شالعايداعى اۋىل مەكتەپتەرى ءداستۇرلى فورماتتا ءبىلىم بەرە الادى — اسحات ايماعامبەتوۆ
شالعايداعى ەلدى مەكەندەردىڭ وقۋشىلارى 4-توقساندى مەكتەپتە وقۋعا مۇمكىندىكتەرى بار. بۇل تۋرالى ورتالىق كوممۋنيكاسيالار قىزمەتىندەگى بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«بىزدە شاعىن جيناقتالعان، اسىرەسە، شالعايداعى، وتە الىستاعى ەلدى مەكەندەردەگى مەكتەپتەر بار. ولاردا بالا سانى وتە از. 20، 40، 50 بالا ءبىلىم الادى. ءبىراق، ۇلكەن مەكتەپتەر. وسى مەكتەپتەر بويىنشا قازىرگى ۋاقىتتا ءتيىستى شەشىم قابىلدادىق. ارينە، ەپيدەميولوگيالىق جاعدايعا بايلانىستى ءالى دە شەشىمدى قاراپ، كەرەك بولسا تۇزەتەمىز. ءبىراق، رەسپۋبليكا بويىنشا وسىنداي مەكتەپتەردىڭ ءتىزىمىن انىقتادىق جانە وسى مەكتەپتەردە قازىرگى ۋاقىتتا ءتيىستى كارانتيندىك شارالار قابىلداناتىن بولسا، وندا سول مەكتەپتەر وزدەرىنىڭ ءداستۇرلى فورماتىندا جۇمىسىن جالعاستىرا بەرۋگە مۇمكىندىكتەرى بار»، — ول.
ءبىراق، ءمينيستردىڭ ايتۋىنشا، مۇنداي مەكتەپتەردە ساباق وتكىزۋ ۋاقىتى 30 مينۋتقا قىسقارتىلادى. سونىمەن قاتار وقۋشىلار ەكى اۋىسىممەن ءبىلىم الادى.
You Might Also Like
-
قاشىقتان وقىتۋ فورماتى مۇعالىمدەر مەن وقىتۋشىلاردىڭ ەڭبەكاقىسىنا اسەر ەتپەۋى ءتيىس. ق ر ءبىلىم جانە عىلىم ءمينيسترى اسحات ايماعامبەتوۆ جاعدايدى وسىلاي ءتۇسىندىردى.
-
التەكە ءابۋعالي مەن قۋاندىق ىشىندەگى قارەكە رۋىنان شىققان قارا كوپباي قۇدا بولادى. ءابۋعالي كوپبايعا باراردا كەرنەيبەكتى الىپ جۇرەدى. كوپباي اۋىلىنداعى قىرىققا تارتا ءۇيدىڭ كوپشىلىگى داۋلەتتى بولسا كە...
