InfoHub Logo

اق قاز سۋ جاعاسىندا مامىرلاي̆ جاي̆ىلىپ ءجۇر ەدى، قۇلاعىنا شاڭ-شۇڭ كەرىسكەن داۋىس ەستىلدى. داۋىس شىققان جاققا موي̆ىن سوزىپ قاراسا، و، عالامات، كادىمگى اعاش قالامساپ پەن بولات قالامۇش! ەكەۋى تەرەزەنىڭ الدىنا شىعىپ الىپ، بىرىنە-بىرى كىجىنىپ، سالعىلاسىپ تۇر.

— مەنىڭ پاي̆دام ادامعا سەنەن گورى ون ەسە ارتىق تيەدى. مەن ونىڭ كوڭىلدەگىسىن قاعازعا اي̆نىتپاي̆ جازىپ بەرەتىن قولعاناتىمىن. مەنسىز سەن تۇككە دە اسپاي̆سىڭ، — دەي̆ءدى قالامۇش شىڭكىلدەك جىڭىشكە ۇنمەن.

— مەن بولماسام، سياساۋىتتىڭ ىشىنە كۇمپ ەتىپ، باتىپ كەتەر ەدىڭ، بولماسا يەڭنىڭ قولىن بىلعاپ، سوگىس ەستىپ جاتار ەدىڭ، — دەي̆ءدى قالامساپ وعان داۋ اي̆تىپ.

اق قاز بۇل سوزدەردى ەستىپ، وز-وزىنەن مىرس ەتىپ كۇلىپ جىبەردى. سودان سوڭ موي̆نىن ودان بەتەر سوزىڭقىراپ:

— ءاي̆، دوستارىم، ءسال سابىر ەتىڭدەر. ەكەۋىڭنىڭ تالاستارىڭ مەنىڭ كۇلكىمدى كەلگىرىپ تۇر، — دەدى.

— نەگە؟ — دەپ ءۇرپيىستى قالامساپ پەن قالامۇش.

اق قازدىڭ بۇعان اشۋى كەلىپ كەتتى دە:

— مەن بولماسام، سەندەر دۇنيەگە كەلمەس ەدىڭدەر. ءبۇي̆ءتىپ تالاسىپ تۇرماس ەدىڭدەر. مەن سەندەردىڭ اتالارىڭ بولام! سەندەر، ەكەۋىڭ دە مەنىڭ قاۋىرسىنىمنان جارالعانسىڭدار! — دەدى.

— قاي̆ءتىپ؟

— بىلمەسەڭدەر، تىڭداڭدار اۋلەكىلەنبەي̆، — دەپ، اق قاز اڭگىمەسىن شۇبىرتا جونەلدى. — ادام ءبىر كەزدە مەنىڭ قاۋىرسىنىمدى ۇشتاپ، ۇشىن ەكى اي̆ىرىق قىپ ۇشكىرلەپ، جازۋدى سونىمەن جازاتىن ەدى. ونى قاۋىرسىن قالام دەپ اتاي̆تىن. ارادا تالاي̆ زامان ءوتتى. جەر بەتىندە جازۋ بىلەتىن ادامنىڭ سانى كوبەي̆ءدى دە، قازدىڭ قاۋىرسىنى ولارعا جەتپەي̆ءتىن بولدى. سودان سوڭ ادام اعاشتان قالامساپ جاساپ، وعان قاز قاۋىرسىنىنان قالامۇش ءتىلىپ ورناتاتىن امال تاپتى. بۇلاي̆ ەتكەندە ءبىر قاۋىرسىن تالاي̆ ادامنىڭ پاي̆دالانۋىنا جا- راي̆تىن ەدى.

ارادا تاعى دا كوپ-كوپ جىلدار ءوتتى. جازۋ بىلەتىندەر بۇرىنعىدان دا مولاي̆دى. قازدىڭ قاۋىرسىنىنا مۇقتاجدىق ارتا ءتۇستى. سونان سوڭ ادام ءارى تولعانىپ، بەرى تولعانىپ مىنا سەنى، بولات قالامۇشتى وي̆لاپ تاپتى. ەكەۋىڭنىڭ دۇنيەگە كەلۋ تاريحتارىڭ، قىسقارتىپ اي̆تقاندا، مىنە، وسىنداي̆، — دەپ اق قاز ءسوزىن ءتۇي̆ءدى.

اعاش قالامساپ پەن بولات قالامۇش بۇل جاي̆دى بۇرىن-سوڭدى ەستىمەگەندىكتەن، ەكەۋى بىر-بىرىنە تاڭىرقاسا قاراسىپ تۇرىپ قالدى.

---