جۇمباقتى شەشسەڭدەر، بۇگىنگى تاقىرىپقا بايلانىستى اتاۋ شىعادى.
جۇمباق
بۇلدىر - بۇلدىر بالشىقتى،
جينادى دا تالشىقتى.
ۇقساتىپ قامىتقا،
ءۇي سالدى جابىققا. (قارلىعاش)
ەكi ايىر قۇيرىعى،
قياق مۇرت قاناتى،
ۇشقىرلاردىڭ ءجۇيرiگi. (قارلىعاش)
شارلاپ كەلىپ دالانى،
ۇيىمە، ءۇيىن سالادى. (قارلىعاش)
- ادامنىڭ دوسى، قايىرىمدى، ونىڭ اتى قارلىعاش دەپ اتالادى.
سەرگىتۋ ءساتى:
قوس قارلىعاش انىمەن بيلەۋ
- ەندەشە، بۇگىنگى جاڭا ساباعىمىزدىڭ تاقىرىبى: قارلىعاشتىڭ قۇيرىعى نەگە ايىر؟ ەرتەگىسى.

5. ماعىنانى تانۋ.
ينتەراكتيۆتى تاقتادان قارلىعاشتىڭ قۇيرىعى نەگە ايىر؟ ەرتەگىسىن كورسەتەمىن.
تاپسىرما.
1 - توپ ەرتەگىدەن العان اسەرلەرىڭدى جازىڭدار.
2 - توپ قارلىعاش تۋرالى بىلەتىندەرىڭدى جازىڭدار.
3 - توپ ەرتەگىدەگى جاعىمسىز كەيىپكەرلەر تۋرالى ءوز ويىڭدى ايت.

6. وقۋلىقپەن جۇمىس.
وقۋشىلارعا وقىتۋ
كوزبەن وقۋ
تاپسىرما
1 - توپ قارلىعاش سوزىنەن بىرنەشە ءسوز قۇرا
2 - توپ وسى تاقىرىپقا ساي ماقال - ماتەلدەردى سايكەستەندىر
3 - توپ كوكتەم كەلدى. قارلىعاشتاردى قارسى الايىق! سۋرەتتەر جيىنتىعىنان قارلىعاشتاردى قارسى الۋدى كورسەتۋ.
7. وي قورىتۋ
«كەزبە ءتىلشى» ستراتەگياسى ارقىلى ساباقتى قورىتىندىلاۋ.
مىنە بالالار تولە ءبيدىڭ ءبىر اۋىز ءسوزى مىڭ اۋىز سوزگە تاتيتىن، شىن اۋليە دەپ اتاعان. قارلىعاشتى دا اۋليەگە تەڭەگەن.
8. رەفلەكسيا
- بالالار، بۇگىنگى ساباق سەندەرگە ۇنادى ما؟
الدارىڭدا الاقاننىڭ باسىلعان ۇلگىسى جاتىر. الاقان - اشىق جارقىندىقتىڭ، قايىرىمدىلىقتىڭ بەلگىسى. ەندەشە وسى الاقانعا بۇگىنگى ساباقتا نە الدىڭ، قانداي اسەر الدىڭ سونى جازىپ، عاجايىپ اعاشقا ىلەيىك.
10. باعالاۋ.
11. ۇيگە تاپسىرما.