كۇز مەزگىلى ، قىس كەتىپ ، جاز اپتاعان
قىرعا شىقتىم تىنىعىپ از اپتاعا
سوندا ماعان ءبىرىنشى سالەم بەردى
كىپ-كىشكەنتاي ، قولى كۇس قازاق بالا

قارا بورباي، قولى كۇس قازاق بالا
سالەم بەردى ، كۇلمەڭدەر ،مازاقتاما
كوتەرىپ جەردەن الىپ يىسكەدىم
شىدادىم جىلاي سالماي از-اق عانا

ءيىلىپ قول بەرۋگە ءتيىستى ەدىم
بىراق مەن قۇشاقتادىم ، يىسكەدىم
سارايىمدى مول ماتتە جىبەردى اشىپ
ءسابيدىڭ جۇپار-جۋسان يىستەرى

قارا بالا قارايدى قيىقتانا
قىلىعىنا ءسابيدىڭ ءيىپ بارام
تۋعان دالام تۋدىرعان قازاق ەلىم
قۇشاعىما كەتكەندەي سيىپ عانا

كەرەك ەمەس بۇل جەردە قالالىعىڭ
كەرەك ەمەس ۇلىلىق دالالىعىڭ
عاجايىپ ءبىر كۇي كەشتىم ، تابىلعانداي
ۇمىت قالعان كەشەگى بالالىعىم

وتسە دە تالاي عاسىر ازاپتاعان
ال بۇگىن ازات ءومىر ، ازات زامان
ۇرپاعىڭ ۇزىلمەسىن قازاق بابام
امان ءجۇر اينالايىن قازاق بالا.

---