InfoHub Logo

قىستىڭ قاتال ءتۇنى. ءاقتوس تاعى دا ايازدى، سۋىق ءتۇندى دۇكەن جانىندا قوقىسقا شىعارعان قوراپتار اراسىندا وتكىزىپ جاتىر. تۇلا-بويى مۇزداپ، توڭعانى ءوز الدىنا، جاراقاتتانعان اياعى دا سىزداپ اۋىرىپ جاتىر. ءوزى اراسىندا ىڭىرسىپ قويادى. كوزىنەن جاس اعىپ توقتار ەمەس. ءيا، ول كادىمگى جاس بالاداي ەگىلىپ جىلادى.

ول ءبىر كەزدەرى باقىتتى ەدى. اناسىنان تۋىلعاننان باستاپ، ونىڭ جىلى، جۇمساق باۋىرىندا راحاتتانىپ كۇي كەشتى. وزىمەن بىرگە تۋعان باۋىرلارىمەن كۇنى بويى، ويناپ اسىر سالاتىن. تۋىلعانىنا ەكى اي وتكەندە ونى ءبىر ەڭگەزەردەي ەر ادام قوراپقا سالىپ الىپ كەتتى. ءاقتوس اۋەلى بۇنى ويىن شىعار دەپ ويلاعان. سويتسە ولاي ەمەس ەكەن. قوراپتىڭ تەربەلگەنى توقتاپ، تىنىشتالعانداي بولدى. بۇل قۇلاعىن سالىپ تىڭ -تىڭداپ كورىپ ەدى، ەشنارسە ەستىلمەدى. ءبىر ۋاقىتتا تىرسىلداعان داۋىس ەستىلدى دە، قوراپتىڭ بەتى اشىلىپ ىشىنە جارىق ءتۇستى. كوزىن اشىپ، تەزىرەك مىنا قاراڭعى قاپاستان قۇتىلعىسى كەلگەن ءاقتوستىڭ كوزى، وزىنە مەيىرىمدى كوزبەن ءۇڭىلىپ قاراپ تۇرعان بالاعا ءتۇستى. بۇل ون جاسار قايسار ەدى. اكەسى وعان كۇشىك سىيلاۋدى بىرنەشە ۋاقىت بۇرىن ۋادە ەتكەن. بۇگىنگى تۋعان كۇنىنە سول ۋادەسىنە تۇرىپ، سىيلىققا ءاقتوستى اكەلىپتى. قايساردىڭ قۋانىشىندا شەك جوق. اكەسىنە ريزاشىلىعىن بىرنەشە رەت قايتالادى. جۇمساق قولدارىمەن ءاقتوستى باۋىرىنا قىستى، بىردەن ونىڭ توسىندەگى اق تۇگىنە قاراپ، ءاقتوس دەپ ات قويدى.

اۋەلگى ۋاقىتتا ءاقتوس ۇلكەن قينالىستا بولدى. اناسى مەن باۋىرلارىن ساعىنىپ ءتۇنى بويى قىڭسىلاپ شىعاتىن. ونداي تۇندەرى قايسار ۇنەمى ونى قاسىنا الىپ، ۇيىقتاپ ءجۇردى.

كەيىن كەلە ەكەۋى اجىراماستاي دوس بولدى.قايسار وتە قامقور ەدى. ءاقتوستى ۋاقىتىلى تاماقتاندىرىپ، جۋىندىرىپ بالاشا كۇتىم جاسايتىن. قايسار مەكتەپتەن ورالعان سوڭ ەكەۋى اسىر سالىپ وينايتىن. ءسويتىپ جۇرگەندە بەس جىل ۋاقىت زىرلاپ وتە شىقتى. قايسار دا ەرجەتتى. ءبىراق ءاقتوس پەن ەكەۋى اجىراماستاي دوستار ەدى. ءاقتوس قايساردان ءبىر ەلى قالمايتىن. ونىمەن بىرگە مەكتەپكە دەيىن بىرگە بارىپ، ول مەكتەپتەن شىققانشا مەكتەپتىڭ الدىندا كۇتىپ جاتاتىن ەدى.

