InfoHub Logo

ساباق تاقىرىبى: قاسىم امانجولوۆ. كوكتەم
ساباق ماقساتى:
• قاسىم امانجولوۆ ءومىرى مەن شىعارماشىلىعىنا شولۋ جاساي وتىرىپ، اقىن ولەڭىنىڭ يدەياسىن، ءمانىن ۇعىندىرۋ.
• وقۋشىلاردى مانەرلەپ جىلدام وقۋعا ۇيرەتۋ، قىزىعۋشىلىعىن وياتۋ، ءتىل بايلىعىن دامىتۋ.
• تابيعاتتى ايالاي بىلۋگە، تانىم بەلسەندىلىگىن، شىعارماشىلىق قابىلەتىن ارتتىرۋ ۇيىمشىلدىققا، بىرلىككە تاربيەلەۋ.

ساباقتىڭ بارىسى.
ءى. باعالاۋ. – موتيۆاسيالىق كەزەڭ.
پسيحولوگيالىق ءسات.
كۇن جارىعىن الاقانعا سالامىن،
جۇرەگىمە باسىپ ۇستاي الامىن.
ىزگى ءارى نازىك، جارىق، مەيىرىمدى،
بولىپ كەتەدى سوندا دەرەۋ جان - جاعىم.
- مىنە، جۇرەگىمىزدەگى وسىنداي جىلۋمەن ساباعىمىزدى باستايمىز.
- بالالار، ءقازىر سەندەر 3 توپقا ءبولىنىپ وتىراسىزدار. ەندەشە ءۇش توپقا ۇيگە قانداي تاپسىرمالار بەرىلدى؟
- 1 - توپ. – «بايشەشەك». ەسسە جازۋ، گۇلدەر تۋرالى.
- 2 – توپ. – «جاۋقازىن». گۇلدەر تۋرالى ولەڭ شىعارۋ.
- 3 – توپ. – «قىزعالداق». گۇلدىڭ سۋرەتىن سالۋ.

ءىى. وپەراسيالىق - ورىنداۋشىلىق كەزەڭ.
بالالار، ءبارىمىز تاقتاداعى ءسوزجۇمباقتى شەشەمىز.
مىنا سۋرەتتەردىڭ باسقى ارىپتەرىن الساڭدار سوندا ءسوز شىعادى.
كۇن، دەمەكشى، كوكەك، تۋ، ەشكى، مىسىق («كوكتەم» ءسوزى شىعادى)
- بالالار، ءقازىر قاي مەزگىل؟
- كوكتەم.
توپتاستىرۋ.

بۇگىنگى ساباعىمىزدىڭ تاقىرىبى: قاسىم امانجولوۆتىڭ «كوكتەم» ولەڭىمەن تانىسۋ.
قاسىم امانجولوۆ 1911 جىلدىڭ 10 قازانىندا قازىرگى قاراعاندى وبلىسى، قارقارالى اۋدانى، قاسىم امانجولوۆ اتىنداعى اۋىلدىڭ قىزىل تاۋىنىڭ باۋرايىنداعى اقتايلاق ەلدى مەكەنىندە كەدەي شارۋا وتباسىندا دۇنيەگە كەلگەن. 1918 جىلى 6 قاڭتاردا اكەسى راقىمجان 43 جاسىندا قايتىس بولادى. ونى اناسى ايعانشا 1923 جىلى سەمەيدەگى باستاۋىش مەكتەپتە، 1927 - 1930 جىلدارى سەمەي مال دارىگەرلىك تەحنيكۋمىندا وقيدى. 1931 جىلى لەنينگراد قالاسىندا ورمان شارۋاشىلىعى ينستيتۋتىنا وقۋعا تۇسەدى. دەنساۋلىعى جاراماعاندىقتان وقۋدى تاستاپ، ورال قالاسىنداعى «ەكپىندى قۇرىلىس» گازەتىندە جۇمىس ىستەيدى. 1933 جىلى العاشقى ولەڭدەر جيناعى «ءومىر سىرى» 1939 جىلى جارىق كورەدى. قىزىل ارميا قاتارىنا شاقىرىلىپ، ورال قالاسىندا اسكەري بىلىمدە قىزمەت اتقارادى. 1935 جىلى الماتى قايتىپ كەلىپ «لەنينشىل جاس» گازەتىنە ورنالاسادى. وسى كەزەڭنەن باستاپ ونىڭ قالامگەرلىك دارىنى اشىلىپ شىعارماشىلىقپەن اينالىسادى. كوپ وقىماسا دا زەرەكتىگىنىڭ ارقاسىندا قازاقشا دا، ورىسشا دا بىردەي جازادى. امانجولوۆ اقىندىعىنىڭ ۇستىنە كومپوزيتور دا. ونىڭ «داريعا، سول قىز»، «تۋعان ەل» سياقتى ولەڭدەرىنىڭ ءسوزى دە، مۋزىكاسى دا وزىنىكى. مايداننان ەلىنە ورالعان اقىن سۇيگەن قىزى داريانى ىزدەيدى. سوعىستان قايتىپ كەلگەننەن كەيىن قاتتى اۋىرىپ سودان ايىعا الماي ومىردەن وتەدى. «اقىن»، «قازاقستان»، «ساۋىنشى جەڭگەي» دەگەن ولەڭدەرىندە ەڭبەك ادامدارىن بيىككە كوتەرە جىرلايدى.
وقۋلىقپەن جۇمىس.
ا) ولەڭدى مانەرلەپ وقۋ.
ءا) ولەڭدى تىزبەكتەي وقىتۋ.
ب) ولەڭدى تالداۋ. (وزدەرىنە ۇناعان شۋماقتارىن وقىتا وتىرىپ تالداۋ)
داپتەرمەن جۇمىس.
ولەڭدەگى كوركەم سوزدەردى تاۋىپ، داپتەرگە جازىپ الۋ.
مىسالى، نازىك ءۇن، بۇيرا بۇلاق.

سەرگىتۋ ءساتى
شىعارماشىلىق تاپسىرما
مۋزىكا ويناپ تۇرادى.
1 - توپ. كوكتەم تۋرالى ەسسە جازۋ.
2 - توپ. كوكتەم جايلى 4 جول ولەڭ قۇراستىرۋ.
3 - توپ. كوكتەمنىڭ سۋرەتىن سالۋ.
«قالت ەتكىزبەي قاعىپ ال.
جاۋابىن تەز تاۋىپ ال».
رەفلەكسيالىق – باعالاۋ كەزەڭى.
جۇمباقتار جاسىرۋ.
1 - توپ. الا سيىر جاتىپ قالادى،
اق سيىر تۇرىپ كەتەدى. (كوكتەم)
2 – توپ. تۇرعانىمەن جىراق ءوزى،
تاۋسىلمايتىن شىراق ءوزى. (كۇن)
3 – توپ. مەنى كۇتىپ ەل تىلەر،
كەلسەم نەگە كەلدى دەر. (جاڭبىر)
ۇيگە تاپسىرما: كوكتەم ولەڭىن جاتتاۋ. كوكتەمنىڭ سۋرەتىن سالىپ كەلۋ.
باعالاۋ