استانا وقۋشىلارى كوكشەتاۋداعى وليمپيادادا ۇزدىك اتاندى
كوكشەتاۋدا جالپى ءبىلىم بەرەتىن پاندەر بويىنشا رەسپۋبليكالىق وليمپيادا اياقتالدى. بەس كۇن بويىەلىمىزدىڭ بارلىق وڭىرلەرىنەن جينالعان 735 وقۋشى ءتۇرلى باعىتتار بويىنشا سايىستى. جاراتىلىستانۋ-پوليتەحنيكالىق باعىتتا استانالىقتار جالپىكوماندالىق ەسەپتە ءبىرىنشى ورىن الىپ، «ۇزدىك كوماندا» اتاندى، دەپ حابارلايدى ەلوردانىڭ رەسمي سايتى.
وليمپيادانىڭ ىرىكتەۋ تۋرلارىنا رەسپۋبليكانىڭ 350 مىڭ وقۋشىسى قاتىستى. اقتىق سىنعا ماتەماتيكا، فيزيكا، حيميا، بيولوگيا، گەوگرافيا جانە ينفورماتيكادان ەڭ ۇزدىك وقۋشىلار ءوتتى.
تەحنيكا سالاسىنداعى جاڭاشىلدىقتار دا تىس قالعان جوق. وليمپيادانىڭ اشىلۋ سالتاناتىندا وقۋشىلار مەن ستۋدەنتتەردىڭ يننوۆاسيالىق جوبالارىنىڭ كورمەسى ۇيىمداستىرىلدى.
سوڭعى كەزەڭنىڭ قورىتىندىسى بويىنشا ەلوردالىق وقۋشىلار جاراتىلىستانۋ-پوليتەحنيكالىق باعىتتا جالپىكوماندالىق ەسەپتە ءبىرىنشى ورىن الدى، سونىڭ ىشىندە 5 التىن، 11 كۇمىس جانە 16 قولا مەدالعا قول جەتكىزدى.
سونىمەن قاتار، ەكى بالا الماتى قالاسىنىڭ حالىقارالىق اقپاراتتىق تەحنولوگيالار ۋنيۆەرسيتەتىنىڭ گرانتىنا يە بولدى.
You Might Also Like
-
جاساعان تاعامىمىز جاقىندارىمىزدىڭ كوڭىلىنەن شىعۋى ءۇشىن قيىن رەسەپتەردى ىزدەپ، تاماق جاساۋعا كوپ ۋاقىتىمىزدى كەتىرەمىز. ال نەگىزىندە قاراپايىم تاعامداردىڭ ءدامىن كەلتىرۋ ءۇشىن كوپ نارسە قاجەت ەمەس ەكە...
-
قىستىڭ قاتال ءتۇنى. ءاقتوس تاعى دا ايازدى، سۋىق ءتۇندى دۇكەن جانىندا قوقىسقا شىعارعان قوراپتار اراسىندا وتكىزىپ جاتىر. تۇلا-بويى مۇزداپ، توڭعانى ءوز الدىنا، جاراقاتتانعان اياعى دا سىزداپ اۋىرىپ جاتىر. ءوز...