ءبىر كۇنى قايساردى اكەسى ماشيناعا وتىرعىزىپ الىپ كەتتى. سودان كەيىن قايساردى كورگەن ەمەس. قايسار كەتىپ بارا جاتىرعاندا بۇعان:

- ءاقتوس، مەن وقۋعا كەتىپ بارام، بۇيىرسا كەلگەن سوڭ كورىسەمىز. وعان دەيىن سەن ءۇيدى كۇزەتەتىن بول. جاراي ما؟ – دەپ كەتكەن.

سودان بەرى ءاقتوس قايساردى كۇتۋمەن كوپ كۇندى وتكىزدى. ءبىر كۇنى بۇل ۇيدەگى ادامداردىڭ ورنىنا باسقا بىرەۋلەر پايدا بولدى. بۇل كىسىلەر ءاقتوستى شارباققا كىرگىزبەي ابدەن ابىگەرگە سالدى. قاتتى اشۋلانعان ءۇيدىڭ جاڭا يەسى بۇنى ۇستاپ الىپ، ماشينامەن باسقا قالاعا اكەلىپ تاستاپ كەتتى.

سول كۇننەن باستاپ، ءاقتوس كوشەدەگى قاڭعىباس يتتەردىڭ بىرىنە اينالدى. تاماق ءۇشىن تالاي تاياق تا جەدى، يتتەرگە دە تالاندى. تالاي جاۋىن مەن بوراندى تۇندەردى دە وتكىزدى.

كەشەگى دۇكەنگە كەلگەن ادەمى كيىنگەن جىگىت ءاقتوستى تەۋىپ  اياعىن سىندىردى. ەندى جاتىسى مىناۋ. قارا سۋىق، اياعىنان اققان قان قاتىپ قالعان، قانشا جالاسا دا قايتار ەمەس. باۋىرىنان وتكەن سىز دەنەسىن قارىپ بارادى. تالىقسىپ ۇيىقتاپ بارا جاتىر. تۇسىندە باياعى جان دوسى قايساردى كوردى. ول سونداي مەيىرىمدى. باسقا ادامدار دا سونداي دەپ ويلايتىن، سويتسە قاتەلەسكەن ەكەن. ادامداردىڭ قاتال، مەيىرىمسىزدەرى دە كوپ ەكەن. دەنەسى ازداپ جىلىعانداي  بولدى، كوزىن اشسا كۇن اتقان ەكەن. دەنەسىندە قالعان بار كۇشىن جيناپ، دۇكەننىڭ الدىڭعى جاعىنا قاراي جىلجىدى. ونداعى ويى مۇمكىن ءوزى كۇتكەن جاندى كەزىكتىرىپ قالار. دۇكەن الدى ىعى–جىعى ادامدار. ءالى كەتكەن ءاقتوس قاردىڭ ۇستىنە جاتا كەتتى. كوزىن اشۋعا دا شاماسى جەتەر ەمەس. اشتىق پەن سۋىق ونى ابدەن السىرەتكەن.

كەنەت تانىس داۋىس ەستىلگەندەي بولدى. بار كۇشىن جيناپ كوزىن اشتى. كوزىنە سول باياعى مەيىرىمگە تولى كوزدەر قاراپ تۇر ەكەن. ول سىلكىنىپ تۇرعىسى كەلدى. دەنەسىنىڭ ءبارى جىلىنعانداي .....

ءيا، بۇل وسى قالادا وقىپ جۇرگەن قايسار ەدى.

 

4 "گ" سىنىپ وقۋشىسى امانگەلدى گاۋھار
اتىراۋ وبلىسى، جىلىوي اۋدانى، قۇلسارى قالاسى
№18 م.ساتىبالدييەۆ اتىنداعى جالپى ورتا ءبىلىم بەرەتىن مەكتەپ
جەتەكشىسى: شەگيروۆا جانارگۋل سايلاۋوۆنا

---