InfoHub Logo

تاڭداۋ كۋرسى
اپتاسىنا 1 ساعات، بارلىعى 34 ساعات
6 سىنىپ

قازاقشا كۇرەس
تەوريالىق ءبولىم
1 - ساباق (1 ساعات) كۇرەسكە كىرىسپە. قازاقشا كۇرەستىڭ قىسقاشا تاريحىنا توقتالۋ. قازاق پالۋاندارىنىڭ ءومىرى مەن كۇرەس جولدارى جايلى مالىمەت بەرۋ. كۇرەستىڭ نەگىزگى ماقساتتارى مەن مىندەتتەرىن ءتۇسىندىرۋ.
2 - ساباق (1 ساعات) سەكسيا جۇمىسىن قالاي باستاۋ كەرەك؟ باسقا كۇرەس تۇرلەرى سياقتى قازاقشا كۇرەستى دە ونەر رەتىندە ۇيرەتۋگە وزىندىك مەكتەبى بار سەكسيا كەرەك. ول سەكسيا، ارينە، ءبىر توپ ۇيرەنۋشىلەردەن، جاس تالاپكەرلەردەن تۇرادى. ونى باسقارۋشى وسى ونەردى بۇگە - شىگەسىنە دەيىن بىلەتىن ادام بولسا، نۇر ۇستىنە نۇر. سەكسياعا جيىرما شاقتى، ءتىپتى ودان دا كوپ جاس تالاپكەرلەردى تارتۋعا بولادى. سەكسيا ول ءوز الدىنا جەكە ۇجىم.
3 - ساباق (1 ساعات) تالاپكەرلەردى كۇرەس سەكسياسىنا قابىلداۋ. تالاپكەرلەر نورماتيۆ تاپسىرۋعا ءتيىس. ءبىز ودان ونىڭ كۇشىن، جىلدامدىعىن، باتىلدىعىن، ايتەۋىر بويىنداعى جىلت ەتكەن بارلىق قاسيەتىن ءبىلۋىمىز كەرەك.
4 - ساباق (1 ساعات) جاتتىعۋ كەزەڭدەرى. كۇرەس – ۇلكەن ونەر. ونى جالىقپاي ۇيرەنگەن ادام عانا مەڭگەرىپ، سان قيلى قۇپيالارىنا قانىعا الادى. ارينە، مۇندا تابيعي كۇشتىڭ ءرولى ەرەكشە. دەگەنمەن، سول ءبىر كۇش قاينارىن ايالاي ءبىلىپ، ءاردايىم كوزىن اشىپ، شيرىقتىرىپ تۇرماسا، كۇندەردىڭ كۇنىندە ول سارقىلىپ قالۋى دا مۇمكىن. سوندىقتان كۇرەستى جاقسى مەڭگەرۋ ءۇشىن جاتتىعۋ كەزەڭدەرىن جاقسى ءبىلۋ كەرەك.
5 - ساباق (1 ساعات) سپورت قۇرال - جابدىقتارى جانە جاتتىعۋ ورنى. كۇرەس ءۇشىن سپورت جابدىقتارى كەرەك. ارنايى سايىس كىلەمى نەمەسە گيمناستيكاعا ارنالعان كىلەم، شتانگالار، گيرلەر، گانتەلدەر بولسا پالۋاندار ءۇشىن جاقسى جاعداي جاسالعان دەگەن ءسوز.
6 - ساباق (1 ساعات) پالۋانداردىڭ سالماق دارەجەسىن انىقتاۋ. كۇرەستە سالماق زور ءرول اتقارادى. پالۋان جارىس كەزىندە وزىنە ءتان سالماقتا عانا سايىسقا تۇسۋگە ۇيرەنەدى. جارىسقا قاتىسۋشىلار جاس ەرەكشەلىكتەرىنە بايلانىستى تۇرلىشە توپتارعا بولىنەدى.
7 - ساباق (1 ساعات) باپكەر جايلى بىرەر ءسوز. شاكىرتتىڭ ناعىز شەبەر بولۋىنا ەڭ ءبىرىنشى سەپتىگىن تيگىزەتىن، جاتپاي - تۇرماي كومەكتەسەتىن، ۇيرەتەتىن ادام – جاتتىقتىرۋشىسى نەمەسە باپكەرى.