و، سايتان!
الماس ازۋ، قاندىبالاق،
قاندى ءىزىڭ جوسىپ جاتىر، تاۋ، جىرادا.
تاعى دا قىلاڭ بەرىپ، قۇتىلدىڭ با؟
تۇرا-تۇر، كورىسەرمىز قانجىعادا.
جاتقاندا ويدا مالىم،سايدا مالىم،
ەسىمدە ەمىن-ەركىن جايعاعانىڭ،
مەن سەنەن باسىرەمنەن كەگىن الام،
اتام دا، قانجىعاما بايلانامىن.
تاس-تاستى، ويدى-قىردى لاڭداعان،
قۇلقىنىڭ قان ىشپەسە تۇرا الماعان،
السىزدەرگە ويناتقان اڭگىر تاياق،
ساعان دا ءبىر زاۋال شاق - تۋار زامان.
تاعىلاردىڭ تاعىسى بولەكسىڭ دە،
سەنىڭ قاڭقاڭ يتىمە كەرەكسىڭ بە. .
بويىڭداعى تونىڭدى توناپ الىپ،
ولەكسەڭدى قالدىرام ولەكشىنگە...
ازىرشە جۇرە تۇرعىن تاۋ-جىرادا،
قانعا بۇعىپ جاتا بەر ماۋجىرا دا.
وي-قىردى لاستاعان قاندىبالاق،
كورىسەرگە كۇن جاقىن قانجىعادا...
وزگەدەن ەمەس،وزىمنەن قورقام،سەزەم مەن.
كوزىمنەن قورقام،ەرنىمنەن قورقام كەزەرگەن.
مىنەرگە كەلىك، ۇشارعا قانات جوق مەندە،
داريعا-اي، شىركىن!
قالدىرىپ ءبارىن بەزەر مە ەم...
باسىم ءبىر شويىن، اياعىم مەنىڭ قورعاسىن،
مەرزىمى تولماي ىلگەرى كەتتى ون جاسىم.
Heگe سەزبەسىن؟!
سەزەدى جانىم، سەزەدى،
باياعى جىلدار قايتادان ەندى بولماسىن.
تۇيىققا كەلىپ،تىرەلىپ تۇرمىن ءبىر ءتۇرلى.
كوزىمنىڭ نۇرى كوڭىلىمدە قالدى ىركۋلى.
جىلاي دا المايمىن، كۇلە دە المايمىن،
0، دوسىم!
تاۋىپ اكەلشى ۇمىت قالدىرعان كۇلكىمدى.
وزىمنەن قورقام ولتىرگەن ەزىمدى ءوزىم عوي...
باسىمدا مي جوق،تياناق تاپپاي كەزۋدە وي.
0، دوسىم مەنىڭ!كۇلكىمدى تاۋىپ اكەلشى،
سۇرەتىن ءومىر،كۇلەتىن ناعىز كەزىم عوي...

---