وتىرسام دەپ ەم
وزىڭمەن ۇزاق سىرلاسىپ
وسىعان وراي كەلمەي-اق قويدى قۇرداسىم
تىرلىكتىڭ قامىن تۇزاعىن ىلگەن  ءبىر باسىڭ
قايتەرسىڭ ەندى قيسىنىن تاپپاي تۇرعاسىن

تىنىمداپ ءبىر ءسات وتىرا قالسام جايلانىپ
قيانعا كەتەم
قيالعا ەرىپ قايداعى
مەن ءجۇرمىن مۇندا ارقانداۋلى اتتاي اينالىپ
ءجۇرسىڭ بە ؟ سەندە تىرلىككە ءجىپسىز بايلانىپ

بولمادى قانشا اش قۇرساق تىرلىك “ەشكى ارىق”
ەشتەمەدەندە جاتقامىز جوق قوي كەش قالىپ
بالالىق شاققا
ساتىنە بەس كەپ باس بارىپ
وتىرساق ەدى-اۋ ورالماس كەزدى ەسكە الىپ

ءبىز ۇمىتساق تا
ۇمىتا قويماس جىل-ەسەپ
بىلەسىڭ بىزدەر ءبىر جىلدىڭ ەنشى ۇلەسى ەك
ىلگەرى باسقان يگى ىسىمىزگە ىلەسىپ
نۇر بولار ەدى ۇرپاققا باقىت تىلەسەك

ەسكىرمەك ەمەس ەستەلىك سوناۋ شاقتاعى
ماۋە بوپ كەتتى
ءبىز ەككەن شىبىق باقتاعى
قۇربى مەن بىرگە “اق تۇيە” قارىنىن اقتارىپ
جۇرۋدە باقىت جەتىستىگىنە ماقتانىپ

وزگەردى ورتا
ءوتتى كوپ جىلدار ارادا
وزىڭە كوز سال
وسكەن ۇرپاقتارعا قارادا
كەيىندەپ قالعان ۋاقىتتاردى سارالاپ
ءوز نارقىن سوسون باعالاۋ كەرەك ءار ادام

بايقاعان كىم بار باعدارسىز مىناۋ جول ۇشىن
كەلەدى قۋىپ
كەيىنگى تولقىن تولىسىپ
مىنا پانيگە ادام بوپ كەلدىك
سول ءۇشىن
ادام بوپ وتسەك بۇلداعى پەندە بورىشى

داستۇرمەن سالتى ءبىز بالا بولعان كەزدەردىڭ
ءبارى دە بوتەن
بارىدە بۇگىن وزگەردى
تىرلىگىن ماقتاپ
تىلدەرىن باپتاپ وزگە ەلدىڭ
ءوزىڭدى سوعان تىلىمسەك ەتەر كەز كەلدى

ۋاقىت ءسىرا توقتاعان ەمەس تاعات قىپ
اياڭداي بەرەر تىلىنە ەرىپ ساعاتتىڭ
كەرعورلىققا كەلگەنمەن قانشا وق اتقان
جوق ەمەس بىلەم
وزىمىزدەن دە اعاتتىق

اللاعا شۇكىر حوبدانىڭ ءجۇرمىز تورىندە
داڭقىمىز قانداي شىڭناندا بيىك كورىنگەن
بابادان قالعان ميراستان شەتتەپ جەرىنبەي
ءبىر تۇتاس بولسا جاقسى ەدى ءسىرا بولىنبەي

ماقساتى بىرەۋ بولسا عوي ەردىڭ ويى انىق
جان-جاققا تارتىپ سان تۇسكە ءجۇرمىز بويانىپ
كەلىسسىز تاعلىم، كەتپەي تۇرىپ بوي الىپ
ەشتەن كەش جاقسى ويىنى ەندى قويالىق

دەپ شاقىراتىن ازامات قايدا بىرلىككە
بەرەكەلەسسە جەتپەيتىن نە بار تىرلىكتە
الاستاپ مىناۋ
الاپەس كەزدى دۇرلىككەن
بىرىگۋ كەرەك
ىشىندە جاتپاي ءبىر بۇكپەن

وسىلاي دوسىم
شىبىرلاپ داپتەر پاراعىن
ويىمدى كوپكە جەتكىزە السام جارادىم
اتادان قالعان اسىلدىڭ ءبارىن ادام قىپ
شىنىندا بىزدەر قاي جاققا كەتىپ بارامىز ؟

---