قاشىقتان وقىتۋدا مۇعالىمدەردىڭ جالاقىسى كەمىمەيدى — مينيستر
قاشىقتان وقىتۋ فورماتى مۇعالىمدەر مەن وقىتۋشىلاردىڭ ەڭبەكاقىسىنا اسەر ەتپەۋى ءتيىس. ق ر ءبىلىم جانە عىلىم ءمينيسترى اسحات ايماعامبەتوۆ جاعدايدى وسىلاي ءتۇسىندىردى.
«قاشىقتان وقىتۋ فورماتى جالاقىعا ەش اسەر ەتپەۋى كەرەك، جالاقى دا ازايماۋى كەرەك. ويتكەنى ارىپتەستەرىمىز سول باياعى جۇمىس كولەمىن اتقارادى. دايىندىق جۇمىستارى ادەتتەگىدەن دە كوپ بولاتىن كەزدەرى بولادى. سوندىقتان، مۇعالىمدەردىڭ جالاقىسىن وزگەرتپەۋ تۋرالى تاپسىرما بەردىك. بۇل تاپسىرما ارنايى بۇيرىقتا ناقتى بەكىتىلگەن»، - دەپ جاۋاپ بەردى مينيستر ورتالىق كوممۋنيكاسيالار قىزمەتىندە ءتىلشى ساۋالىنا.
ەسكە سالا كەتسەك، ەلىمىزدەگى توتەنشە جاعدايعا بايلانىستى مەكتەپ وقۋشىلارى، جوو جانە كوللەدج ستۋدەنتتەرى قاشىقتان وقىتۋ فورماتىنا كوشىرىلدى.
بۇعان دەيىن مينيستر قازاقستاندىق مەكتەپ وقۋشىلارىنىڭ تەلەديدار، راديو، ينتەرنەت جانە پوشتا ارقىلى ءبىلىم الاتىنىن مالىمدەگەن ەدى.
1 ساۋىردە قازاقستاننىڭ بارلىق مەكتەپتەرى قاشىقتان وقىتۋ بويىنشا سىناما ساباق وتكىزەدى.
بارلىق سۇراقتار بويىنشا ءبىلىم جانە عىلىم مينيسترلىگىنىڭ 1450 كولل-ورتالىعىنا حابارلاسۋعا بولادى.
You Might Also Like
-
شالعايداعى ەلدى مەكەندەردىڭ وقۋشىلارى 4-توقساندى مەكتەپتە وقۋعا مۇمكىندىكتەرى بار. بۇل تۋرالى ورتالىق كوممۋنيكاسيالار قىزمەتىندەگى بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
