قاسىڭدا جۇرسەم،
ءقادىرىم ساعان جوق ەكەن.
قاسىڭنان كەتسەم،
ادامنىڭ ناعىز قورى ەكەم.
قاسىڭدا ءجۇرىپ،
كۇلەتىنىم دە سول ەكەن،
قاسىڭنان كەتىپ، جىلايتىنىم دا سول ەكەن.
قاسىڭدا سەنىڭ،
قاعىنىپ جۇرگەن جەلوكپە،
وزىڭنەن كەتسە،
وزگەگە، ءسىرا، كەرەك پە؟!
مەن دەگەن، جانىم،
قادالعان ماڭگى بۇتاقپىن،
سەن دەگەن الىپ مىڭ جۇرەگى بار تەرەككە
Heگe دە بولسا،
سەنىمەن بىرگە شىدايمىن.
نەگىزىم مەنىڭ!
نەلىكتەن سونشا مۇڭايدىڭ؟!
قۇلاساڭ ەگەر،
قۇتقارماق بولىپ مەن سەنى،
قادالىپ جەرگە،
سەنىڭ استىڭا قۇلايمىن!

---